نیشنل فارماسیوٹیکل پرائسنگ اتھارٹی (این پی پیاے) محکمہ فارماسیوٹیکل (ڈی او پی ) کے تحت منشیات (قیمتوں پر قابو پانے) آرڈر، 2013 (ڈی پی سی او، 2013) کے پہلے شیڈول میں متعین ادویات کی زیادہ سے زیادہ قیمت مقرر کرتی ہے۔ ادویات کے تمام مینوفیکچررز کو اپنی مصنوعات کو این پی پی اے کی طرف سے مقرر کردہ زیادہ سے زیادہ قیمت (علاوہ قابل اطلاق سامان اور خدمات ٹیکس) کے اندر بیچنا ہوگا۔ طے شدہ اضافے کی صورت میں، سالانہ اضافے کی اجازت ہول سیل پرائس انڈیکس (ڈبلیو پی آئی ) میں سالانہ نظرثانی کی حد تک ہے۔ این پی پی اے طے شدہ فارمولیشنز کے موجودہ مینوفیکچررز کے لیے ڈی پی سی او، 2013 کے تحت نئی دوا کی خوردہ قیمت بھی طے کرتا ہے۔ مطلع شدہ خوردہ قیمت صرف درخواست گزار مینوفیکچرنگ/مارکیٹنگ کمپنیوں پر لاگو ہوتی ہے۔ دیگر غیر طے شدہ فارمولیشنوں کے لیے، ایک مینوفیکچرر اس کے ذریعہ شروع کی گئی ایک غیر طے شدہ فارمولیشن کی زیادہ سے زیادہ خوردہ قیمت طے کرنے کے لیے آزاد ہے۔ غیر طے شدہ فارمولیشن کی صورت میں، کوئی مینوفیکچرر پچھلے 12 مہینوں کے دوران ایم آر پی میں ایم آر پی  کے 10فیصدسے زیادہ اضافہ نہیں کر سکتا۔ اوور چارجنگ کے معاملات ڈی پی سی او، 2013 کی متعلقہ دفعات کے تحت این پی پی اے کے ذریعے نمٹائے جاتے ہیں۔ مزید، ڈی پی سی او، 2013 کا پیرا 19 عوامی مفاد میں کسی بھی دوا کی زیادہ سے زیادہ قیمت یا خوردہ قیمت مقرر کرنے کے لیے اس مدت کے لیے فراہم کرتا ہے جو مناسب سمجھی جائے۔

ریاستوں کی کوششوں کو آگے بڑھانے کے لیے، نیشنل ہیلتھ مشن (این ایچ ایم) نے صحت عامہ کے نظام کی تمام سطحوں پر صحت کی دیکھ بھال کے متلاشیوں کو مفت ادویات کی فراہمی کو یقینی بنانے کے لیے مفت دوا خدمت پہل یعنی فری ڈرگس سروس انیشیٹو کا آغاز کیا ہے۔ مفت ضروری ادویات کی فراہمی کو یقینی بنانے کے لیے این ایچ ایم  پروگرام کے نفاذ کے منصوبوں (پی آئی پی ) کے ذریعے ریاستوں/مرکز کے زیر انتظام علاقوں کو بجٹ میں مدد فراہم کرتا ہے۔ انڈین پبلک ہیلتھ اسٹینڈرڈز (آئی پی ایچ ایس) کے تحت، سہولت کے مطابق ضروری ادویات کی فہرستیں (ای ایم ایل) ریاستوں/یوٹیز کو تجویز کی گئی ہیں۔

آیوشمان بھارت پردھان منتری جن آروگیہ یوجنا( اےبی پی ایم جے اے وائی) کے تحت، اس بات کو یقینی بنانے کے لیے کہ ہسپتال زیادہ چارج نہ کریں اور تمام ہسپتالوں میں شرحیں مختلف نہ ہوں، ایمپینلڈ ہیلتھ کیئر پرووائیڈرز (ای ایچ سی پی) کو مخصوص پیکیج کی شرحوں کے مطابق ادائیگی کی جاتی ہے۔ ایک پیکج، علاج سے منسلک تمام اخراجات پر مشتمل ہوتا ہے، بشمول ہسپتال میں داخل ہونے سے پہلے اور بعد کے اخراجات۔ یہ بنڈل پیکجز ہیں جن میں علاج کے تمام پہلو شامل ہیں جن میں داخلے سے پہلے کی تشخیص اور 15 دنوں کے لیے ڈسچارج کے بعد کی ادویات شامل ہیں۔ علاج کے پیکجوں میں سپر اسپیشلٹی کیئر جیسے آنکولوجی، نیورو سرجری، کارڈیو تھوراسک اور کارڈیو ویسکولر سرجری شامل ہیں۔

4 دسمبر 2022 تک ،   ہسپتالوں میں 4.18 کروڑ داخلے ہوئے ہیں جن کی مالیت 48,934.9 کروڑ روپے ہے، اسکیم کے تحت مذکورہ رقم کی منظوری دی گئی ہے۔ اس طرح، آیوشمان بھارت پردھان منتری جن آروگیہ یوجنا نے اسکیم کے تحت صحت کی دیکھ بھال کی خدمات حاصل کرنے والے اہل مستفیدین کو مفت ادویات کی دستیابی میں سہولت فراہم کی ہے۔

28 ریاستوں/ مرکز کے زیر انتظام علاقوں میں 238 امرت فارمیسی کام کر رہی ہیں۔ امرت فارمیسیز، خاص طور پر تیسرے نگہداشت کے ہسپتالوں کے لیے، ہسپتالوں کی تمام طبی ضروریات بشمول برانڈڈ/برانڈڈ جنرک/جنرک ادویات، جراحی کی اشیاء، استعمال کی اشیاء اور امپلانٹس کے لیے ایک واحد نقطہ کے طور پر کام کر رہی ہیں۔ دوا کی ضروریات کے لیے، امرت فارمیسی ہسپتال اور عام لوگوں کے نسخے کے پیٹرن کے مطابق 01 (ایک) برانڈڈ اسٹاک کیپنگ یونٹ (ایس کے یو) اور ساخت اور طاقت کے ایک یا دو برانڈڈ جنرک/جنرک ایس کے یو کا سٹاک رکھ رہی ہے۔

2014 سے، فارمیسی میں ڈپلومہ (ڈی فارما) کے لیے دی فارمیسی کونسل آف انڈیا (پی سی آئی) کے منظور شدہ اداروں کی تعداد 710 سے بڑھ کر 3333 ہو گئی ہے اور فارمیسی میں ڈگری (بی فارما) کے لیے یہ 930 سے ​​بڑھ کر 2411 ہو گئی ہے۔ ہندوستانی صحت عامہ کے معیارات کے مطابق تقریباً 33857 فارماسسٹ سی ایچ سی اور اس سے نیچے کی سطح کی سہولیات پر تعینات ہیں۔

صحت اور خاندانی بہبود کی مرکزی وزیر مملکت ڈاکٹر بھارتی پروین پوار نے آج لوک سبھا میں ایک تحریری جواب میں یہ بات کہی۔

********

ش ح۔   ش ت۔ج

Uno-13614

(Release ID: 1882394)