جناب اکشے سنگھ  ، جو  کانپور کے سائیکل چلانے کے شوقین نوجوان ہیں ، کم عمری  میں الہ آبادسےلوٹتے ہوئے ٹرین کے ایک حادثے میں اپنی داہنی ٹانگ سے محروم  ہوگئے  تھے۔یہ حادثہ  اہل خانہ اور  خوداس نوجوان لڑکے لئے  ایک بڑا صدمہ تھا جو سائکلنگ کی دنیا میں اپنا نام روشن کرنے کا خواہشمند تھا۔

لیکن ان کی یہ  معذوری ان کی  زندگی کے ہدف کو تبدیل نہیں کرسکی اور انہوں نے اپنی تعلیم کے ساتھ ساتھ سائکلنگ کے لئے اپنے شوق کوبھی جاری رکھا۔گزرتے  ہوئے وقت کے دوران اکشے اور ان کے والدین کو  آَلمکو (اے ایل آئی ایم سی او ) کے بارے میں  پتہ چلا اور انہوں نے جدید قسم کے مصنوعی  اعضاء لگانے کے لئے ،  مصنوعی اعضا ء لگانے و الے ماہر آلمکو سے رجوع کیا۔  

آلمکو نے  جناب اکشے   سنگھ کا معائنہ  کیا ،جن کی داہنی  ٹانگ کٹ چکی تھی اور انہوں نے حکومت ہند کی اے ڈی آئی پی اسکیم کے تحت گھٹنے کے نیچے مصنوعی ٹانگ فٹ کردی  اور اس  کے بعد انہوں نے جی اے آئی ٹی کے تربیتی پروگرام میں  شرکت کی ۔ بعد میں  اگست  2019  میں  ہی اکشے سنگھ نے   کانپور سے نئی دلی کے انڈیا گیٹ تک  سائیکل  پر صرف 64  گھنٹے کے ریکارڈ وقت  میں  پہنچ کر لمکا بک  آف ریکارڈ میں  اپنا نام درج کراکر شاندار کامیابی  حاصل کی ۔

 

*************

ش ح۔وا ۔ رم

U-13564

(Release ID: 1882088)