নোর্থ ইস্তর্ন রিজন কম্ম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.)না দোনর মন্ত্রালয়গী মীৎয়েঙ মখাদা নুপীগী পাঙ্গল কনখৎন্নবগী পান্দমগা লোয়ননা স্কিল দিভেলপমেন্তকী খুত্থাঙদা অৱাং নোংপোক লমতমগী খুঙ্গঙগী লমদা লৈবা নুপীশিংবু চেঙ্গু থাহন্দুনা মখোয়গী পুন্সি হিংবগী লম্বী পীবদা মতেং পাংলি‍।

পুম্নমক অসি এন.ই.আর.সি.আর.এম.এস.না বঞ্চুং কৌবা নুপী সেল্ফ-হেল্প গ্রুপ অমদা চেঙ্গু থাবগী ত্রেনিং পীবদগী হৌরকখিবনি‍। কাঙলুপ অসি অরুনাচল প্রদেশগী চাংলং দিস্ত্রিক্তগীনি‍। কাঙলুপ অসি নুপী লূপ্লোয় ২০না জনুৱারী ২০১৬দা শেমখিবনি‍। কাঙলুপ অসি সিংফো ত্রাইবকী মনুং চল্লি‍।

মফম অসিদা, পোত্থোকশিং অদুনা কৈথেলদা শেন্দোং য়াম্না লৈহন্দুনা চেঙ্গুম থাবগী থবক থুনা পাকথোক চাউথোরকখি‍। ওইস্তর চেঙ্গুম অসি তোঙান তোঙানবা লৌউ শিংউগী মথি মকুমশিংদগী পত্থ পুমথহনবা তৌদনা প্রোতিন মরাং কায়না য়াওবা চীঞ্জাক পুথোকপগী খ্বাইদগী চুনরবা ফঞ্জেল ওর্গানিজমশিংগী মরক্তা অমনি‍। ওইস্তর চেঙ্গুম পুথোকপগী থবক অসি হৌদোকপদা ত্রেনিং অমসুং শেম শাবা চঙই‍।

হৌরকপদা, কাঙলুপ অদুনা মদুগী থবক থৌরমশিংগী মরমদা অমদি মদুবু তুং কোইনা হিংহন্দুনা থম্বগী মরমদা খঙলমদে‍। ইং ২০১৬দা, প্রোজেক্ত অসি পায়খৎলবা মতুংদা, কাঙলুপ অসিনা মসিগী থৌওং অমদি থবক থৌরমশিং খঙলকখি অমদি তুংদা মদুগী শরুক অমা ওইখি‍। রিভোল্বিং ফন্দগী খুত্থাঙদা অপুনবা শেন্ফম লুপা ১,২২,০০০/- ফংখি, অমদি কাঙলুপ অদুনা অচার শেম্বা, ফি শাবা, অমদি চেঙ্গুম থাবা হৌদোকখি‍।

সেপ্তেম্বর ২০১৯গী অহানবা চয়োলদা, কাঙলুপ অদু খেরেম বিসাদা মোহোং খুঙ্গঙদগী বেদ এম. ভেজেগানা চেঙ্গুম থাবগী মরমদা তমবিখি‍। কাঙলুপ অদুগী লূপ্লোয়শিংনা ত্রেনিং অদুদা ইচঙ থৌনা শরুক য়াখি‍। তুংদা, জনুৱারী ২০২০দা, ত্রেনিং অমদি রিভোল্বিং ফন্দগী মতেংদগী, কাঙলুপ অদুনা চেঙ্গুম চারা, পেকেজিং প্লাস্তিক, রব্বর, অমদি পাইপ স্প্রে লৈবদা লুপা ৭০০০/- থাদদুনা চেঙ্গুম থাবা হৌখি‍।

থা অনিগী মতুংদা, চেঙ্গুমশিং অদু হোলসেল কৈথেলগী মমলদা কেজিদা লুপা ১৫০দগী লুপা ১৬০ ফাওবগী চাংদা অমদি মরক মরক্তা লুপা ২০০গী রিতেল কৈথেলগী মমলদা য়োনবা হৌখি‍। থা অমগা মখায়দা, মখোয়না কেজি ১৭ হোলসেল মমলদা লুপা ২৮৭০গী য়োনখি অমদি কেজি ৬০না রিতেলদা লুপা ১২,০০০গী য়োনখি‍। শিৎখিবা অপুনবা শেনফম লুপা ১৪৮৭০ ওইদুনা শেন্দোংসু লুপা ১৪৮৭০ ওইখি‍।

কাঙলুপ অসিনা, খুঙ্গঙগী নুপীশিংগী স্কিল শেমগত্তুনা অমদি হেনগৎহন্দুনা, শেল তান্নবগীদমক চেঙ্গুম থাবগী মরমদা ৱাখল লৌশিং পীদুনা এন.ই.আর.সি.আর.এম.এস.কী খুত্থাঙদগী থিওরেতিকেল অমদি শেলগী ওইবা তেংবাংগীদমক প্রোজেক্ত অসিদা পুকচেল শেংনা তৌবিমল খঙবা উৎখি‍।

*****

(Release ID: 1882085)