شہری ہوا بازی کی وزارت کی مشاورتی کمیٹی کی میٹنگ آج یہاں شہری ہوابازی کے مرکزی وزیر جناب جیوترآدتیہ ایم سندھیا کی صدارت میں منعقد ہوئی۔ اس میٹنگ میں تبادلہ خیال  کا موضوع گگن (جی پی ایس  پر مبنی ارضیاتی اضافہ شدہ نیویگیشن) نظام تھا جو کہ ایک خلا پر مبنی اضافہ شدہ نظام (ایس بی اے ایس) ہے، جسے ایئرپورٹس اتھارٹی آف انڈیا (اے اے آئی) اور بھارتی خلائی تحقیق کی تنظیم ( اسرو )نے مشترکہ طور پر تیار کیا ہے۔ اس میٹنگ  میں معزز اراکین پارلیمنٹ  نے شرکت کی۔

میٹنگ میں معزز ممبران پارلیمنٹ کو بتایا گیا کہ گگن  گلوبل نیویگیشن سیٹلائٹ سسٹم (جی این ایس ایس) کا ایک حصہ ہے جو کلیدی جی پی ایس (گلوبل پوزیشننگ سسٹم) سے جانکاری لیتا ہے اور شہری ہوابازی میں اس کے اطلاق کے لیےبہتر درستگی فراہم کرنے ،  خدمات کے تسلسل اورمربوط طریقے سے جی ای او اسٹیشنری سیٹلائٹس کے ذریعے جہازوں کی آمدورفت کے ڈیٹا   میں اضافہ کرتا ہے۔قومی شہری ہوابازی پالیسی (ان سی اے پی- 2016) تجویز کرتی ہے کہ یکم جنوری 2019 سے بھارت میں درج ہونے والے نئے طیاروں کو لازمی طور پرگگن کو فعال کرنا ہوگا۔ ڈی جی سی اے نے ایک عوامی نوٹس جاری کیا جس میں کہا گیا ہے کہ ’’یکم جنوری 2019 سے بھارت میں رجسٹر ہونے والے تمام طیاروں کو لازمی طور پرگگن کو فعال کرنا ہوگا‘‘ (بعد ازاں یکم جولائی 2021 کواس پر  نظر ثانی کی گئی)۔

گگن  کے فائدے  ہوا بازی کے ساتھ ساتھ غیر ہوابازی کے شعبوں میں بھی  ہیں۔ ہوا بازی کے شعبے میں حفاظتی محاذ پرگگن آپریشنل ہے اور دو سطحوں کی خدمات پیش کرتا ہے۔ انڈین فلائٹ انفارمیشن ریجن پر آر این پی 0.1 (مطلوبہ نیویگیشن کارکردگی 0.1) اور ہندوستانی لینڈ ماس کے بڑے حصے پر ہوا بازی کے یوزرس کیلئے اے پی وی I (عمودی گائیڈنس کے ساتھ طریقہ کار،مرحلہ I) ۔ گگن پرواز کے تمام مراحل بشمول سمندری نقطہ نظر، ٹرمینل، سطح کے آپریشنز  میں تعاون  کر سکتا ہے۔ گگن سسٹم غیر آئی ایل ایس رن ویز پر کم آپریشنل کم سے کم مقدار  فراہم کرتا ہے اور منحنی نقطہ نظر جیسے جدید طریقہ کار کی حمایت کرتا ہے۔گگن زیادہ موثر راستوں کو ڈیزائن کرنے میں مدد کرتا ہے جس کے نتیجے میں ایندھن کی بچت ہو سکتی ہے۔ یہ نیویگیشن انفراسٹرکچر کی عدم موجودگی والے علاقوں میں آپریشنز میں مدد کر سکتا ہے۔گگن، آئی ایل ایس نقطہ نظر کے بیک اپ کے طور پر کام کر سکتا ہے۔

غیرشہری ہوابازی کے شعبے میں گگن قدرتی آفات کے بندوبست  میں مدد کرتا ہے۔گگن میسج سروس (جی ایم ایس) کے استعمال سے زندگی کی حفاظت کے لیے قدرتی آفات، حادثات،  تلاش اور بچاؤ کاری ،تخفیف سے متعلق پیغامات، موسمیاتی معلومات کے لیے پیشگی انتباہی پیغامات نشر کیے جا سکتے ہیں۔ علاوہ ازیں اس کے  دیگر استعمال ہیں۔گگن حفاظت، نقل و حرکت، ضابطے  میں اضافہ کر سکتا ہے اور ادائیگی کی درخواستوں کو فعال کر سکتا ہے۔ سڑک کے شعبے میں یہ لین گائیڈنس، ٹریفک کے بہتر  بندوبست، رفتارکے کنٹرول اور ٹریفک کی خلاف ورزی،سرکاری  ٹرانسپورٹ کے اثاثوں کی بروقت نگرانی کے لیے اسمارٹ موبلٹی پیش کر سکتا ہے۔گگن کے استعمال سے الارم اور بیریئر بند کرنے کا آغاز خودکار کیا جا سکتا ہے، ٹرین کی نقل و حرکت کی نگرانی اور خودکار ٹرین کے رکنے سے حادثات کے خطرے کو کم کیا جا سکتا ہے۔ گگن برصغیر اور اندرون ملک آبی گزرگاہوں میں بحری جہازوں کی نزدیکی  کا پتہ لگا کر بندرگاہوں پر بحری جہازوں کی محفوظ ڈاکنگ کو فعال کر کے، ساحلی حفاظت کو بڑھا کر اور بحری جہازوں کی ٹریکنگ کے ذریعے نیویگیشن اور پوزیشننگ کو بہتر بنا سکتا ہے۔

ایئرپورٹس اتھارٹی آف انڈیا مختلف ہندوستانی ہوائی اڈوں کے لیے مختلف قسم کے لینڈنگ اپروچ طریقہ کار کو ڈیزائن کرتی ہے۔ اب تک ہندوستانی ہوائی اڈوں کے مختلف رن ویز کے لیے 51 گگن پر مبنی طریقہ کار وضع کیے گئے ہیں۔ 28 اپریل 2022 کو راجستھان کے کشن گڑھ ہوائی اڈے پر گگن پر مبنی ایل پی وی   طریقہ کار کا استعمال کرتے ہوئے فلائٹ ٹرائل کا انڈیگو نے کامیابی سے انعقاد کیا۔ آج تک کشن گڑھ ہوائی اڈے کے دو رن وے  کے آخری سرے  کے لیے گگن 02 پر مبنی طریقہ کار کو ہوا بازی کے استعمال کے لیے ایروناٹیکل انفارمیشن پبلی کیشن (اے آئی پی) میں جاری کیا گیا ہے۔ کننور رن وے (آر ڈبلیو وائی) 07 کے لیے بھی گگن پر مبنی طریقہ  کار کا استعمال کرتے ہوئے فلائٹ ٹرائل کا انعقاد جلد ہی کرنے کا منصوبہ ہے۔ ممبئی آر ڈبلیو وائی 32 اور کوچن آر ڈبلیو وائی 09 کے لیے گگن پر مبنی طریقہ کار کے فلائٹ ٹرائلز شہری ہوابازی کے ڈائریکٹوریٹ جنرل (ڈی جی سی اے) کی منظوری کے بعد کیے جانے کا منصوبہ ہے۔

ایئرپورٹس اتھارٹی آف انڈیا ہندوستان میں اس طرح کی تکنیکی ترقی کے ذریعے ہوائی جہاز کی آمد ورفت خدمات کی دستیابی، تسلسل اور تحفظ کو یقینی بنانے کے لیے تمام تر کوششیں کر رہی ہے۔

معزز اراکین  پارلیمنٹ  نے اس موضوع پر کچھ قیمتی تجاویز پیش کیں۔ اس میٹنگ کا اختتام شکریہ کے کلمات کے ساتھ ہوا۔

۔۔۔۔۔۔۔۔۔۔۔

 

ش ح۔م ع۔ ع ن۔

U-13531

(Release ID: 1882043) Visitor Counter : 116