ہندوستان کے معزز صدر نے صدر کے اسٹینڈرڈ اور کلر کے نئے ڈیزائن اور ہندوستانی بحریہ کے کریسٹ کے لیے ایک نئے ڈیزائن کو منظوری دی ہے، جس کی نقاب کشائی بحریہ کے دن کے موقع پر 4 دسمبر 2022 کو وشاکھاپٹنم میں کی گئی۔

نوآبادیاتی ماضی سے دور جانے کی جاری قومی کوششوں کے سلسلے میں بحریہ کے نشان کو ایک نئے ڈیزائن میں ترمیم کیا گیا جو ہماری تاریخ سے متاثر ہے جہاں سفید نشان پر سرخ افقی اور عمودی لکیروں کو جڑواں گولڈن کے سا تھ بلیو آکٹاگون سے تبدیل کیا گیا تھا۔ ایک واضح لنگر کے اوپر قومی نشان کو گھیرے ہوئے سرحدوں اور لنگر کے اسٹاک پر قومی نشان ’ستیہ میو جیتے‘ لکھا ہوا ہے۔ مزید برآں قومی پرچم کو بالائی بائیں چھاؤنی پر برقرار رکھا گیا ہے۔

صدر کے اسٹینڈرڈ اور معیار کا سابقہ ڈیزائن 6 ستمبر 2017 کو قائم کیاگیا تھا اس ڈیزائن میں ہر ایک میں ایک افقی اور عمودی سرخ بینڈ شامل تھے جو مرکز میں ایک دوسرے کو آپس میں ملا رہے تھے اور ان کے چوکھٹے پر قومی نشان قائم کیا گیا تھا۔ قومی پرچم عملے سے متصل بالائی بائیں چھاؤنی میں تھا اور ایک سنہرا ہاتھی فلائی سائڈ پر نیچے دائیں کینٹن میں تھا۔ یہ ڈیزائن سابق نیول اینسائن سے متاثر تھا۔

ہندوستانی بحریہ نے 02 ستمبر 2022 کو بحریہ کا ایک نیا نشان اپنایا، اور ہندوستانی بحریہ کو دیئے گئے صدر کے اسٹینڈر اور صدر کے کلر کے نئے ڈیزائن میں اس تبدیلی کو شامل کیا گیا ہے۔ صدر کے اسٹینڈرڈ اور کلر کے نئے ڈیزائن میں تین اہم اجزاء شامل ہیں - عملے سے متصل اوپری بائیں کینٹن میں قومی پرچم، فلائی سائیڈ پر بالائی دائیں کینٹن پر سنہری رنگ میں 'ستئے میو جیتے' کے ساتھ لکھا ہوا ریاستی نشان، اور نیوی بلیو - گولڈن اسٹیٹ کے نشان کے نیچے گولڈ آکٹگن۔ آکٹگن کی جڑواں سنہری آکٹونل سرحدیں ہیں، جس میں سنہری قومی نشان (اشوکا کا شیر کیپٹل - نیلی دیوناگری رسم الخط میں ’ستئےمیو جیتے‘ کے ساتھ لکھا ہوا) ایک لنگر کے اوپر لکھا ہو نظر آتا ہے؛ اور ایک ڈھال پر ابھرا ہوا، شیلڈ کے نیچے، آکٹگن کے اندر، ایک سنہری بارڈر والے ربن میں، نیوی بلیو پس منظر میں، سنہری دیوناگری رسم الخط میں ہندوستانی بحریہ کا نعرہ ’سام نو ورونہ‘ کندہ ہے۔ گولڈن اسٹیٹ کا نشان ’طاقت، ہمت، اعتماد اور فخر‘ کی نشاندہی کرتا ہے جب کہ نیوی بلیو - گولڈن آکٹگن کی شکل، شیواجی مہاراج راجمدرا یا چھترپتی شیواجی مہاراج کی مہر سے متاثر ہےاور آٹھ سمتوں (چار کارڈنل اور چار انٹر کارڈنل) کی نمائندگی کرتی ہے۔ ہندوستانی بحریہ کی سمندری رسائی کی علامت۔ صدر کے اسٹینڈرڈ اینڈ کلر کا نیا ڈیزائن ہندوستان کے شاندار سمندری ورثے کو نمایاں کرتا ہے اور ایک طاقتور، بہادر، پراعتماد اور قابل فخر ہندوستانی بحریہ کی علامت بھی ہے۔

انڈین نیوی کریسٹ میں ترمیم کی گئی ہے تاکہ دھندلے لنگر کو واضح لنگر سے بدل دیا جائے۔ واضح اینکر بحری حدود میں کسی بھی چیلنج سے نمٹنے کے لیے ہندوستانی بحریہ کی ثابت قدمی کو ظاہر کرتا ہے، اور اس کے ملاحوں کے وژن، مشن اور خواہشات کی وضاحت کرتا ہے۔ کلیئر اینکر ہندوستان کے ساحل اور سمندری مفادات کو محفوظ بنانے کے تئیں ہندوستانی بحریہ کے عزم کو بھی ظاہر کرتا ہے۔ تبدیلی کا مطلب کریسٹ ڈیزائن میں علامتی سمندری رسی کو ہٹانا ہوگا۔ موڈیفائیڈ انڈین نیوی کریسٹ کو 04 دسمبر 22 سے نیوی ڈے 2022 کے موقع پر متعارف کرایا گیا ہے۔

نئے نیول کریسٹ میں اشوکا شیر کے سر کے نیچے ایک روایتی بحری صاف لنگر ہے جس کے نیچے ’’شنوورونا:‘‘ لکھا ہوا ہے، جو ویدوں سے ایک دعا ہے جس کا مطلب ہے ’’سمندری خدا ہمارے لیے مبارک ہو‘‘۔ یہ جملہ آزاد ہندوستان کے پہلے ہندوستانی گورنر جنرل شری چکرورتی راجگوپالاچاری کی تجویز پر ہندوستانی بحریہ کے نصب العین کے طور پر اپنایا گیا تھا۔ واضح لنگر کے اسٹاک پر قومی نعرہ ’ستئے میو جیتے‘ یعنی ’سچ کی ہمیشہ فتح‘ لکھا ہوا ہے۔

ہندوستانی بحریہ کے کریسٹ میں تبدیلی کےمطابق، ہندوستانی بحریہ کے کمان ہیڈ کوارٹر کے کریسٹ میں معمولی ترمیم (جس کے اندر ہندستانی بحریہ کا کریسٹ ہے) کو بھی ہندوستان کے صدر جمہوریہ نے منظور کیا ہے۔

صدر کا اسٹینڈرڈ اور صدر کاکلر، بالترتیب  ہندوستانی بحریہ کے جامد اور متحرک فارمیشنز کو دیا جاتا ہے، جو قوم کے لیے ان کی ممتاز اور شاندار خدمات کا اعتراف  کرتے ہیں۔  ہندوستانی بحریہ ان تین خدمات میں سے پہلی تھی جسے 27 مئی 1951 کو اس وقت کے صدر جمہوریہ ہند ڈاکٹر راجیندر پرساد نے صدر کے اسنیڈرڈ سے نوازا تھا۔ہندوستانی بحریہ نے، صدر کا کلر مغربی، جنوبی اور مشرقی بحریہ کی کمانوں، مغربی اور مشرقی دونوں بحری بیڑوں، سب میرین آرمڈ نیول ایر آرم، آئی این ایس شیواجی، آئی این ایس ولسوراور انڈین نیول اکیڈمی کودیا گیا ہے۔ 22واں میزائل ویسل اسکواڈرن پہلا نیول لڑاکا اسکواڈرن تھا جسے صدر کے اسٹینڈرڈ سے نوازا گیا۔

*****

U.No.13321

(ش ح - اع - ر ا)