تمل ناڈو سے تجارتی وفد کا پانچواں بیچ ایک ماہ تک جاری رہنے والے 'کاشی تمل سنگمم' میں شرکت کے لیے وارانسی پہنچا۔ وارانسی کینٹ ریلوے اسٹیشن پر کل رات دیر گئے 216 افراد پر مشتمل وفد کا پرتپاک استقبال کیا گیا۔ مہمان پرسکون تھے اور 'ڈمرو' بجانے اور پھولوں کی بارش کے درمیان شاندار استقبال پر خوش تھے۔

وفد میں تمل ناڈو کے لوگوں کے علاوہ پڈوچیری اور دیگر ملحقہ علاقوں کے لوگ بھی شامل تھے۔ 'کاشی وشوناتھ' پہنچنے پر وفد کے ارکان کا پرتپاک استقبال کیا گیا۔

درشن کے بعد مہمانوں کو مندر کے احاطے کی سیر پر لے جایا گیا اور 'ماں اناپورنا رسوئی' میں کھانا پیش کیا گیا۔ بعد میں انھوں نے مندر کے علاقے میں اور اس کے آس پاس بنارس کے دیگر ورثہ مقامات اور آس پاس کے بازاروں کا بھی دورہ کیا۔

اپنے دورے کے پروگرام کے ایک حصے کے طور پر بزنس مندوبین بعد میں دوپہر میں کروز پر 'سنت روی داس گھاٹ' کا بھی دورہ کریں گے اور 'گنگا آرتی' میں شرکت کریں گے اور اس کے بعد دیگر ملحقہ گھاٹوں کا دورہ کریں گے۔

'گنگا آرتی' دیکھنے کے بعد، شام کو وہ بی ایچ یو ایمفی تھیٹر میں مہمانوں اور مقامی زائرین کے لیے منعقدہ ثقافتی پروگرام میں شرکت کریں گے۔

***

(ش ح-ع ا-ع ر)

U. No. 13106

(Release ID: 1879884) Visitor Counter : 85