تعلیم اور ہنرمندی کی ترقی کے مرکزی وزیر جناب دھرمیندر پردھان  نے  آج نئی دہلی میں تاریخی تحقیق سے متعلق  بھارتی کونسل (آئی سی ایچ آر) کےذریعہ  تیار اور شائع  کی گئی کتاب ‘انڈیا:دی مدر آف ڈیموکریسی ’ کا اجرا کیا۔اس تقریب میں آئی سی ایچ آر،کے چیئرپرسن ،پروفیسر رگھوویندر تنور اور آئی سی ایچ آر کے ممبر سکریٹری پروفیسر اومیش اشوک کدم  نے بھی شرکت کی۔اس کتاب میں تہذیب کے آغاز سے ہی ہندوستان میں جمہوریت کی  کو پیش کرنے کی کوشش کی گئی ہے۔

اس موقع پر بات کرتے ہوئے وزیر موصوف نے کہا کہ  بھارت میں جمہوریت  کی جڑیں چوتھی صدی کے اوائل سے ہی پائی جاتی  ہیں۔تھنجاور میں پتھر پر کھدی ہوئی عبارتیں  اسی سلسلے کی  زندہ مثال  ہیں۔کلنگا اور لیچھاری دور میں سماجی نظام کے شواہد بھی بھارت میں جمہوریت  کے ہونے کی بات کرتے ہیں۔انہوں  نے اقوام متحدہ کی 76ویں جنرل اسمبلی  سےاپنے خطاب کے دوران   وزیر اعظم نریندر مودی کے ان الفاظ کی نشاندہی کی کہ بھارت نہ صرف سب سے پرانی جمہوریت ہے بلکہ یہ جمہوریت کی ماں بھی ہے۔

وزیر موصوف نے کہا کہ ایسا کوئی بھی معاشرہ جسے اپنی تہذیبی قوت پر فخر نہیں ہوتا وہ نہ سوچ سکتا ہے اور نہ ہی کچھ بڑا حاصل کر سکتا ہے۔ انہوں نے آئی سی ایچ آر اور اسکالرز کی تعریف کی جنہوں نے مغربی بیانیہ کو چیلنج کرنے کے لیے ہندوستانی جمہوریت کے ماخذ اور نظریات کے  ثبوت پر مبنی سلسلے کو  پیش کرنے کی کوشش کی ہے۔انہوں نے  اعتماد کا اظہار کیا کہ کتاب ‘انڈیا:دی مدر آف ڈیموکریسی’بھارتی جمہوری میراث   پر ایک صحت مند مباحثے کی حوصلہ افزائی  کرے گی اورمزید کہا کہ  یہ آئندہ  نسل کو ہماری لازوال روایات  کو یاد رکھنے  کی ترغیب فراہم کرے گی۔

*************

ش ح۔ ا م ۔

U. No.12930

(Release ID: 1878767) Visitor Counter : 234