تمل ناڈو کے مختلف حصوں سے طلباء، ثقافتی فنکاروں، ماہرین تعلیم، ادیبوں، مورخین وغیرہ پر مشتمل تمل وفد کی دوسری کھیپ ایک ماہ تک چلنے والے ’کاشی تمل سنگمم‘ میں شرکت کے لیے منگل کی صبح مقدس شہر کاشی پہنچ گئی ہے۔ وارانسی کینٹ ریلوے اسٹیشن پہنچنے پر ان کا شاندار استقبال کیا گیا۔ کاشی کے فیسٹیول میں شرکت کے بعد وہ پریاگ راج اور ایودھیا بھی جائیں گے۔

تمل ناڈو کے مختلف حصوں سے اسی طرح کے گروپوں میں مزید مندوبین ایک ماہ تک جاری رہنے والے ’کاشی تمل سنگمم‘ میں حصہ لینے کے لیے مختلف کھیپوں میں کاشی پہنچیں گے۔ وارانسی کے علاوہ وہ پریاگ راج اور ایودھیا بھی جائیں گے۔ عوام سے عوام کے تبادلے کے اس پروگرام کا بنیادی مقصد علم اور ثقافت کی ان دونوں روایات کو ایک دوسرے کے قریب لانا ہے، جبکہ مشترکہ ورثے کی تفہیم کو فروغ دینا اور ان دونوں خطوں کے لوگوں کے درمیان تعلقات کو مضبوط بنانا ہے۔ تمل ناڈو کا وفد قدیم شہر کاشی کی تاریخی اہمیت کو سمجھ سکے گا۔ ایک ماہ تک جاری رہنے والے پروگرام کے دوران، تمل ناڈو کے مختلف ثقافتی گروپ کاشی میں ثقافتی پروگرام منعقد کریں گے۔

قابل ذکر ہے کہ ’کاشی تمل سنگمم‘‘ کا افتتاح وزیر اعظم جناب نریندر مودی نے 19 نومبر کو کیا تھا۔ تمل ناڈو کے وفد کے علاوہ، بڑی تعداد میں کاشی کے مقامی باشندے بھی ایک ماہ تک جاری رہنے والے اس پروگرام میں بڑے جوش و خروش کے ساتھ حصہ لے رہے ہیں۔

*****

ش ح – ق ت – ت ع

U: 12807