#افی وڈ، 21 نومبر 2022

 آج گوا کے انوکس میں ایمینوئل کیریری  کی فلم بٹوِن ٹو ورڈز (اوئسٹریہم)کی نمائش  کے ساتھ  ہندوستان کے53 ویں بین الاقوامی فلم فیسٹیول  (افی) میں فرانس کی فلموں کی نمائش کا آغاز ہوا، جو افی کی فوکس  کنٹری  ہے ۔ اس موقع پر ہندوستان میں فرانس کے سفیر ایمانوئل لینین موجود تھے ساتھ ہی ساتھ  فرانسیسی سفارت خانے کا وفد اور ممبئی میں فرانس  کے قونصل جنرل  جناب جین مارک سیری چارلیٹ، تعلیم، سائنس اور ثقافت  کے قونصلر اور فرینچ  انسٹی ٹیوٹ انڈیا کے ڈائریکٹر جناب ایمانوئل لیبرون  ڈیمینز اور دیگر لوگ بھی موجود تھے۔  اس سال پہلی کنٹری فوکس فلم کی افتتاحی تقریب میں اطلاعات و نشریات کی وزارت  کی ایڈیشنل سکریٹری محترمہ نیرجا شیکھر نے  فرانسیسی وفد کی عزت افزائی کی۔

فرانس کے سفیر جناب ایمانوئل لینین نے ایک فرانسیسی فلمی وفد کا تعارف کرایا جو اپنے آباؤ اجداد پر فلم بنا رہے ہیں اور جو  نپولین کی فوج میں افسران تھے اور واٹر لو کی جنگ میں شکست کے بعد ہندوستان آئے تھے تاکہ انگریزوں کے خلاف لڑائی میں ہندوستانی حکمرانوں کی مدد کریں۔ اس تناظر میں، جناب  لینین نے کہا کہ یہ فلم دونوں ملکوں کے درمیان دیرپا دوستی کی عکاسی کرے گی۔

فرانسیسی سفیر نے کہا کہ افی میں ’کنٹری آف فوکس‘ کے طور پر مدعو کیا جانا ان کے لیے ایک  بڑے اعزاز کی بات ہے۔ انہوں نے کہا ’’ہم جنوبی ایشیا کی سب سے بڑی فلم مارکیٹ فلم بازار کے بارے میں کافی پرجوش ہیں‘‘۔ انہوں نے اس سال گوا میں جاری  فیسٹول میں فرانس کی  شرکت سے ابھرنے والے نئے پروجیکٹوں کے بارے میں بھی امید  کا اظہار کیا۔

ہندوستان میں فرانس کے سفیر نے کہا ’’ہم محسوس کرتے ہیں کہ ہندوستان کی طرح ہم بھی ہر سال 300 سے زیادہ فلمیں  تیار کرکے سنیما کے شعبے میں  ایک عظیم  ملک بیں‘‘۔

ہندوستان میں فرانس کے سفیر نے کہا کہ ہندوستان دنیا کی سب سے بڑی فلمی صنعت ہے اور ہم  مل کر فلمیں بنانا چاہتے ہیں اور   ایک ساتھ فلمیں تیار کرنے کے خواہش مند  ہیں۔ انہوں نے مزید کہا کہ فرانس  مشترکہ طور پر فلمیں بنانے کو ترجیح دیتا ہے۔ ان کا مزید کہا کہ وہ مشترکہ طور پر فلمیں بنانے  کی حوصلہ افزائی کے لیے ہر ممکن کوشش کریں گے۔

انہوں نے یہ بھی کہا کہ وہ چاہتے ہیں کہ فرانس میں زیادہ سے زیادہ  فلموں کی شوٹنگ  کی جائے  تاکہ اس سے وہ ہندوستان میں اپنے ملک کے ناظرین کو فلمیں دکھا سکیں گے۔ انہوں نے فرانس میں شوٹنگ کو بلا رکاوٹ بنانے میں مدد کی یقین دہانی کرائی۔ انہوں نے یہ بھی کہا کہ فرانس میں فلم سازی اور اینی میشن کے اچھے اسکول ہیں۔

سنیما میں فرانس اور ہندوستان کے درمیان رابطے کے بارے میں اظہار خیال  کرتے ہوئے، انہوں نے لومیئر برادرز کی جانب سے دیے گئے تعاون کا ذکر کیا، جنہیں فلم انڈسٹری کے موجد سمجھا جاتا ہے اور وہ کیسے 1896 میں ممبئی آئے تھے اور ان کی پہلی فلم کی نمائش اس وقت کے بامبے کے  واٹسن ہوٹل میں ہوئی تھی۔

انہوں نے ہند-فرانس کی مشترکہ پروڈکشن فلموں جیسے لنچ باکس، سر اور دیگر کا ذکر کیا، جنہوں نے  شاندار کامیابیاں حاصل کیں۔ انہوں نے چھیلو شو کا بھی تذکرہ کیا جس نے   2023 کے آسکر میں ایوارڈ کے لئے  ہندوستان کی  طرف سے باضابطہ  طور پر حصہ لیا تھا۔ یہ ایک ایسی فلم ہے جسے ہندوستان اور فرانس نے مشترکہ طور پر تیار کیا ہے۔

۔۔۔۔۔۔۔۔۔۔۔

ش ح۔ ح ا۔ ن ا۔

U-12801