وزارت آیوش
واں قدرتی طریقہ علاج کا دن ملک بھر میں مستقبل پر مبنی صحت کی دیکھ بھال کے نظام کے طور پر منایا گیا
‘‘فطرت خدا کی شکل ہے، ہمیں اس میں موجود طاقت، صلاحیت اور دولت کو سمجھنا چاہیے’’: جناب سربانند سونووال
Posted On:
18 NOV 2022 6:50PM by PIB Delhi
فطرت خدا کی شکل ہے، ہمیں اس میں موجود طاقت، صلاحیت اور دولت کو سمجھنا چاہیے لیکن بعض اوقات ہم ان چیزوں کو اہمیت نہیں دیتے اور پریشانیوں میں گھر جاتے ہیں۔ اگر ہم فطرت کا خیال رکھیں گے تو یہ ہمارا خیال رکھے گی۔ آیوش کے مرکزی وزیر جناب سربانند سونووال نے 5ویں قدرتی طریقہ علاج کے دن کے موقع پر یہ بات کہی۔ جناب سربانند سونووال نئی دہلی میں وزارت آیوش کے تعاون سے بین الاقوامی نیچروپیتھی آرگنائزیشن (آئی این او)، سوریا فاؤنڈیشن کے ذریعہ منعقدہ ایک پروگرام میں اظہار خیال کر رہے تھے۔ لوک سبھا کے اسپیکر جناب اوم برلا کا ویڈیو پیغام بھی حاضرین کے سامنے چلایا گیا۔
اس سلسلے میں مرکزی پروگرام پونے کے نیشنل انسٹی ٹیوٹ آف نیچروپیتھی میں منعقد کیا گیا۔ اس سال قدرتی طریقہ علاج کا دن قدرتی طریقہ علاج: ایک مربوط دوا کے مرکزی موضوع کے ساتھ منایا گیا۔ اس طرح پورے ملک میں قدرتی طریقہ علاج کے ذریعے مریض پر مبنی علاج کے پیغام کو پھیلایا گیا۔
محترمہ کویتا گرگ، جوائنٹ سکریٹری، آیوش کی وزارت، نیشنل انسٹی ٹیوٹ آف نیچروپیتھی (این آئی این)، پونے میں منعقدہ مرکزی پروگرام میں مہمان خصوصی تھیں۔ اس موقع پر ڈاکٹر رگھویندر راؤ، ڈائریکٹر، سی سی آر وائی این اور پروفیسر ڈاکٹر کے ستیہ لکشمی، ڈائریکٹر، این آئی این، جناب رام چندر گجبھیا، پوسٹ ماسٹر جنرل پونے ریجن بھی موجود تھے۔
آیوش کی وزارت کی جوائنٹ سکریٹری محترمہ کویتا گرگ نے آج کے دور میں قدرتی طریقہ علاج کی اہمیت پر زور دیا۔ انہوں نے روزمرہ کی زندگی میں قدرتی طریقہ علاج کے اصولوں پر عمل پیرا ہونے کا مشورہ دیا اور کہا کہ نیچروپیتھی اسٹارٹ اپس اور یونیکورنز کے لیے راہ ہموار کرنے کی کوششیں تمام اسٹیک ہولڈرز کو ہم آہنگی کے ساتھ انجام دینے کی ضرورت ہے۔
اس موقع پر 5ویں قدرتی طریقہ علاج کے دن کی یاد میں ایک خصوصی کور لفافہ جاری کیا گیا۔ سائیکل ریلیوں کے شرکاء کو گاندھی مومنٹو دیا گیا۔ یہ سائیکل ریلی نئی دہلی، وردھا اور حیدرآباد سے شروع ہوئی اور پونے میں ختم ہوئی۔ اسٹارٹ اپ یوگا چیلنج جیتنے والوں کو سرٹیفکیٹ دیے گئے۔ پروگرام میں 25 سے زائد کالجوں کے طلباء نے اساتذہ کے ساتھ شرکت کی۔ ملکھمب پریزنٹیشن کے ساتھ پروگرام کا اختتام ہوا۔
قدرتی طریقہ علاج کا دن 2018 سے ہر سال ہندوستان میں 18 نومبر کو منایا جاتا ہے، جس دن مہاتما گاندھی نیچر کیور فاؤنڈیشن ٹرسٹ کے تاحیات رکن بنے اور معاہدہ پر دستخط کیے تھے۔ گاندھی جی کو ہندوستان میں قدرتی طریقہ علاج کی بانی شخصیت تصور کیا جاتا ہے، کیونکہ یہ بڑی حد تک ان کی کوششوں سے ہندوستان میں مقبول ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ش ح۔ م ع۔ع ن
(U: 12698)
(Release ID: 1877176)
Visitor Counter : 127