মচং ওইবা ৱাফমশিং:

• আই.তি.এম. ২০২২গী পান্দমদি অৱাংনোংপোক লমদমগী তুরিজমগী মতিংশিং লমদমসিগী অমদি মালেমগী কৈথেলদা পুখৎপনি

অৱাং নোংপোক ভারতকী স্তেত নিপান অসি মহৌশাগী ফজরবা মফমশিং, ইনাক খুল্লবা বাইওদাইভর্সিতী, অতাঙবা লমলক্কী শা-উচেক, পুৱারীগী মফমশিং, তোপ তোপ্পা নাৎকী অমদি ফুরুপকী পারী পুরীগী লন অমদি মীওক মীচান ফবা মীওইশিংনা থল্লি‍। লমদম অসিনা কাউঙম্লোইদবা লমলক্কী শা-উচেকশিংগী তুরিজম, চা অমদি গোল্ফকী তুরিজম, তুরেলগী তুরিজম, লাইনিং অমদি স্পিরিচুএল তুরিজম, পারী পুরীগী লনগী তুরিজম, নাৎ অমদি চীঞ্জাক্কী তুরিজম, এদভেঞ্চর তুরিজম, এগ্রো অমদি রুরেল তুরিজম অমসুং ওফবীৎ লমথুংফমশিং ফংহল্লি‍। অৱাং নোংপোক ভারত অসি মমিং চৎলবা মচি অমখক পানবা রাইনোসরসকী কাজিরঙ্গ নেস্নেল পার্কনচিংবা ৱাইল্দলাইফ সেংচুএরী কয়াগী য়ুম্নি‍। মতিক লৈরবা ব্রহ্মপুত্রনা অসাম শিনবা থুংনা চেন্দুনা লম কোয়বশিংদা নিংশিংনিংঙাই ওইরগদবা তুরেলগী খোঙচৎকী মহাও ফংহল্লি অমদি ব্রহ্মপুত্রদা তিল্লরিবা অরুনাচল প্রদেশকী তুরেলগী ঈচেলশিংনা নুংঙাইরবা ৱাতর রাফ্তিংগী ইথিল পীরি‍। লমদম অসি খেন্নবা মখলগী লম কোয়বশিংগী পুক্নিং চিংশিন্নিংঙাই ওইরবা মফমশিংনা থল্লি‍। স্তেত খুদিংমক্কী মশাগী ওইবা তোপ তোপ্পা মশকশিং লৈজৈ অমদি তুরিজম চাওখৎহনবদা খোঙজেল য়াঙ্খৎহন্নবা মতিং চাউনা লৈ‍।

ৱাফমশিং অসি আইজোলদা পাঙথোক্লিবা ইন্তরনেস্নেল তুরিজম মার্ত ২০২২গী নিনি চনবা নুমিত্তা পুখৎলকখিবনি‍। আই.তি.এম. ২০২২গী পান্দমদি অৱাংনোংপোক লমদমগী তুরিজমগী মতিংশিং লমদমসিগী অমদি মালেমগী কৈথেলদা পুখৎপনি‍।

আই.তি.এম.গী নিনি চনবা নুমিত্তা অৱাং নোংপোক স্তেত নিপান্না মখোয়গী তুরিজমগী মতিংশিংগী মতাঙদা খুদোল কয়া তমখিবগা লোয়ননা কল্চরেল ইভনিং, আইজোল মনুং অমদি অকোয়বগী মফমশিংদা লম য়েংবা চৎপনচিংবা কয়াসু য়াওখি‍। বি২বি মীফম পাঙথোক্তুনা লৈবাকসিগী তোঙান তোঙানবা মফমশিংদগী বাইয়রশিংনা অৱাং নোংপোক লমদমগী সেল্লরশিংগা অমমমতা ওইনা ৱারী ৱাতায় শানখি‍। শরুক য়ারিবা স্তেতশিংগী তুরিজমগী পোত্থোকশিং উৎননবগীদমক ফজরবা হেন্দিক্রাফ্ত অমসুং হেন্দলুমগী পোত্থোকশিং উৎপা একজিবিসন অমসু পাঙথোকখি‍।

খুদোল তৌখিবা অদুদা অৱাং নোংপোক্তা খেন্নবা মখলগী তুরিজমগী পোত্থোকশিং ফংই হায়বা উৎখি‍। মখোয়গী মরক্তা লমলক্কী শা-উচেকশিংগী তুরিজম, চা অমদি গোল্ফকী তুরিজম, তুরেলগী তুরিজম, লাইনিং অমদি স্পিরিচুএল তুরিজম, পারী পুরীগী লনগী তুরিজম, নাৎ অমদি চীঞ্জাক্কী তুরিজম, এদভেঞ্চর তুরিজম, এগ্রো অমদি রুরেল তুরিজম অমসুং ওফবীৎ লমথুংফমশিং য়াওরি‍। অসাম্না স্তেত অসিগী তুরিজম চাওখৎহনবদা মতেং ওইগদবা মখোয়গী ওইবা তুরিজম পোলিসী অথুবদা পুথোক্লগনি‍।

থৌরম অদুদা সেক্রেতরী তুরিজম শ্রী অর্বিন্দ সিংহনা ত্রাভেল, তুরিজম অমসুং হোস্পিতালিতী সেক্তরদা তুং কোইগদবা ফীভম লৈহনবা হায়বসিদা মতম কয়া মীৎয়েঙ থমদুনা লাকখ্রে, অদুগা মসি লাইচৎ অসিনা মরম ওইরগা হেন্না মরু ওইরক্লি‍। মীয়াম্না অকোয়বগী ফীভমদা শোকহল্লিবশিংগী মরমদা ৱাখল তাবা হেল্লকপা অমদি তুং কোইগদবা ত্রাভেলগী থৌওংশিং থিনরকপগা লোয়ননা গ্রীন তুরিজমগী দিমান্দ হেনগৎলক্লি‍। ভারত লৈঙাক্না হৌজিক গ্রীন তুরিজমগী লমদা থবক পায়খৎপদা মীৎয়েঙ থম্লি‍। গ্রীন তুরিজমদা লমদমদুগী শেন্মিৎলোন ফগৎহনবগা লোয়ননা অকোয়বগী অমদি খুন্নাইগী ফীভমদা শোকহনবসু হন্থহন্নবগী মতিং লৈ‍।

মহাক্কী ৱারোল পীরদুনা, প্রিন্সিপাল সেক্রেতরী, তুরিজম দিপার্তমেন্ত, মিজোরম লৈঙাক, শ্রীমতী মনিসা সক্সেনানা মিজোরম অসি মাগী পুক্নিং শুমহৎলবা মফমশিং, অশংবা চীংশিং অমদি পুক্নিং হুরবা লৈমায়গী ফীভমশিংনা মরম ওইরগা তুরিজমগী লমদা লোকশিনদ্রিবা মতিং কয়া লৈ হায়বসি মতম পুম্নমক্তা খঙদুনা লাক্লবনি‍। মিজোরমগী ৯০% উমং ওইদুনা মাগী মওং মতৌ, লৈফম অমদি নুংঙাইরবা ঈশিং নুংশিৎকী ফীভম্না খ্বাইদগী মতিং লৈবা ৱাফম ওইরি‍। মফমসিদা ইকো-তুরিজম অমদি এদভেঞ্চর তুরিজমগী মফমসু চাউনা লৈ‍। ইন্দিয়া হেপিনেস রিপোর্ত ২০২০গী মতুং ইন্না মিজোরম অসি ভারতকী খ্বাইদগী নুংঙাইবা স্তেতনি‍। মফমসিগী লাইরিক হৈবগী চাং ৯১.৩৩ ওইদুনা লৈবাকসিগী ওইনা অহুমশুবদা লৈরি‍। মফমসিদা এন্তরপ্রাইজিং তুরিস্তশিংদা মঙলানগী মতৌগুম্লবা লমথুংফম পীবা ঙমগদবা মখল মখা কয়াগী য়ৌশিনদ্রিবা অমদি চঙশিল্লুদ্রিবা পুক্নিং চিংশিন্নিংঙাই ওইরবা মফম কয়া লৈরি‍। মিজোরমগী ময়ায় থংবা শরুক্তা, সেরছিপ দিস্ত্রিক্তা লৈবা থেঞ্জোল অসি আইজোলদগী কিলোমিতর ১১২ লাপ্পা মফমদা লৈ‍। থেঞ্জোলনা ইকো-তুরিজম, রুরেল এক্সপরিএন্স, মহৌশাগী ফজবা, নাৎ অমদি এদভেঞ্চরগী চপ চানা তোৎশিন্নরবা মফম অমা পীরি‍। হৌখিবা চহিশিংদা সেরছিপ দিস্ত্রিক্তকী সব-দিভিজন অনিগী মনুংদা অমা ওইরিবা থেঞ্জোলদা লমকোয় লমথুংফম কয়া থোরক্লি‍। থেঞ্জোলদা লৈবা খ্বাইদগী মরুওইবা পুক্নিং চিংশিনফম অমা হায়রগদি থেঞ্জোল গোল্ফ কোর্স এন্দ রিজোর্ত অসিনি‍। গোল্ফ কোর্স এন্দ রিজোর্ত অসি ভারত লৈঙাক্কী স্বদেশ দর্শন স্কীমগী মখাদা শেমগৎ শাগৎখিবনি‍। মসি অৱাং নোংপোক ভারত্তা খ্বাইদবগী ফবা কুম্বী কালেন নাইদবা গোল্ফ কোর্স অমা ওইনা শিংথানরি অমদি হৈশিংবগী থাক খুদিংমক্তা খ্বাইদগী ফবা পে এন্দ প্লেগী খুদোংচাবা পীরিবা মফমশিংগী মরক্তা অমনি‍।

ভারত লৈঙাক্কী তুরিজম মন্ত্রালয়না অৱাং নোংপোক লমদমগী ১০শুবা ইন্তরনেস্নেল তুরিজম মার্ত (আই.তি.এম.) আইজোল, মিজোরমদা ২০২২গী নবেম্বর ১৭তগী ১৯ ফাওবা পাঙথোক্লি‍। ইন্তরনেস্নেল তুরিজম মার্ত অসি অৱাং-নোংপোক স্তেতশিংদা ওন-ওন্দুনা পাঙথোকপনি‍। মিজোরম্না মার্ত অসি অহানবা ওইনা য়ুম্বু ওইদুনা পাঙথোকপনি‍। মার্ত অসিগী মমাঙগী ইদিসনশিং গুৱাহাতী, তৱাং, সিলোং, গাংতোক, অগর্তলা, ইম্ফাল অমদি কোহিমাদা পাঙথোকখ্রে‍।

*****