کو چی میں پنچایتی راج کی وزارت کی طرف سے موضوعاتی نقطہ نظر کو اپنانے کے تحت گرام پنچایتوں میں پائیدار ترقی کے اہداف کی لوکلائزیشن کے موضوع پر منعقدہ تین روزہ قومی ورکشاپ کے دوسرے دن موضوع 1: غربت سے پاک اور بہتر ذریعہ معاش کے تحت گرام پنچایتوں کے پائیدار ترقیاتی اہداف کو حاصل کرنے میں آگے کی راہ پر تبادلہ خیال کیا گیا ہے۔ 14 سے 16 نومبر 2022 تک ورکشاپ کا انعقاد لوکل سیلف گورنمنٹ ڈیپارٹمنٹ (ایل ایس جی ڈی) حکومت کیرالہ اور کیرالہ انسٹی ٹیوٹ آف لوکل ایڈمنسٹریشن (کے آئی ایل اے)، تھریسور، کیرالہ کے قریبی تعاون سے کیا گیا ہے۔

دوسرے دن مختلف موضوعات اور مسائل پر تفصیلی بات چیت ہوئی جس میں ان طور طریقوں اور ذرائع پر تبادلہ خیال کیا گیا کہ کس طرح پنچایتیں اپنی توانائیاں ایل ایس ڈی جیزمیں سے ایک موضوع یعنی غربت سے پاک اور بہتر ذریعہ معاش گرام پنچایتوں پر مرکوز کر سکتی ہیں۔ اپنی بات چیت کی نوعیت اور کلیدی اسٹیک ہولڈرز پر مشتمل پینلز کے ساتھ اچھی طرح سے سوچے سمجھے سیشنز، جنہوں نے شرکاء کو تجربات اور بہترین طور طریقوں کے تبادلے کے ذریعے کراس لرننگ کا موقع فراہم کیا اور انہیں ان حکمت عملیوں کے بارے میں متعلقہ معلومات سے آراستہ کیا جو مشترکہ مقاصد کو حاصل کرنے کے لیے اختیار کی جائیں گی تاکہ اس بات کو یقینی بنایا جاسکے کہ کوئی بھی شخص پیچھے نہ رہے۔

اجلاسوں میں پنچایتوں کو مشورہ دیا گیا کہ وہ فیصلہ سازی اور شراکتی منصوبہ بندی کے عمل میں نوجوانوں کو شامل کریں تاکہ دیہی علاقوں میں غربت کے خاتمے، بہتر ذریعہ معاش اور روزگار پیدا کرنے سے متعلق شعبوں کا احاطہ کیا جا سکے۔ ورکشاپ میں حصہ لینے والے پنچایتی نمائندوں کو مشورہ دیا گیا کہ وہ ورکشاپ سے سیکھنے کے بارے میں عوام کو بیدار کریں اور یہ بھی یقینی بنائیں کہ مرکزی / ریاستی حکومتوں کے ذریعہ چلائی جانے والی متعدد اسکیموں کے فوائد اہل مستفیدین تک موثر اور شفاف طریقے سے پہنچیں۔

پنچایتوں کو یہ بھی مشورہ دیا گیا کہ وہ جوابدہی کے طریقہ کار کو تیار اور مضبوط کریں اور مختلف اسکیموں میں پنچایتوں کے ساتھ کام کرنے والے ایس ایچ جیز/ وی اوز  اور دیگر اداروں کو بھی شامل کریں تاکہ تمام اسٹیک ہولڈرز کی فعال شرکت کے ساتھ غربت سے پاک اور بہتر ذریعہ معاش کے موضوعاتی شعبوں میں ایل ایس ڈی جیز کے مینڈیٹ کو آگے بڑھایا جا سکے۔ اس بات پر بھی غور کیا گیا کہ انتہائی تربیت اور صلاحیت کی تعمیر جس میں ایسے اقدامات کو پنچایت سیکھنے کے مراکز کی شکل میں ادارہ جاتی شکل دی جا سکتی ہے۔ پنچایتیں خود کو پنچایت سیکھنے کے مراکز کے طور پر تیار کرنے کے لیے آگے آسکتی ہیں تاکہ دیہی علاقوں میں غربت کے خاتمے اور روزگار کے مواقع کی طرف ٹھوس قدم اٹھانے کے لیے باقاعدہ بات چیت اور علم کے تبادلے کے ذریعے ماحولیات سازی کی جا سکے۔

‘آگے کی راہ’ پر پینل مباحثہ کی مشترک صدارت جناب سنیل کمار، سکریٹری، وزارت برائے پنچایتی راج اور جناب ناگیندر ناتھ سنہا، سکریٹری، وزارت برائے دیہی ترقیات نے کی۔ اس میں ‘گرام پنچایتوں میں غربت سے پاک اور بہتر ذریعہ معاش’ کے موضوع پر مختلف ویڈیو پریزنٹیشنز اور بات چیت کے ذریعے آگے بڑھنے کے لئے وسیع بحث کی گئی۔ کڈمبشری کے ایگزیکٹو ڈائریکٹر جناب جعفر ملک، روزی روٹی، یو این ڈی پی انڈیا کی پروجیکٹ آفیسر،محترمہ دیویا جین، صدر کتیرور گرام پنچایت، کیرالہ، جناب پی پی سنیل، ڈاکٹر ڈبلیو آر ریڈی، سابق ڈائریکٹر جنرل، این آئی آر ڈی اینڈ پی آر اور چئیرمین قومی صلاحیت سازی فریم ورک (این سی بی ایف) کمیٹی، پنچایتی راج کی وزارت کے سابق سکریٹری جناب ایس ایم وجیانند نے پینل مباحثہ میں حصہ لیا۔

قبل ازیں محترمہ سردا جی مرلی دھرن، ایڈیشنل چیف سکریٹری، لوکل سیلف گورنمنٹ ڈپارٹمنٹ (ایل ایس جی ڈی)، حکومت کیرالہ نے 'ریاست کیرالہ سے غربت سے پاک اور بہتر ذریعہ معاش گرام پنچایتوں پر بہترین طریقہ کار' پر پینل بحث کی صدارت کی، جبکہ ایل ایس جی ڈی، حکومت کیرالہ کی پرنسپل سکریٹری، ڈاکٹر شرمیلا میری جوزف نے ‘پنچایتوں کے ذریعے سماجی، اقتصادی اور ماحولیاتی تحفظ کے لیے حفاظتی جال’ پر اجلاس کی صدارت کی۔

پنچایتی راج کی وزارت کے سکریٹری جناب سنیل کمار نے اختتامی اجلاس میں اس اعتماد کا اظہار کیا کہ ورکشاپ حصہ لینے والی ریاستوں کے لیے ایک محرک کے طور پر کام کرے گا تاکہ وہ اپنی پنچایتوں کو بہتر ذریعہ معاش کے ساتھ غربت سے پاک بنانے کے لیے مزید سوچنے اور عمل کرنے کے لیے کام کر سکیں۔ اس قرارداد کو حقیقت بنانے کے لیے جناب سنیل کمار نے کہا کہ ہمیں روایتی طریقوں سے ہٹ کر سوچنے کی ضرورت ہے۔ اس بات پر زور دیتے ہوئے کہ دیہی اور شہری کے درمیان فرق دھندلا ہوتا جا رہا ہے، ہمیں ملک کے نوجوانوں کی امنگوں کو مدنظر رکھنے کی ضرورت ہے۔ کیرالہ میں کچھ پنچایتوں کی تعریف کرتے ہوئے جو ڈیجیٹل تقسیم کو کم کرنے میں مصروف ہیں، جناب سنیل کمار نے نشاندہی کی کہ انفارمیشن ٹیکنالوجی کے دور میں ڈیجیٹل شمولیت کلیدی حیثیت رکھتی ہے اور دیگر ریاستیں ان بہترین طریقوں سے سیکھ سکتی ہیں جن پر کیرالہ کی پنچایتیں عمل کر رہی ہیں۔

کلسٹر سطح کی فیڈریشنوں کو نشانہ بنانے کے لیے پنچایتوں سے اپیل کرتے ہوئے جناب سنیل کمار نے کہا کہ نئے اہداف کا تعین کرکے انہیں معاشی طور پر قابل عمل بنانا ناگزیر ہے۔ اپنے اختتامی تبصرے کے طور پر جناب سنیل کمار نے مزید کہا کہ پنچایتوں کو اپنے آپ کو مقامی خود نظم و نسق کے موثر اداروں میں منتقل کرنے کی ضرورت ہے نہ کہ محض ہدایات پر عمل کرنے والے اداروں کے طور پر کام کریں۔

کے آئی ایل اے کے ڈائریکٹر جنرل، جناب جوئے ایلیمن نے سبھی شرکاء کو اظہار تشکر کیا۔

14 نومبر 2022 کو پنچایتی راج کے مرکزی وزیر مملکت جناب کپل موریشور پاٹل نے مرکزی وزیر مملکت برائے خارجہ اور پارلیمانی امور جناب وی مرلی دھرن اور کیرالہ کے مقامی خود حکومتی محکمہ (ایل ایس جی ڈی) کے وزیرجناب ایم بی راجیش کی موجودگی میں ورکشاپ کا افتتاح کیا۔

ورکشاپ کا تیسرا دن شرکاء/ مندوبین کے لیے فیلڈ وزٹ کی شکل میں ایک اچھی طرح سے ڈیزائن کردہ ‘ایکسپریئنس شیئرنگ اینڈ لرننگ فار دی فیلڈ’ مشق کے لیے وقف ہے جہاں شرکاء کو ارناکولم اور تھریسور کی تقریباً 42 گرام پنچایتوں میں لے جایا جائے گا تاکہ وہ کیرالہ کے اندر غربت میں کمی اور روزی روٹی بڑھانے کی پالیسی اور آپریشنل جہتوں کے بارے میں بصیرت حاصل کریں جیسا کہ مقامی سطح پر ثبوت ہے اور مختلف اسٹیک ہولڈرز - منتخب نمائندوں، عہدیداروں، شراکتی منصوبہ بندی کے ڈھانچے، کمیونٹی تنظیموں اور ایس ایچ جی کے اجتماعات، رضاکاروں، اورسی ایس اوز  غریبوں کے حامی ترقیاتی بیانیے کی تشکیل میں ورکشاپ کے ایک حصے کے طور پر، پنچایتی راج اداروں کے مختلف ترقیاتی/ معاش/ ہنر کی ترقی کی اسکیموں اور اقدامات اور کامیابیوں کی نمائش کرنے والے مختلف موضوعاتی اسٹالوں کے ساتھ ایک نمائش کا افتتاح مشترکہ طور پر پنچایتی راج کے مرکزی وزیر مملکت جناب کپل موریشور پاٹل نے کیا۔ مرلی دھرن، مرکزی وزیر مملکت برائے امور خارجہ اور پارلیمانی امور، جناب ایم بی راجیش، لوکل سیلف گورنمنٹ ڈپارٹمنٹ (ایل ایس جی ڈی)، حکومت کیرالہ، اور دیگر معززین۔

اس اچھی طرح سے تشکیل شدہ ورکشاپ کا مقصد قومی سماجی امدادی پروگرام (این ایس اے پی)، مہاتما گاندھی نیشنل رورل ایمپلائمنٹ سے فائدہ اٹھانا (1) پسماندگی - بنیادی خدمات، سماجی تحفظ کے نیٹ ورکس اور تحفظ کے نظاموں تک رسائی اور شمولیت کی قومی سطح کی اہمیت کے بارے میں بیداری پیدا کرنا ہے۔ پنچایتوں کے ذریعے گارنٹی اسکیم(ایم جی این آر ای جی ایس) اور قومی دیہی روزی روٹی مشن(این آر ایل ایم)، اور (2) ذریعہ معاش - آمدنی میں عدم مساوات اور غربت کو دور کرنے، انتہائی غربت کے خاتمے اور غریب، کمزور اور پسماندہ طبقات کے لیے روزگار کے مواقع کو بہتر بنانے میں پنچایتوں کا کردار اور (3) ) آفات اور انتہائی موسمیاتی واقعات کی وجہ سے آنے والے اچانک جھٹکوں کے خلاف کمزور کمیونٹیز کی لچک پیدا کرنا۔

پورے ملک اور ریاست کیرالہ سے پنچایتی راج اداروں کے منتخب نمائندوں اور عہدیداروں نے قومی ورکشاپ میں شرکت کی۔ تقریباً 3000 مندوبین بشمول 21 ریاستوں/ مرکز کے زیر انتظام علاقوں کے 350 سے زیادہ مندوبین اور بقیہ مقامی خود حکومتی اداروں/ پنچایتی راج اداروں اور کیرالہ میں کڈمبشری ایس ایچ جیزنے شرکت کی۔

 

ورکشاپ پر تفصیلی نوٹ کیلئے یہاں کلک کریں

تعارفی خاکے کی ریلیز کا لنک

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ش ح۔ م ع۔ع ن

 (U: 12567)

(Release ID: 1876265) Visitor Counter : 137