ડિપાર્ટમેન્ટ ઓફ એડમિનિસ્ટ્રેટિવ રિફોર્મ્સ એન્ડ પબ્લિક ગ્રીવન્સ (DARPG) દ્વારા ઓક્ટોબર 2022 માટે પ્રકાશિત રેન્કિંગ રિપોર્ટમાં જાહેર ફરિયાદોના નિરાકરણ માટે તમામ ગ્રુપ A મંત્રાલયો, વિભાગો અને સ્વાયત્ત સંસ્થાઓમાં યુનિક આઇડેન્ટિફિકેશન ઓથોરિટી ઑફ ઇન્ડિયા (UIDAI)ને ફરીથી ટોચ પર મૂકવામાં આવી છે.  આ સતત ત્રીજો મહિનો છે જ્યારે UIDAI રેન્કિંગમાં ટોચ પર છે.

રહેવાસીઓના અનુભવને વધુ વધારવા માટે, UIDAIએ તેની નવી AI/ML આધારિત ચેટબોટ, આધાર મિત્ર પણ શરૂ કરી છે. નવો ચેટબોટ ઉન્નત સુવિધાઓ સાથે આવે છે જેમ કે - આધાર નોંધણી/અપડેટ સ્થિતિ તપાસો, આધાર પીવીસી કાર્ડની સ્થિતિનું ટ્રેકિંગ, નોંધણી કેન્દ્ર સ્થાન પરની માહિતી વગેરે. રહેવાસીઓ તેમની ફરિયાદો નોંધણી પણ કરી શકે છે અને આધાર મિત્રનો ઉપયોગ કરીને તેમને ટ્રેક કરી શકે છે.

UIDAI પાસે એક મજબૂત ફરિયાદ નિવારણ પદ્ધતિ છે જેમાં UIDAI મુખ્યાલય, તેની પ્રાદેશિક કચેરીઓ, ટેક્નોલોજી કેન્દ્ર અને સંકળાયેલા સંપર્ક કેન્દ્ર ભાગીદારોનો સમાવેશ થાય છે. UIDAI એ જીવનની સરળતા અને વ્યવસાય કરવાની સરળતા બંને માટે સુવિધા આપનાર છે અને તે આધાર ધારકોનો અનુભવ ઉત્તરોત્તર બહેતર બનાવવા માટે સતત પ્રયત્નશીલ છે.

નિવાસી કેન્દ્રિત સંકલિત અભિગમ UIDAIને લગભગ 92% CRM ફરિયાદોને એક અઠવાડિયાની અંદર ઉકેલવા સક્ષમ બનાવે છે.

સંસ્થા જીવનની સરળતા પૂરી પાડે છે, અને તેની ફરિયાદ નિવારણ પદ્ધતિને વધુ મજબૂત કરવા માટે પ્રતિબદ્ધ છે. UIDAI ધીમે ધીમે અદ્યતન અને ભવિષ્યવાદી ઓપન-સોર્સ CRM સોલ્યુશન રજૂ કરી રહ્યું છે. નવા કસ્ટમર રિલેશનશિપ મેનેજમેન્ટ (CRM) સોલ્યુશનને રહેવાસીઓને UIDAI સર્વિસ ડિલિવરી વધારવા માટે અદ્યતન સુવિધાઓ સાથે ડિઝાઇન કરવામાં આવ્યું છે.

નવા CRM સોલ્યુશનમાં ફોન કોલ, ઈમેલ, ચેટબોટ, વેબ પોર્ટલ, સોશિયલ મીડિયા, લેટર અને વોક-ઈન જેવી મલ્ટિ-ચેનલોને સપોર્ટ કરવાની ક્ષમતા છે જેના દ્વારા ફરિયાદો નોંધાવી, ટ્રેક કરી શકાય અને અસરકારક રીતે ઉકેલી શકાય.

YP/GP/JD