صحت اور خاندانی بہبود اور کیمیاوی کھادوں کے مرکزی وزیر ڈاکٹر منسکھ مانڈویا نئی دلی کے  پرگتی میدان میں  2  نومبر  2022  کو  انڈیا کیم 2022 کا افتتاح کریں گے۔ اس  نمائش  کا موضوع ہے،  ’’ویژن 2030 : کیمیاوی مادے اور  پیٹرولیم مصنوعات  سے بھارت کی تعمیر‘‘۔ کیمیاوی مادوں  و کیمیاوی کھادوں اور نئی  وقابل تجدید  توانائی کے وزیر مملکت  جناب  بھگونت کھوبا ،  آندھرا پردیش سرکار کے، صنعتوں، بنیادی ڈھانچے ، آئی ٹی و الیکٹرانکس کےو زیر جناب گڈی واڈا امر ناتھ اور  مرکزی وزارتوں ومحکموں کے سینئر افسران ،سرکردہ صنعت  کار ،ماہرین تعلیم اور  دیگر متعلقہ فریقین اس موقع پر موجود ہوں گے۔

انڈیا کیم 2022  میں شعبے میں دیر پا ترقی سے متعلق سرکاری پالیسی کا اظہار کیا جائے گا اور  مذاکرات کرنے،  ایک دوسرے کو معلومات  فراہم کرنے اور  تال میل قائم کرنے کے لئے قومی  اور بین الاقوامی  متعلقہ فریقوں کے لئے ایک پلیٹ فارم فراہم کیا جائے گا۔ اس تقریب   سے  خاص طور پر  پیٹرولیم، کیمیاوی مادوں  اور پیٹرولیم مصنوعات  کے شعبے میں سرمایہ کاری کے علاقوں  (پی سی  پی آئی آر) میں موقعے اجاگر  ہوں گے۔ نیز  ملک کو  اس شعبے میں  خود انحصار  بنانے کے میک ان انڈیا  اقدامات پر  توجہ مرکوز کی جائے گی۔

انڈیا کیم ، محکمے کے  ایک اہم  پروگرام ہے، جو  ایشیا بحرالکاہل خطے میں  صنعت سے متعلق سب سے بڑی  مشترکہ تقاریب میں سے ایک ہے اور یہ  بین الاقوامی کانفرنس اور نمائش پر مشتمل ہے۔ محکمہ  کامرس وصنعت  کے بھارتی ایوانوں کی فیڈریشن (فکی) کے ساتھ مل کر  12  ویں انڈیا کیم کا انعقاد کر رہا ہے۔

انڈیا کیم  2022  کے دوران گلوبل سی ای او ، گول میز ، بھارتی کیمیاوی مادوں اور  پیٹرولیم مصنوعات  پر کنکلیو، زرعی وکیمیاوی صنعت، پلانٹ مشینری، پمپ اور والو، بھارت کے  کیمیاوی مادوں اور  پیٹرولیم مصنوعات کے فورموں، امریکہ ، بھارت -  ای یو  و  بھارت  - مشرق -  ایشیاء  اور  بین الاقوامی نمائش  جیسی  تقریبات کا انعقاد کیا جائے گا۔

کیمیاوی مادوں اور  پیٹرولیم مصنوعات کی  بھارتی صنعت، بھارتی معیشت  کا اہم ترین  جزو ہے اور  یہ  آٹو موٹیو، تعمیر، الیکٹرانکس، حفظان صحت، کپڑے کی صنعتوں اور ایف  ایم سی جی جیسے مختلف  کلیدی شعبوں کے فروغ میں اہم رول ادا کرتی ہے۔ بھارتی کیمیاوی مادوں کی بر آمد میں  14-2013  کے مقابلے  22-2021  میں  106  فیصد  ترقی ہوئی ہے۔ 22-2021  میں  کیمیاوی مادوں کی بھارتی بر آمدات  29  ہزار 296  ملین امریکی ڈالر  تک پہنچ گئی  ہے، جو ایک ریکارڈ ہے، جبکہ 14-2013  میں بھارتی کیمیاوی مادوں کی بر آمدات  14 ہزار  210 ملین  مالیت کی تھی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ اس۔ ق ر۔

U- 12071                           

 

(Release ID: 1872607) Visitor Counter : 112