سال 2022 کی نیول کمانڈرز کانفرنس کا دوسرا ایڈیشن 31 اکتوبر سے 03 نومبر 22 تک نئی دہلی میں منعقد کیا جائے گا۔ یہ کانفرنس بحریہ کے کمانڈروں کو ایک ادارہ جاتی فورم کے ذریعے ملٹری اسٹریٹجک سطح پر بحریہ سے متعلق اہم امور پر تبادلہ خیال کرنے کے لیے ایک پلیٹ فارم فراہم  کرتی ہے۔ بحر ہند کے خطہ (آئی او آر) کے ساتھ ساتھ دنیا کے دیگر حصوں میں سیکورٹی کے تقاضوں میں متحرک اور تیز رفتار پیش رفت کی وجہ سے، اس کانفرنس کی اپنی اہمیت اور مناسبت ہے۔

بحریہ کے سربراہ، زیر بحث آنے والے بہت سے امور میں، دیگر نیول کمانڈروں کے ساتھ ہندوستانی بحریہ کی طرف سے گزشتہ چند مہینوں میں شروع کی گئی اہم آپریشنل، میٹریل، لاجسٹکس، انسانی وسائل کی ترقی، تربیت اور انتظامی سرگرمیوں کا جائزہ لیں گے اور مستقبل کی اہم سرگرمیوں اور  اقدامات کے منصوبوں پر مزید روشنی ڈالیں گے۔ کانفرنس کے دوران خطے کی جیو اسٹریٹجک صورتحال کی حرکیات اور اس سے نمٹنے کے لیے پاک بحریہ کی تیاریوں پر بھی غور کیا جائے گا۔

 بحریہ نے مستقبل کی تیاری کے نقطہ نظر کے ساتھ جنگ کے لیے تیار، قابل بھروسہ اور ہم آہنگ دستہ بننے پر توجہ مرکوز کی ہے اور اپنے مینڈیٹ کو پوری تندہی سے انجام دینا جاری رکھے ہوئے ہے۔ ہندوستانی بحریہ نے ہندوستان کے بڑھتے ہوئے سمندری مفادات کے مطابق ہم آہنگی پیدا کرنے میں اپنی آپریشنل کارروائی میں کئی سالوں میں نمایاں اضافہ دیکھا ہے۔ ہندوستانی بحریہ کا ’ترجیحی سیکورٹی پارٹنر‘ کے طور پر کھڑا ہونا بھی حالیہ دنوں میں بڑھا ہے۔ ہندوستانی بحریہ آئی او آر اور اس سے آگے غیر یقینی جیو اسٹریٹجک حالات کی وجہ سے پیدا ہونے والے تمام سمندری سیکورٹی کے چیلنجوں کا مقابلہ کرنے کے لیے تیار ہے۔

 کانفرنس کے دوران عزت مآب رکشا منتری جناب راجناتھ سنگھ، قومی سلامتی سے متعلق امور پر بحریہ کے کمانڈروں سے خطاب کریں گے اور ان کے ساتھ بات چیت کریں گے۔ چیف آف ڈیفنس اسٹاف اور ہندوستانی فوج اور ہندوستانی فضائیہ کے سربراہان بھی بحریہ کے کمانڈروں کے ساتھ بات چیت کریں گے تاکہ مشترکہ کارروائی کے ماحول اور سہ فریقی خدمات کی ہم آہنگی کو بڑھانے کے طریقوں کے بارے میں تینوں مسلح افواج کے درمیان ہم آہنگی پیدا کی جاسکے اور ملک کے دفاع اور ہندوستان کے قومی مفادات کی حفاظت کے لیے تیاری کی جا سکے۔

*****

ش ح – ق ت – ت ع

U: 11983