بندرگاہوں، جہاز رانی ، آبی گزرگاہوں اور آیوش کے مرکزی وزیر جناب سربانند سونووال نے آج کشمیر کے گاندربل میں گورنمنٹ یونانی میڈیکل کالج اینڈ اسپتال (جی یو ایم سی) میں آیوش اتسو کا افتتاح کیا۔ جدیدطریقے سے  مریضوں کی دیکھ بھال کی تکمیل کے لیے روایتی طریقہ علاج کو فعال کرنے کے لیے حکومت کی توجہ کے ساتھ، آیوش اتسو کا آغاز ایک سیمینار کے افتتاح کے ساتھ کیا گیا جس کا عنوان تھا ’حفظان صحت میں خلاء کو ختم کرنا: آیوش، ایک امید افزا ذریعہ‘۔ اس سیمینار  کا افتتاح آیوش کے مرکزی وزیر نے کیا۔

 

مباحثے میں طبی  جڑی بوٹیوں کی نمائش، طلباء کے پوسٹروں کے ساتھ ساتھ آیوش کے ڈائریکٹوریٹ کی طرف سے احاطے میں ایک ویڈیو دستاویزی فلم بھی دکھائی  گئی۔ جموں و کشمیر میں آیوش نظام کی طاقت اور ترقی کو ظاہر کرنے کے لیے ایک ویڈیو دستاویزی فلم بھی دکھائی گئی۔

اس موقع پر خطاب کرتے ہوئے جناب  سونووال نے کہا، ’’ہمارے بھرپور روایتی طریقہ علاج  کی اہمیت کو انسانی زندگیوں کے فائدے اور افزودگی کے لیے بہترین طریقے سے استعمال کیا جانا چاہیے۔ وزیر اعظم نریندر مودی جی کی متحرک قیادت میں آیوش کے  طریقہ علاج  کو فروغ دینے اور لوگوں کی مکمل صحت یابی اور تندرستی کے لیے اسے جدید دواؤں کے علاج کے ساتھ پورا کرنے کے لیے ایک ٹھوس کوشش کی گئی ہے۔ مودی جی کے ویژن کو آگے بڑھاتے ہوئے، یہ انتہائی  فخر کی بات ہے کہ گجرات کے جام نگر میں گلوبل سنٹر آف ٹریڈیشنل میڈیسن قائم ہو رہا ہے۔ یہ ہندوستان کے ساتھ ساتھ عالمی سطح پر روایتی طریقہ علاج  کو مزید تقویت دینے کے لیے ایک شاندار خبر ہے۔‘‘

ہنگامی طبی خدمات کو فعال کرنے کے لیے، مرکزی وزیر نے قبل ازیں سونمرگ میں تین روزہ فرسٹ ایڈ/بی ایل ایس ٹریننگ ورکشاپ کا افتتاح کیا جس میں سیاحتی مقام کو علاقے کے مصروف سیاحتی مقام پر ضرورت مندوں کے فائدے کے لیے رکھا گیا۔ وزیر موصوف کو سی ایم او گاندربل نے فرسٹ ایڈ/بی ایل ایس ٹریننگ کی اہمیت اور عام لوگوں کی دلچسپی کے لیے آؤٹ ریچ اسکل پر مبنی تربیتی پروگراموں میں ڈائریکٹر ہیلتھ سروسز، کشمیر کی گہری توجہ کے بارے میں آگاہ کیا۔ یہ تربیت اپنی نوعیت کی پہلی ہے اور سونمرگ میں پہلی بار منعقد کی جا رہی ہے کیونکہ اسے ہر موسم کے سیاحتی مقام کے طور پر کھلا رکھا گیا ہے۔

مرکزی وزیر نے ٹراؤٹ فش فارم - ہیمر - کا بھی دورہ کیا اور فارم میں دستیاب سہولیات جیسے ریس ویز، سرکلر تالاب، ذخیرہ کرنے والے تالاب، اووا ہاؤس، انڈور پالنے کی ہیچری، ٹراؤٹ فیڈ مل، تفریحی مچھلی کے تالاب وغیرہ کا معائنہ کیا۔وزیر موصوف  نے ٹریننگ، تحقیق، سپلائی چین مینجمنٹ سمیت رینبو ٹراؤٹ ماہی گیری کی سرگرمیوں کے بارے میں بریفنگ کا گہرائی سے مشاہدہ کیا اور بتایا کہ کس طرح حکومت کی طرف سے  ملنے والا تعاون نوجوان کاروباریوں کی کاروبار میں مدد کر رہا ہے۔ وزیرموصوف  کو بتایا گیا کہ فارم کی ماہی  پروری کی صلاحیت 0.25 لاکھ اور ہیچنگ کی صلاحیت 4 لاکھ ہے۔

 

جناب سونووال نے نیشنل فش سیڈ فارم مناسبل کا دورہ کیا جہاں چیف پروجیکٹ آفیسر نے وزیرموصوف  کو نیشنل فش سیڈ فارم مناسبل کی اہمیت اور کلچر اور کیپچر دونوں شعبوں میں فش کلچر کے فروغ کے لیے کی جانے والی مختلف سرگرمیوں کے بارے میں بتایا۔ مچھلی کے بیجوں کی پیداوار کی کامیابیوں پر روشنی ڈالتے ہوئے، وزیر کو بتایا گیا کہ سال 2022-23 کے دوران تقریباً 40.00 لاکھ کارپ فش فرائی کی پیداوار حاصل کی گئی تھی، جس میں سے ایکوا –رانچنگ پروگرام  کے تحت قدرتی آبی ذخائر میں کافی تعداد میں مچھلی کے بیج کا ذخیرہ کیا گیا ہے اور مختلف پرائیویٹ اور گورنمنٹ کارپ فش فارمز کو بھی فراہم کیا گیا ہے ۔

 

 

وزیر موصوف کو مچھلی کے بیج کی پیداوار، پرورش اور اس کے بعد مچھلی اور مچھلی کے بیج کی فروخت کے علاوہ مرکزکی حمایت یافتہ اسکیموں کی پیشرفت کے بارے میں بتایا گیا، اسی طرح سستے  مکان، آٹو رکشا، فشنگ کرافٹس اور سامان اور دیگر فلاحی اسکیموں کے بارے میں بتایا گیا جو ان کی ترقی کے لیے چلائی جارہی ہیں۔

وزیرموصوف  نے مناسبل پارک کا دورہ کیا جہاں انہوں نے ’گرین کشمیر‘ پہل  کے تحت پارک کے اندر شجرکاری مہم کا آغاز کیا۔

قبل ازیں ڈاکٹر موہن سنگھ، ڈائریکٹر، آیوش، جموں و کشمیر نے بھی آیوش طریقہ علاج  کو مرکز کے زیر انتظام علاقے میں مقبول عام  بنانے کے لیے محکمہ کی کامیابیوں کے بارے میں بتایا۔ ڈاکٹر سنگھ نے مزید کہا کہ آیوش صحت اور تندرستی کے مراکز قائم کیے گئے ہیں اور یوگا کے انسٹرکٹر یوگا آسنوں کے ذریعے صحت کو فروغ دینے اور بیماریوں سے بچاؤ کے لیے تمام آیوش صحت اور تندرستی کے مراکز میں مصروف ہیں۔

واضح رہے کہ جی یوایم سی ، گاندربل کو جموں اور کشمیر ہاؤسنگ بورڈ نے 32.50 کروڑ کی لاگت سے تعمیر کیا ہے۔ قابل ذکر بات یہ ہے کہ گورنمنٹ یونانی میڈیکل کالج (جی یوایم سی) اور اسپتال گاندربل کشمیر کو مرکزی حکومت نے 2020-21 کے تعلیمی سال  سے یونانی میڈیسن اینڈ سرجری (بی یوایم ایس) کورس میں بیچلرز کا پہلا بیچ شروع کرنے کی اجازت دی تھی جس میں 60 سیٹوں  کی  گنجائش تھی۔

 

************

 

ش ح ۔ ف ا  ۔  م  ص

 (U: 11973)

(Release ID: 1871742) Visitor Counter : 147