লাক্লিবা ওক্তোবর ৩১, ২০২২দা নাগালেন্দগী দিমাপুরদা লৈবা চুমুকেদিমাগী নিয়াথু রিসোর্ততা পাংথোক্কদবা অহানবা অৱাং-নোংপোক্কী জিওলোজি অমসুং মাইন্নিং মিনিস্তরশিংগী মীফমদা মাইন্স, কোএল অমসুং পর্লিয়ামেন্তরি এফেয়ার্সকী য়ুনিয়ন মিনিস্তর শ্রী প্রালহাদ জোসি চীফ গেস্ত ওইনা শরুক য়াগনি।

মীফমগী অহানবা সেসন্দা, অৱাং-নোংপোক রাজ্যশিংগী মিনিস্তরশিংগী মরক্তা খন্ন-নৈনবা পাংথোক্কগনি। মরুওইনা অৱাং-নোংপোক রাজ্যশিংদা খনি তানবা অমসুং জিওলোজিগী থবকশিংগী মতাংদা খন্নগনি। অনিশুবা সেসন্দা, মখা তানা থবক ওইনা পাংথোক্নবা মীফমদা খন্নখিবা ৱাফমগী মরুওইবশিং মিনিস্তর প্রালহাদ জোসিদা শীন্নগনি। নাৎকী থৌরম অমগা লোয়ন্না থৌরম অদু লোইশিনগনি।

মীফম অসি অৱাং-নোংপোক লমদমগী মরুওইবা ৱাফমশিং খন্ননবা চপ চারবা মীফম অমা ওইরগনি। লমদম অসি চাউখৎনবগীদমক মিনরেল মরাংকাইনা ফংলিবা অৱাং-নোংপোক্কী রাজ্যশিংদা খনি তানবা অমসুং নিলাম লাউবগী থবকশিং পুক্নিং থৌগৎপা মাইন্স মিনিস্ত্রিনা পাম্লি।

মাইন্স মিনিস্ত্রিনা লৈবাক শীনবা থুংনা মিনরেল থিবা, জিওলোজিকেল অমসুং অতোপ্পা মাইনিংগী থবকশিং য়োকখৎলি। খনি তানবগী হিরম অসিগা মরী লৈনবা থবকশিংগী মতাংদা খন্ননবা চহি অসিগী সেপ্তেম্বরদা হায়দ্রবাত্তা জাতি থাক্কী মাইনিং মিনিস্তরশিংগী মীফম অমা পাংথোকখ্রে। মীফম অদুদা অৱাং-নোংপোক খক্তগী ওইবা মীফম অমা পাংথোক্নবা চিয়রদা হায়জখি অমসুং ৱাফম অদু মাইন্স, কোএল অমসুং পর্লিয়ামেন্তরি এফেয়ার্সকী য়ুনিয়ন মিনিস্তর শ্রী প্রালহাদ জোসিনা অয়াবা পীখি।

******