صحت اور خاندانی بہبود کے مرکزی وزیر ڈاکٹر منسکھ منڈاویہ نے آج نوی ممبئی کے ڈی وائی پاٹل میڈیکل کالج، اسپتال اور ریسرچ سنٹر میں ایک ایڈوانسڈ بائی پلین کارڈیک کیتھیٹرائزیشن لیباریٹری کا افتتاح کیا۔

 

 

ڈی وائی پاٹل میڈیکل کالج کی طرف سے جاری کردہ ایک بیان کے مطابق وزیر موصوف کے ذریعہ آج جس سہولت کا افتتاح کیا گیا وہ جنوبی ایشیا کا جدید ترین، کیتھ لیب کا  پہلا سب سے جدید ماڈل ہے جو  بھارت میں کیتھ لیب کو وپرو جی ای ہیلتھ کیئرسے آئی جی ایس 6  کے پہلے آٹو رائٹ   ٹریڈ مارک کے قابل بنائے گا ۔صحت کی دیکھ بھال کے لیے  جوورچوئل مصنوعی صلاحیتوں سے  آراستہ نئی کیتھ لیب کو جدید نگہداشت فراہم کرنے میں بے مثال ہے اوریہ بچوں اور  بالغ مریضوں کے لیے بنائی گئی ہے۔یہ سہولت کورونری مداخلتوں جیسے کورونری انجیوگرافی اور انجیوپلاسٹی، نیورولوجی  سے متعلق اقدامات جیسے کیروٹڈ انجیوگرافی اور انجیو پلاسٹی، الیکٹرو فزیالوجی مشاہدے، ٹرانسکیوٹینیئس اورآاورٹک والو       ریپلیسمنٹس (ٹی اے وی آر) وغیرہ کے لیے کارآمد ہوگی۔

 

 

افتتاح کے بعداظہار خیال کرتے ہوئےصحت کے  مرکزی وزیر نے کہا کہ حکومت نے ایک جامع نقطہ نظر اپنایا ہے اور وہ ملک کے تمام شہریوں کے لیے سستی اور قابل رسائی صحت سے متعلق سہولیات فراہم کرنے کے لیے  عہد بستہ ہے۔حکومت نے صحت کے بنیادی ڈھانچے سے متعلق قومی مشن کے تحت ہر ضلع میں بنیادی ڈھانچے کو مضبوط بنانے کے لیے 64,000 کروڑ روپے کا بجٹ مختص کیا ہے۔صحت اورتندرستی پر توجہ مرکوز کرتے ہوئے، حکومت نے ملک میں 1,20,000 صحت اور تندرستی مراکز شروع کیے ہیں ہمارا مقصد یہ ہے کہ ملک کی ہر ریاست میں ایمس قائم ہوں۔

صحت کےمرکزی وزیر نے کہا کہ 8 سال پہلے ملک میں محض  300 میڈیکل کالج اوراسپتال تھے اوراب سر دست 640 میڈیکل کالج ہیں۔لہذااس کے مطابق ملک میں میڈیکل سیٹوں کی تعداد 45,000 سے بڑھ کر 98,000 ہو گئی ہے۔

صحت کےمرکزی وزیر نے مزید کہا کہ جس طرح سے ہم نےکووڈ وبا پر قابو پایا اور ٹیکہ کاری کےہمارے پروگرام کے بندوبست نے بھارت کے بارے میں دنیا کی سوچ کو مکمل طور سے تبدیل کردیا۔ ایک کہانی کو مشترک کرتے ہوئے،مرکزی وزیر نے کہا کہ جب میں داؤس میں  عالمی اقتصادی فورم  میں بھارتی وفد کی قیادت کر رہا تھا، تو بل گیٹس نے بذات خود مجھے مبارکباد دی اور بھارت کے کووڈبندوبست کے لئے  بھارت کی ستائش کی۔

 

 

کووڈ وبا کے دوران ڈاکٹروں کی خدمات کو سراہتے ہوئے مرکزی وزیر نے کہا کہ بھارت میں مریضوں کو بچانا ڈاکٹرز کے لئے ہر چیز سے  اوپر ہے۔دوسرے ملکوں کے برعکس بھارت میں صحت اور طبی سہولیات کو ایک خدمت خیال کیا جاتا ہے اور اسی سوچ نے ہمارے ڈاکٹروں کو تحریک دی اور اس طرح بھارت جیسا ملک وبا سے باہر آنے میں کامیاب رہا۔

انہوں نے ریکارڈ وقت میں ٹیکے تیار کرنے لئے ملک کے سائنسدانوں کی بھی ستائش کی ۔بھارت ہمیشہ سے علم کی عظیم سرزمین رہا ہے، ہمارے آباواجداد کو طبی سائنس کا جدید علم تھا۔

نئی پیش رفت کے بارے میں اظہار خیال کرتے ہوئے ڈاکٹر وجے پاٹل نے کہاکہ صحت کے مسائل سے متعلق بڑھتی ہوئی پیچیدگیوں کے ساتھ ہر مریض کی ضروریات کو مدنظر رکھتے ہوئے  پہلے سے تیار شدہ حل متعارف کرانا ضروری ہو گیا ہے۔ مجھے یقین ہے کہ مصنوعی ذہانت (اے آئی) صحت کی دیکھ بھال کی صنعت کو بہتر اور جدید حل کے ساتھ تبدیل کرنے کی صلاحیت رکھتی ہے۔

**********

 

ش ح ۔ ش ر ۔ م ش

U. No.11817

(Release ID: 1870770) Visitor Counter : 117