ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা মীওই লাখ ১০ থবক হাপ্নবা রোজগার মেলা হৌদোকখ্রে। থৌরম মনুংদা, নৌনা থবক খল্লবা মীওই ৭৫,০০০দা এপোইন্তমেন্ত লেত্তরশিং খুৎশীন্নখ্রে।

থবক খল্লবশিংদা ৱা ঙাংবদা প্রধান মন্ত্রীনা হায়খি ঙসি অসি লৈবাক অসিদা চহি ৮ থবক পীনবা অমসুং মশানা মশাবু থবক পীজনবা চৎথরকপা খোঙজংশিংগা থবক্কী মেলা অমগী মওংগা নৌনা শম্নবা নুমিৎ অমনি। নিংতম্বা চহি ৭৫ মপুংফারকপা লোয়ন্না, অখন্নবা থৌরম অমগী মখাদা হায়রিবা নহারোলশিংদা কেন্দ্র সরকারনা এপোইন্তমেন্ত লেত্তরশিং পীরে। মতম অমতদা এপোইন্তমেন্ত লেত্তরশিং পীথোকপা অসিনা দিপার্তমেন্তশিংদা অপীবা মতমগী মনুংদা প্রোজেকশিং লোইশিন্নবা থবক পায়খৎপা হৌরগনি। হৌখিবা চহি ৮ অসিদা অহোংবা কয়া পুরকপা অসিনা মরম ওইদুনা ঙসিদি ভারত মালেমদা ৫শুবা খ্বাইদগী চাউবা ইকোনোমি ওইরে।

প্রধান মন্ত্রীনা হায়খি লৈবাক থবক মরাংকাইনা ফংহন্নবা কেন্দ্র সরকারনা থবক কয়া পায়খৎলি। মফম কয়াদা নহারোলশিংদা থবক লাখ কয়া পীনবা য়াম্লবা চাউখৎ-থৌরাংগী থবকশিং পায়খৎলে। লৈবাক অসিগী মফম কয়াদা লাইনিংগী মফমশিং অমসুং পুৱারিগী মরুওইবা মফমশিং শেমগৎলে। মনুং হুঞ্জিনবা মফমশিংদা লৈরিবা নহারোলশিংদা থবক পীনবা অমসুং তুরিজম সেক্তর চাউখৎনবা মতমগী অনৌবা ইনফ্রাস্ত্রকচরশিং শেমগৎনবা থবকশিং পায়খৎলে।

প্রধান মন্ত্রীনা হায়খি ভারতকী মপাঙ্গলদি লৈবাক অসিগী নহারোলশিংদা লৈরে। অজাদি কা অমৃত কাল অসিদা চাউখৎলবা ভারত অমা শেমগৎনবা মখোয়না অচৌবা শক্তি অমনি। নৌনা থবক খল্লবশিংনা ওফিসশিংগী থোঙজিল য়ৌবা মতমদা মতম পুম্নমক্তা মখোয়না মখোয়গী পুক্নিংদা ‘কার্তাব্য পাথস’ ঙাক্কদবনি। নখোয় ময়াম লৈবাক অসিগী মীয়ামগী থবক পাংথোক্নবা থবক হাপ্লিবনি। ২১শুবা চহিচাদা ভারত সরকারগী থবক অসি শুপ্নগী খুদোংচাবা অমা ফংবা নত্তে, মসি অকক্নবা মতমগী মনুংদা লৈবাক অসিগী কাচিন-কোয়াদা লৈরিবা মীওইশিংগী সেবা তৌনবা তাংলবা খুদোংচাবা অমনি।

ঙসি মধ্য প্রদেসকী গ্বালিয়রদা পাংথোকখিবা থৌরম অদুদা থবক খল্লবা নহারোলশিংদা এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর শ্রী নরেন্দ্র সিংহ তোমারনা এপোইন্তমেন্ত লেত্তরশিং খুৎশীন্নখ্রে। মহাক্না হায়খি নহারোলশিংদা থবক পীনবা প্রধান মন্ত্রীনা চোকথবা লৈতনা থবক পায়খৎলি।

গ্বালিয়র রেলৱে স্তেসনগী প্লেতফোর্ম নম্বর ৪দা পাংথোকপা থৌরম অদুদা শরুক য়াখিবা য়ুনিয়ন মিনিস্তর শ্রী তোমারনা হায়খি ধানতেরাস লাকপদা নহারোলশিংনা প্রধান মন্ত্রীদগী সরকারগী থবক্কী এপোইন্তমেন্ত লেত্তরশিং ফংলে। প্রধান মন্ত্রী অৱাস য়োজনাগী মখাদা ঙসি মধ্য প্রদেসকী খুঞ্জা লাখ ৪.৫০ মখোয় মশাগী য়ুমশিং ফংলে। থৌরম অদুদা এম.পি শ্রী বিবেক সেজৱালকর, হান্নগী মিনিস্তর শ্রীমতি ময়া সিংহ অমসুং অতোপ্পা মীয়ামগী মীয়ামগী মীহুৎশিং শরুক য়াখি।

*****

(Release ID: 1870381) Visitor Counter : 162