ہنر مندی کے فروغ اور آنٹرپرینیوشپ اور تعلیم کے مرکزی وزیر جناب دھرمیندر پردھان نے آج  نےملک بھر کے 49 کیندریہ ودیالیوں کے بنیادی مرحلے اور بال واٹیکا کے پائلٹ پروجیکٹ کے لئے  قومی نصاب  فریم ورک  کا آغاز کیا۔تعلیم کے شعبہ کی وزیر مملکت محترمہ انا پورنا  دیوی،تعلیم کے شعبہ کے وزیر مملکت ڈاکٹر سبھاش  سرکار،کے ساتھ اسکولی تعلیم کے سکریٹری  محترمہ انیتا کروال ،نوجوانوں کے امور اور کھیلوں کے سکریٹری جناب سنجے کمار ،این سی ای آر ٹی کے ڈائریکٹر جناب دنیش سکلانی  کے علاوہ این سی ایف  کی اسٹیئرنگ اور مینڈیٹ کمیٹی کے ممبران اور وزارت تعلیم کے  سینئر حکام اس موقع پر موجودتھے۔ اسٹیئرنگ اور مینڈیٹ  کمیٹی  کے ممبران  اور این سی ایف کے چیئرمین جناب کے کستوری رنگن  نے بھی اس پروگرام ورچوئل وسیلےسے شرکت کی۔

اس موقع پر خطاب  کرتے ہوئے جناب پردھان نے کہا کہ آج کا دن این ای پی کے مقاصد کی تکمیل کی طرف ایک تاریخی قدم ہے۔بھارت نے گزشتہ آٹھ برسوں سے جو تپسیا اور منتھن کیا ہے اب اس کا پھل ملنا شروع ہوگیا ہے۔انہوں نے مزید کہا کہ بنیادی ، آگے کی تیاری کےلئے ، مڈل اور سیکنڈری اسکولی تعلیم کے لیے این سی ایف  کے چار مراحل ہیں۔ انہوں نے مزید کہا کہ این ای پی  2020 کے تحت بنیادی فریم ورک کو تیار کرنا سب سے اہم اور چیلنجنگ پہلو تھا، کیونکہ اس کا ہمارے ملک کے مستقبل کی تشکیل پر بہت بڑا اثر ہے۔

انہوں نے ہر اس شخص کی تعریف کی جس نے بنیادی مرحلے کے لیے قومی نصاب کے فریم ورک کی ترقی میں تعاون کیا ہے۔ انہوں نے کہا کہ یہ نیا فریم ورک ہمارے نوجوانوں کو 21ویں صدی کی علمی اور لسانی صلاحیتوں سے آراستہ کرنے میں مدد کرے گا۔ وزیر موصوف نے این سی ای آر ٹی  پر زور دیا کہ وہ اس این سی ایف  کو پبلک ڈومین میں رکھے، اسے ایس سی ای آر ٹی  اور ابتدائی بچپن کی دیکھ بھال اور ترقی میں شامل تمام اسٹیک ہولڈرز تک لے جائے۔

اس موقع پر خطاب کرتے ہوئے، این سی ایف  کی ترقی کے لیے نیشنل اسٹیئرنگ کمیٹی کے چیئرپرسن، ڈاکٹر کستوری رنگن نے کہا کہ بنیادی مرحلہ این سی ایف  3-8 سال کی عمر کے لیے ملک کا پہلا مربوط این سی ایف  تھا اور یہ جامع نقطہ نظر کے ذریعے تعلیم کے معیار کو تبدیل کرنے کے لیے تیار ہے۔

قومی تعلیمی پالیسی 2020 -- یعنی این ای پی  2020 – بھارت  میں تعلیمی نظام میں تبدیلی لا رہی ہے۔ اس نے ہمارے تعلیمی نظام کو مساوات اور شمولیت کے ساتھ سب کے لیے اعلیٰ ترین معیاری تعلیم فراہم کرنے کی راہ پر گامزن کیا ہے۔ این ای پی  2020 کے سب سے زیادہ تبدیلی والے پہلوؤں میں سے نیا 5+3+3+4 نصابی ڈھانچہ ہے جو 3 سے 8 سال کی عمر کے تمام بچوں کے لیے ابتدائی بچپن کی دیکھ بھال اور تعلیم کو مربوط کرتا ہے۔ ابتدائی بچپن زندگی بھر سیکھنے اور ترقی کی بنیاد رکھتا ہے۔ مجموعی زندگی کے معیار کا ایک اہم فیصلہ کن ہے۔ اس فریم ورک سے ملک کے تمام قسم کے اداروں میں اعلیٰ ترین معیار کی بنیادی تعلیم کی فراہمی کی توقع ہے۔

جیسا کہ این ای پی  2020 میں بیان کیا گیا ہے، قومی نصاب فریم ورک برائے فاؤنڈیشن اسٹیج، نصاب کی تنظیم، تدریس، وقت اور مواد کی تنظیم، اور بچے کے مجموعی تجربے کے لیے تصوراتی، آپریشنل، اور لین دین کے نقطہ نظر کے مرکز میں 'کھیل' کا استعمال کرتا ہے۔

بچے کھیل کے ذریعے بہترین سیکھتے ہیں، اس لیے قومی نصاب کے فریم ورک کے ذریعے تصور کردہ سیکھنے سے بچے کی نشوونما کے لیے تمام جہتوں - علمی، سماجی-جذباتی، جسمانی، اور ہمارے تمام بچوں کے لیے بنیادی خواندگی اور اعداد کے حصول کے لیے حوصلہ افزا تجربات فراہم کیے جائیں گے۔

این سی ایف  کی ایک ادارہ جاتی توجہ ہےکہ  گھر کے ماحول کی اہمیت پر زیادہ زور نہیں دیا جا سکتا - بشمول کنبہ، بڑھا ہوا کنبہ، پڑوسی، اور قریبی برادری کے دیگرافراد - جن میں سے سبھی بچے پر بہت اہم اثر ڈالتے ہیں، خاص طور پر تین سے آٹھ سال کی  عمر کے زمرے میں۔ لہذا، اس پہل کے تحت این سی ایف  اساتذہ کے ساتھ ساتھ والدین اور کمیونٹیز کے کردار سے نمٹا جائے گا تاکہ اس مرحلے کے دوران مطلوبہ ترقیاتی نتائج کو فعال اور بہتر بنایا جا سکے۔

49 کیندریہ ودیالیوں کے ایک سیٹ میں 3+، 4+ اور 5+ سال کی عمر کے طلبا کے لیے بال واٹیکا  کلاسز متعارف کرائی جارہی ہیں ۔ چونکہ بچے کی مجموعی دماغی نشوونما کا 85% سے زیادہ حصہ 6 سال کی عمر سے پہلے ہوتا ہے، اس لیے ان کے دماغ کو متحرک کرنے اور ان کی جسمانی اور جذباتی نشوونما کو سہارا دینے کے لیے مناسب دیکھ بھال ہر بچے کے لیے ضروری ہے۔ ان تمام مصروفیات کا مقصد تین ترقیاتی اہداف کو حاصل کرنا ہے۔

• اچھی صحت اور تندرستی کو برقرار رکھنا،
• مؤثر ابلاغ کار بننا؛ اور
• مکمل شوملیت کے ساتھ  سیکھنے والے بننا۔

برائے مہربانی بنیادی مرحلے کے لیے قومی نصاب کے فریم ورک تک رسائی کے لیے نیچے دیے گئے لنک کو دیکھیں:https://ncert.nic.in/pdf/NCF_for_Foundational_Stage_20_October_2022.pdf

*****

ش ح ۔ا م۔

U:11666