کانکنی کی وزارت میں سکریٹری جناب وویک بھاردواج نے آج کولکاتہ میں بھارت کے ارضیاتی جائزہ جی ایس آئی کے سینٹرل ہیڈکوارٹر کا دورہ کیا ۔ جی ایس آئی کے سینئر افسروں کے ساتھ ساتھ جی ایس آئی کے ڈائریکٹر جنرل ڈاکٹر ایس راجونے کانکنی کے وزارت کے سکریٹری کا خیر مقدم کیا ۔اپنے خیر مقدمی خطاب میں جی ایس آئی کے ڈائریکٹر جنرل نے جی ایس آئی کی بڑی ترجیحی کارروائیوں اور حصولیابیوں کی وضاحت کی ۔ڈاکٹر راجو نے کہا کہ جی ایس آئی کے ذریعہ کئے گئے سبھی وعدوں کو بیس لائن جائزے اور معدنیات کے دریافت سے متعلق اعلیٰ ترجیحی شعبوں کو بروقت پورا کیا جائے گا۔ کانکنی کے سکریٹری کو  جی ایس آئی کے مجموعی کارروائیوں اور حصولیابیوں کے بارے میں بھی ڈی ڈی جی، پی ایس ایس –پی اینڈ ایم جناب است ساہا کے ذریعہ تفصیلی پرزینٹیشن سے واقف کرایا گیا۔

 

 

میٹنگ کے دوران جناب وویک بھاردواج نے جی ایس آئی نے افسروں کے ساتھ بہت ہی مفید اور کھلی بات چیت کی وہ جی ایس آئی کے مختلف امور کے تعلق سے ہوئی بات چیت میں نہایت انہماک سے شامل ہوئے اور انہوں نے اہم بیس لائن جائزے کے کاموں   کی عمل آوری تکمیل پر زور دیاجس میں نیشنل جیو کیمیکل میپنگ (این جی سی ایم) نیشنل جیو فیزیکل میپنگ (این جی پی ایم) اور نیشنل ایرو جیو فیزیکل میپنگ پروگرام(این اے جی ایم پی) شامل ہیں جنہیں مخصوص وقت میں پورا کیا جائےگا ۔ انہوں نے افسران کو سرحدوں سے باہر دیکھنے کا مشورہ دیا اور اس بات پر زور دیا کہ دنیا کے دیگر ترقی یافتہ ملکوں میں ارضیاتی  جائزے کے ذریعہ کی جانے والی پیشرفت اور اہمیت کے حامل علاقوں کو دریافت کرنے کے لیے مطالعاتی گروپ بنائے جا سکتے ہیں۔کانکنی کے سکریٹری نے جی ایس آئی کو مشورہ دیا کہ وہ دنیا میں دستیاب بہترین طور طریقوں کو اپنائے اور اس پر جدت کاری کرنے کی کوشش کریں۔

 

 

خصوصی مہم دوئم کے تعلق سے کانکنی کے سکریٹری نے  سبھی کو ہدایت دی کہ وہ نہایت سنجیدگی کے ساتھ مہم میں شامل ہیں ۔انہوں نے خصوصی مہم دوئم کو کامیاب بنانے کے لئے جی ایس آئی میں انجام دئے گئے کاموں کا بذات خود بھی معائنہ کیا ۔ ڈی جی جی ایس آئی نے سکریٹری موصوف کو اس بات سے بھی واقف کرایا کہ خصوصی مہم دوئم نہایت جوش و خروش کے ساتھ نافذ کی جارہی ہے اور اس کا مستقبل بنیاد پر جائزہ لیا جارہا ہے ۔ اپنے اختتامی کلمات میں جناب وویک بھاردواج نے جی ایس آئی سینٹر ل ہیڈکوارٹر س دفتر  کا دورہ کرنے پر خوشی کا اظہار کیا ۔انہوں نے اس بات کا اعادہ کیا کہ 172 سال پرانی تنظیم ہونے کے باوجود ارضیاتی سائنس کے شعبہ میں بہترین کارکردگی لانے میں اپنی کوششیں جاری رکھے گی اور اس شعبہ میں اعلیٰ معیار کی پیشہ ورانہ مہارت کا نشانہ طے کرےگی ۔انہوں نے کانکنی کی وزارت کی طرف سے انتظامی ،پالیسی اور مالی معاملات میں سبھی ممکنہ مدد اور تعاون کے عہد کا بھی اعادہ کیا۔

 

***********

 

ش ح ۔ ش ر ۔ م ش

U. No.11638

(Release ID: 1869458) Visitor Counter : 137