وزیر دفاع  جناب راج ناتھ سنگھ نے اسٹارٹ اپس اور اختراع کرنے والوں سے تحقیق اور اختراع کے ذریعے مسلح افواج کو جدید بنانے کے لیے نئے خیالات  کے ساتھ آنے کی  اپیل  کی ہے اور ان سے کہا ہے کہ وہ  وزیر اعظم جناب نریندر مودی کے تصور کے مطابق ملک کو مضبوط، خوشحال اور ‘آتم نر بھر بھارت’  بنانے میں اپنا حصہ ڈالیں۔ منتھن 2022 کا افتتاح کرتے ہوئے، 12ویں ڈیف ایکسپو کے ایک حصے کے طور پر وزارت دفاع کی طرف سے انوویشنز فار ڈیفنس ایکسی لینس-ڈیفنس انوویشن آرگنائزیشن (آئیڈیکس –ڈی آئی او) کے ذریعے منعقد ایک پروگرام میں جناب راج ناتھ سنگھ نے کہا کہ   بڑی تعداد میں اسٹارٹ اپ اور اختراع کار دفاعی شعبے میں قدم رکھ رہے ہیں کیونکہ  حکومت نے ان کے  ساتھ ملک کی ترقی کے لیے ایک مضبوط ماحولیاتی نظام تشکیل دیا ہے۔

 

وزیر دفاع  نے کہا کہ 50 سے زیادہ تکنیکی شعبوں میں مصنوعات/ٹیکنالوجیوں کو تیار کرنے کے لیے 100 سے زیادہ آئیڈیکس فاتحین کے لیے 300 کروڑ روپے سے زیادہ کی منظوری دی گئی ہے، انہوں نے  اس بات پر زور دیا    کہ آئیڈیکس پہل نے یہ تاثر بدل دیا ہے کہ دفاعی پیداوار صرف بڑے کاروباریوں اور صنعت کاروں کے لیے ہے۔ انہوں نے کہا  کہ "پچھلے 7-8سالوں میں، حل اور اہداف پر زیادہ توجہ دینے کی بدولت    قوم کے شعور میں تبدیلی آئی ہے۔ اس سے پہلے نوجوانوں کے لیے مختلف شعبوں میں اپنا حصہ ڈالنا مشکل تھا، لیکن آئیڈیکس جیسے اقدامات نے ہمارے نوجوان کاروباریوں کو بااختیار بنایا ہے اور انہیں اڑنے کے لیے پروں سے نوازا ہے۔ آئیڈیکس ، ہندوستان کو خود کفیل بنانے کی طرف ایک بڑا اقدام اور  جدید ترین ٹیکنالوجیز تیار کرنے کے لیے کاروباریوں کو اقتصادی مدد فراہم کرنے کا ایک پلیٹ فارم ہے‘‘ ۔

 

جناب راج ناتھ سنگھ نے گزشتہ سال عوامی نظم و نسق میں وزیر اعظم ایوارڈ برائے امتیاز  (پرائم منسٹرس ایوارڈ فار ایکسیلنس )  حاصل کرنے اور ڈیف ایکسپو 2018 کے دوران وزیر اعظم کے ذریعہ اس کے آغاز کے بعد کامیابی کی نئی بلندیوں کو حاصل کرنے پر آئیڈیکس کی تعریف کی۔ انہوں نے مزید کہا کہ آئیڈیکس وزارت دفاع کی ایک مقبول پہل ہے اور  اس نے دیگر وزارتوں کو اختراعی اسکیمیں اپنانے کی ترغیب دی ہے۔ آئی ڈی ای ایکس کو ' اختراع کے لیے اختراع ' کا نام دیتے ہوئے جناب راج ناتھ سنگھ نے زور دیا کہ اس نے ملک کی کاروباری صلاحیتوں کی حوصلہ افزائی کی ہے جو کہ پالیسی کی پابندیوں کی وجہ سے پہلے ابھرنے کے قابل نہیں تھیں۔ انہوں نے مزید کہا کہ اس اقدام سے اسٹارٹ اپس اور اختراع کرنے والوں کو آگے آنے اور دفاعی شعبے میں دیگر حصص داروں  کے ساتھ کام کرنے میں مدد ملی ہے۔ آئی ڈی ای ایکس کو ملک کے لیے کام کرنے کی تحریک قرار دیتے ہوئے، جناب راج ناتھ سنگھ نے کہا کہ حکومت اور اختراع کاروں کی مشترکہ کوششوں نے معیشت میں مثبت لہر پیدا کی ہے۔

مزید وضاحت کرتے ہوئے، رکشا منتری نے کہا کہ آئی ڈی ای ایکس براہ راست اور بالواسطہ روزگار کے مواقع پیدا کرتا ہے اور ملازمت کے متلاشیوں اور ملازمت تخلیق کرنے والوں دونوں کے لیے مفید ہے۔ انہوں نے روشنی ڈالی کہ آئی ڈی ای ایکس کے آغاز کے بعد سے، ڈیفنس انڈیا اسٹارٹ اپ چیلنج اور اوپن چیلنج کے پچھلے سات ایڈیشنوں میں 6,000 سے زیادہ درخواستیں موصول ہوئی ہیں۔ انہوں نے آئی ڈی ای ایکس پرائم پر بھی روشنی ڈالی جو 10 کروڑ روپے تک کی گرانٹ ان ایڈ سپورٹ فراہم کرنے کے لیے شروع کی گئی تھی۔

 

آئی ڈی ای ایکس کی ترقی پر، جناب راج ناتھ سنگھ نے کہا کہ پلیٹ فارم اب ٹائر-II اور ٹائر  III- شہروں میں موجود ہے اور پورے ہندوستان میں انکیوبیٹرز سے جڑ رہا ہے۔ انہوں نے ملک کے مختلف حصوں تک پہل کی رسائی کو مزید وسعت دینے کے لیے زیادہ سے زیادہ منتشر کرنے اور زیادہ جمع کرنے کے جڑواں اصولوں پر توجہ مرکوز کرنے پر زور دیا، جس کا مقصد زیادہ سے زیادہ نوجوان روشن دماغوں سے رابطہ قائم کرنا ہے۔ انہوں نے اس اعتماد کا اظہار کیا کہ آئی ڈی ای ایکس اچھوتے علاقوں میں جدت طرازی کا راستہ دکھائے گا اور دفاعی شعبے کی ہمہ گیر ترقی میں مدد کرے گا۔

 

منتھن 2022 کا مقصد اسٹارٹ اپس، کارپوریٹس اور فوجی نمائندوں کو اکٹھا کرنا تھا، تاکہ ہندوستانی دفاعی شعبے کو روشن مستقبل کی طرف لے جانے والی مقامی اختراعات کا پتہ لگایا جا سکے۔ اس نے آئی ڈی ای ایکس -ڈی آئی او  سے وابستہ اختراع کاروں کو اپنی صلاحیتوں، مصنوعات اور جدید ترین ٹیکنالوجیز کو انڈسٹری لیڈرز کے ہدف  بند  سامعین کے سامنے دکھانے کا ایک منفرد موقع فراہم کیا۔ تقریب کے دوران، اس بات پر روشنی ڈالی گئی کہ ڈی آئی ایس سی 7  اور ( ایس پی آر آئی این ٹی) اور پی آر آئی ایم ای  ( ایس پی آر آئی این ٹی) کے تحت 75 چیلنجز کے نتائج کا اعلان دو ماہ سے کم کے ریکارڈ وقت میں کیا گیا تھا۔ آئی ڈی ای ایکس –ڈی آئی او کے ذریعے 75 چیلنجز میں 118 فاتحین کا اعلان کیا گیا۔ ڈسک 6، ڈسک  7 اسپرنٹ ، او سی  4 اور او سی  5 کے فاتحین کو مبارکباد دی گئی۔

 

اس تقریب میں صنعتی شخصیات اور وزارت دفاع اور مسلح افواج کے رہنماؤں کے ساتھ 'ہارنسنگ اسٹارٹ اپ انوویشن ان انڈیا فار اسپیس ٹیکنالوجیز' کے موضوع پر ایک پینل ڈسکشن بھی پیش کیا گیا۔  آئی ڈی ای ایکس –ڈی آئی او کے تعاون سے اسٹارٹ اپس کے ایک بڑے  سلسلے پر مشتمل   ایک جامد نمائش  بھی شرکاء کو دکھائی گئی۔

 

چیف آف ڈیفنس اسٹاف جنرل انیل چوہان، ڈیفنس سیکریٹری ڈاکٹر اجے کمار، چیف آف دی ایئر اسٹاف ایئر چیف مارشل وی آر چوہدری، چیف آف دی نیول اسٹاف ایڈمرل آر ہری کمار، چیف آف آرمی اسٹاف جنرل منوج پانڈے اور مرکزی  و ریاستی حکومت کے دیگر اعلیٰ حکام اور  صنعت کے نمائندے بھی اس موقع پر موجود تھے۔

 

****

ش ح ۔ م م ۔ م ر

U.No: 11574

(Release ID: 1868975) Visitor Counter : 144