గుజరాత్‌లోని సురేంద్రనగర్‌లో ప్రభుత్వ ఆయుర్వేద కళాశాల మరియు ఆసుపత్రికి ఆయుష్ శాఖ సహాయ మంత్రి డాక్టర్ ముంజపర మహేంద్రభాయ్ కాళూభాయ్ ఈరోజు శంకుస్థాపన చేశారు. ఆయుష్ మంత్రిత్వ శాఖ తన కేంద్ర ప్రాయోజిత పథకం జాతీయ ఆయుష్ మిషన్ (NAM) కింద గుజరాత్ ప్రభుత్వం అత్యాధునిక ఆయుష్ సౌకర్యాలను ఏర్పాటు చేయడానికి చేస్తున్న ప్రయత్నాలకు మద్దతునిస్తోంది.

 

ఈ వేడుకకు గుజరాత్ ప్రభుత్వ అటవీ, పర్యావరణ మరియూ వాతావరణ మార్పుల మంత్రి శ్రీ కిరిత్‌సిన్హ్ రాణా, భారత ప్రభుత్వ వైద్య కార్యదర్శి ఆయుష్,  రాజేష్ కోటేచా మరియు రాష్ట్ర మరియు జిల్లా పరిపాలన అధికారులు ఇతర ప్రముఖులు హాజరయ్యారు.

 

ప్రభుత్వ ఆయుర్వేద కళాశాల మరియు ఆసుపత్రిలో కళాశాలకు మౌలిక సదుపాయాలు మరియు 100 పడకల ఆసుపత్రి, విద్యార్థులకు హాస్టల్ బ్లాక్ మరియు సిబ్బంది క్వార్టర్ ఉన్నాయి. ఆయుష్ సెక్టార్‌లో పరిశోధన మరియు ఆవిష్కరణలకు మద్దతుగా క్యాంపస్‌లో జంతు గృహం మరియు మూలికా వనం కూడా ఏర్పాటు చేయబడుతుంది.

 

ఈ సందర్భంగా డాక్టర్‌ ముంజపర మాట్లాడుతూ.. ఆయుష్‌ రంగంలో అందుబాటు ధరల్లో నాణ్యమైన వైద్య విద్య నేటితరం వాస్తవికతగా మారిందని, జాతీయ ఆయుష్‌ మిషన్‌ దీనికి తోడ్పాటు  నిస్తుందన్నారు. మన సాంప్రదాయ ఔషధ వ్యవస్థలు ప్రభావవంతమైనవి, ఇవి యుగాల నుండి ఆచరించబడుతున్నాయి. మన ప్రధానమంత్రి కృషి వల్లనే జామ్‌నగర్‌లో డబ్లూ హెచ్ ఓ జీ సీ టీ ఎం (WHO-GCTM) స్థాపించబడింది. గుజరాత్‌లో ఐదు ప్రభుత్వ ఆయుర్వేద కళాశాలలు ఉన్నాయి ఇప్పుడు మేము ఆరవదాన్ని ఏర్పాటు చేస్తున్నాము. ఇది విద్యార్థులకు మరియు స్థానిక సమాజానికి ఎంతో ప్రయోజనం చేకూరుస్తుంది.

 

ఆయుష్ మంత్రిత్వ శాఖ, కేంద్ర ప్రాయోజిత పథకం నేషనల్ ఆయుష్ మిషన్ (NAM) ద్వారా ఆయుష్ యొక్క ప్రధాన సామర్థ్య రంగాలపై దృష్టి సారించడం ద్వారా దేశ ఆరోగ్య సంరక్షణ వ్యవస్థను మెరుగుపరచడం లక్ష్యంగా పెట్టుకుంది. రాష్ట్ర/యుటిల ప్రభుత్వ మద్దతుతో ఇది ప్రాథమిక ఆరోగ్య కేంద్రాలు (పిహెచ్‌సిలు), కమ్యూనిటీ హెల్త్ సెంటర్లు (సిహెచ్‌సిలు) మరియు జిల్లా ఆసుపత్రులలో (డిహెచ్‌లు) ఆయుష్ సౌకర్యాలను కల్పించే వ్యూహాన్ని అనుసరించింది, తద్వారా ఒకే భవనం లో మందులు రోగులకు వివిధ వైద్య వ్యవస్థల నుండి ఎంపిక చేసుకునే అవకాశం లభిస్తుంది. 

 

*****

(रिलीज़ आईडी: 1868389) आगंतुक पटल : 200