ہندوستان کے نائب صدر جناب جگدیپ دھنکڑ نے آج سورت کے پنڈت دین دیال اپادھیائے انڈور اسٹیڈیم میں 36ویں قومی کھیلوں کی اختتامی تقریب سے خطاب کیا۔ لوک سبھا کے اسپیکر جناب اوم برلا، گجرات کے گورنر جناب آچاریہ دیوورت، گجرات کے وزیر اعلیٰ بھوپیندر بھائی پٹیل، ریاست گجرات کے وزراء اور اراکین پارلیمنٹ، حصہ لینے والے کھلاڑیوں، عہدیداروں اور دیگر نے کھیلوں کی اختتامی تقریب میں شرکت کی۔ اختتامی تقریب میں رنگا رنگ ثقافتی پروگرام پیش کیے گئے، جس کے بعد 36ویں قومی کھیلوں کے اختتام کے موقع پر شاندار آتش بازی کا مظاہرہ کیا گیا۔

اپنے خطاب کے دوران جناب جگدیپ دھنکڑ نے کہا کہ کھیلوں کے ایونٹس ایک عظیم قومی یکجہتی کے طور پر کام کرتے ہیں، جس میں تمام ریاستوں سے کھلاڑی ایک ساتھ جمع  ہوتے ہیں اور زندگی بھر کے تعلقا  ت تعمیر کرتے ہیں  اور ان کے درمیان دوستی کا ایک مضبوط احساس پیدا ہوتا ہے۔

نائب صدر جمہوریہ نے ریاستی حکومت کو میگا اسپورٹنگ ایونٹ کے کامیاب انعقاد کے لیے مبارکباد دی، جس نے گزشتہ چند ہفتوں کے دوران مختلف سلسلے میں کئی نئے ریکارڈ قائم کیے ہیں۔ انہوں نے کہا کہ کھلاڑی یہاں سے دلکش یادیں اور قوم پرستی کا ایک نیا جذبہ لے کر جائیں گے۔

پچھلے کچھ سالوں میں ملک میں کھیلوں کے بنیادی ڈھانچے کی نمایاں ترقی کا ذکر کرتے ہوئے، جناب دھنکڑ نے یقین ظاہر کیا کہ "وہ دن دور نہیں جب بھارت اولمپکس کی میزبانی کرے گا۔" وزیر اعظم جناب نریندر مودی کے ویژن کی ستائش کرتے ہوئے ،انہوں نے کہا کہ ملک میں ابھرتے ہوئے کھیلوں کے ٹیلنٹ کو صحیح مواقع فراہم کرنے اور مناسب  طور پر پروان چڑھانے  کے لیے تمام کوششیں کی جا رہی ہیں۔ انہوں نے مزید کہا کہ میرٹ اور منصفانہ انتخاب سے چلنے والا نیا کھیلوں کا کلچر گیم چینجر ہے۔

اپنے خطاب میں، جناب  دھنکڑ  نے دل کو گرما دینے والے واقعہ کا ذکر کیا، جب وزیر اعظم نے ہندوستانی خواتین کی ہاکی ٹیم کے ہر رکن سے ٹوکیو اولمپکس میں تمغے کے فقدان کے بعد ذاتی طور پر بات کی، اور اس بات پر زور دیا کہ "جیت یا ہار سے زیادہ، یہ کھیلوں کی روح ہے، جو اہمیت کی حامل ہے‘‘۔

اس بات کا تذکرہ کرتے ہوئے کہ ہندوستان کے نائب صدر کا عہدہ سنبھالنے کے بعد یہ ان کا گجرات کا پہلا دورہ تھا، جناب دھنکڑ نے کہا کہ وہ ریاست کے لوگوں کی طرف سے دی گئی محبت اور پیار سے مغلوب ہیں۔ قومی ترقی میں گجرات کے تعاون کی تعریف کرتے ہوئے، انہوں نے کہا کہ "گجرات کے بیٹوں نے آزادی سے پہلے اور آزادانہ کے بعد کے دور میں تاریخی حصہ داری پیش  کی ہے۔"

گجرات کے وزیر اعلیٰ بھوپیندر بھائی پٹیل نے نشاندہی کی کہ کھیل ریاست اور ملک میں زندگی کا ایک طریقہ بننے لگے ہیں۔ "ہماری نئی اسپورٹس پالیسی کو ریاست کے ایتھلیٹس کو اعلیٰ مقصد حاصل کرنے میں مدد کرنی چاہیے۔ انہوں نے مزید کہاکہ  کھلاڑیوں کی صلاحیتوں کو فروغ دینے کے لیے، ہم نے سوارنم گجرات اسپورٹس یونیورسٹی بھی شروع کی ہے اور مجھے امید ہے کہ یونیورسٹی اولمپک ایتھلیٹس بنانے میں مدد کرے گی‘‘ ۔

قومی کھیلوں کا جھنڈا 2023 ایڈیشن کے میزبان گوا سے وزیر کھیل گووند گاؤڈے کی قیادت میں ایک وفد کے حوالے کیا گیا۔

عزت مآب نائب صدر جناب جگدیپ دھنکڑ نے لگاتار چوتھی بار سروسز کے ہائبرڈ دستے کو باوقار  راجہ بھلندرا سنگھ ٹرافی دی۔ انہوں نے 61 طلائی، 35 چاندی اور 32 کانسے کے تمغے جیت کر تمام مسابقتی ٹیموں پر سبقت حاصل کی۔

مہاراشٹر نے، ریاستوں اور مرکز کے زیر انتظام علاقوں میں سب سے زیادہ تمغوں کے ساتھ تمغوں کی تعداد میں دوسرے نمبر پر رہنے کے لیے انڈین اولمپک ایسوسی ایشن کی بہترین ریاستی ٹرافی جیتی۔

گجرات کے وزیر اعلیٰ بھوپیندر بھائی پٹیل نے ساجن پرکاش (5 طلائی، 2 چاندی، 1 کانسے) کو بہترین مرد ایتھلیٹ پیش کیا، جس نے ڈرامائی انداز میں کرناٹک کے سری ہری نٹراج (5 طلائی اور 2 چاندی) کو پیچھے چھوڑ دیا۔ ساجن پرکاش کا یہ لگاتار دوسرا اعزاز تھا، جس نے 2015 میں بھی یہی ٹرافی جیتی تھی۔

کرناٹک کی ہاشیکا رام چندرا، بمشکل 14 سال کی، نے 6 سونے اورایک کانسے کے تمغے کے ساتھ بہترین خاتون ایتھلیٹ کا تاج اپنے نام کیا۔ انہوں نے اپنا ایوارڈ لوک سبھا کے اسپیکر جناب  اوم برلا سے حاصل  کیا۔

گجرات کا 10 سالہ شوریہ جیت کھیرے (ملکھمب)، جو کچھ دن پہلے اپنے والد کو کھونے کے بعد ایک ہچکچاہٹ کا شکار تھا، کھیلوں کا 'وائرل اسٹار' بن کر ابھرا، اور وہ  سب سے کم عمر تمغہ جیتنے والا بن گیا۔

آئی آئی ٹی گاندھی نگر میں ٹریک اینڈ فیلڈ میں 38 نیشنل گیمز اور راجکوٹ میں ایکواٹکس میں 36 ریکارڈ ٹوٹ گئے۔ تمل ناڈو کی روزی مینا پالراج (خواتین کی پال والٹ) اور این اجیت (ویٹ لفٹنگ مردوں کی 73 کلو گرام کلین اینڈ جرک)، سروسز کے شیوا سبرامنیم (مردوں کی پول والٹ)، یوپی کے رام بابو (مردوں کی 35 کلومیٹر ریس واک) اور اروناچل پردیش کے سمبو  لاپنگ (وی لفٹنگ مرد کے 96 کلو گرام کلین اینڈ جرک) ان چند لوگوں میں شامل تھے ،جنہوں نے قومی ریکارڈز بھی توڑ ڈالے۔

کھیلوں کے پاور ہاؤس مہاراشٹرا اور ہریانہ آخر تک انتہائی تلخ مقابلے میں مصروف رہے،  اس سے پہلے کہ  پہلا مہاراشٹر  39 سونے، 38 چاندی اور 63 کانسے کے ساتھ نمبر 2 کے طور پر ابھرا جبکہ ہریانہ کو (38 طلائی، 38 چاندی، 39 کانسے) ٹیبل پر تیسری پوزیشن سے مطمئن ہونا پڑا۔

کرناٹک، تمل ناڈو اور کیرالہ نے میڈل ٹیبل پر بالترتیب چوتھا، پانچواں اور چھٹا مقام حاصل کیا۔ مدھیہ پردیش، اتر پردیش اور منی پور نے اطمینان بخش  کارکردگی کے ساتھ  20 سونے کے تمغے حاصل کئے ۔

میزبان گجرات نے قومی کھیلوں کی تاریخ میں اپنی اب تک کی بہترین کارکردگی بھی درج کی، مجموعی طور پر 49 تمغوں میں  13 طلائی، 15 چاندی اور 21 کانسے کے تمغے شامل ہیں۔ میزان مجموعی طور پر 12 ویں مقام پر رہا۔

29 ٹیموں نے کم از کم ایک سونے کا تمغہ  جیتا اور تین دیگر دستوں نے اپنی کوششوں کا مظاہرہ کرنے کے لیے کم از کم ایک تمغہ جیتا۔

سروسز نے 61 سونے ، 35 چاندی  اور 32 کانسے  کے تمغوں  کے ساتھ ٹیبل پر سرفہرت رہا۔ مہاراشٹر نے دوسرا مقام حاصل کیا ،جبکہ ہریانہ نے تیسرا مقام حاصل کیا۔ سونا  حاصل کرنے والے تیراک کیرالہ کے ساجن پرکاش اور کرناٹک کے ہاشیکا رام چندر کو بالترتیب مرد اور خواتین کے زمرے میں بہترین ایتھلیٹس کا تاج پہنایا گیا۔

نائب صدر، جناب  جگدیپ دھنکڑ اور ڈاکٹر سدیش دھنکڑ ،جو تین روزہ دورے پر سورت پہنچے تھے، کا سورت کے ہوائی اڈے پر گجرات کے گورنر، جناب  آچاریہ دیوورت اور حکومت گجرات کے وزراء اور دیگر نے استقبال کیا۔ اگلے دو دنوں میں وہ اسٹیچو آف یونٹی اور سابرمتی آشرم کا دورہ کریں گے اور ریاستی حکومت اور کمیونٹی تنظیموں کی طرف سے منعقد ہونے والے کئی پروگراموں میں بھی شرکت کریں گے۔

اس سال کے قومی کھیلوں میں تمام ریاستوں اور مرکز کے زیر انتظام علاقوں کے 14,500 سے زیادہ کھلاڑیوں، کوچوں اور عہدیداروں نے حصہ لیا، جس کا افتتاح وزیر اعظم جناب نریندر مودی نے 29 ستمبر 2022 کو کیا تھا۔

 

*************************

 

ش ح۔  اک ۔  ق ر

U:11405

 

 

(Release ID: 1867650) Visitor Counter : 99