مرکزی تعلیم اور ہنرمندی کی ترقی کے وزیر جناب دھرمیندر پردھان نے آج فیفا انڈر 17 ورلڈ کپ سے قبل فیفا کی سکریٹری جنرل محترمہ فاطمہ سامورا سے ملاقات کی۔ کھیلوں کے وزیر مملکت جناب نشیتھ پرمانک؛ صدر، آل انڈیا فٹ بال فیڈریشن، شری کلیان چوبے؛ سکریٹری جنرل اے آئی ایف ایف ، جناب  شاجی پربھاکرن اور وزارت تعلیم، وزارت کھیل اور امور نوجوان NVSسی بی ایس ای، این وی ایس اور ایس اے آئی کے افسران نے بھی پروگرام میں شرکت کی۔

ملک بھر کے اسکولوں میں فیفا اور یونیسکو کے فٹ بال برائے اسکولز پروگرام کے ساتھ تعاون کے ارد گرد بات چیت کا مرکز رہا۔

میٹنگ کے بعد ایک مشترکہ پریس کانفرنس میں، جناب پردھان نے کہا کہ فٹ بال فار سکولز تحریک این ای پی  2020 کی روح کی حمایت کرتی ہے اور کھیلوں سے مربوط سیکھنے کو فروغ دیتی ہے۔ انہوں نے مزید کہا کہ اس سے ہندوستان میں کھیلوں کی ثقافت کو فروغ ملے گا اور ہمارے طلباء کی صلاحیتوں کو فروغ دینے میں مدد ملے گی۔

انہوں نے کہا کہ حکومت ہند وزیر اعظم جناب  نریندر مودی کے ہندوستان کو کھیلوں کی سپر پاور کے طور پر ترقی دینے کے ساتھ ساتھ فٹ انڈیا کو یقینی بنانے کے ویژن کے مطابق کھیلوں کو فروغ دینے اور فٹ بال کے لیے خاص طور پر اسکول کے بچوں میں ایک عوامی تحریک پیدا کرنے کے لیے پرعزم ہے۔

اسکولوں کے بڑے نیٹ ورک کو مدنظر رکھتے ہوئے، محترمہ سمورا اور وزیر موصوف نے اسکولوں کے لیے فٹ بال پروگرام کو ہندوستان کے تمام 700+ اضلاع تک لے جانے پر اتفاق کیا۔ جناب پردھان نے بتایا کہ نوودیا ودیالیہ کمیٹی اس پہل کو آگے بڑھانے کے لیے وزارت تعلیم کی جانب سے نوڈل ایجنسی ہوگی۔ اس موقع پر خطاب کرتے ہوئے جناب  نشیتھ پرمانک نے کہا کہ یہ اقدام فٹ بال کھیل کے مستقبل کے لیے گیم چینجر ثابت ہوگا۔ انہوں نے یہ بھی کہا کہ اسپورٹس اتھارٹی آف انڈیا اس اقدام کے لیے ہر طرح کی حمایت کرے گی۔

ش ح۔   ش ت۔ج

Uno-12255