بھارت کی مالی راجدھانی کل سرمایہ کاروں کی ایک گول میز کانفرنس کی میزبانی کرے گی ۔ مہاراشٹر انڈسٹریل ٹاؤن شپ لمیٹڈ (ایم آئی ٹی ایل ) کے زیراہتمام  این آئی سی ڈی سی  سرمایہ کاروں کی چوتھی گول میزکانفرنس کل 10اکتوبر ،2022کو ممبئی میں منعقد ہوگی ۔ ممتاز سرمایہ کاروں کے ساتھ ساتھ  مہاراشٹر کے وزیراعلیٰ ایکناتھ شنڈے ، کامرس اورصنعت کے مرکز ی وزیر جناب پیوش گوئل ، مہاراشٹر کے نائب وزیراعلیٰ دیویندرفڑنویس ، صنعتوں کے وزیراودے سامنت ، مختلف ملکوں  کے قونصل جنرل اور مہاراشٹر سرکار کے اعلیٰ افسران اس کانفرنس میں شرکت کریں گے ۔

اس  سے پہلے دہلی ، کوچی اورآحمد آباد میں سرمایہ کاروں کی گول میز کانفرنس کا انعقاد ہوچکاہے۔ اس چوتھی کانفرنس میں ، پورے بھارت میں زیرتعمیرگرین فیلڈ صنعتی شہروں  کی ترقی کواجاگرکیاجائے گا۔ جن کا منصوبہ نیشنل انڈسٹریل کو ریڈورڈیولپمنٹ کارپوریشن لمیٹڈ نے تیارکیاہے ۔

سردست ، مہاراشٹر میں اس قسم کے گرین فیلڈاسمارٹ صنعتی شہر، اورنگ آباد ، رائے گڑھ ، ستارااور ناگپور ضلعوں میں تعمیر کئے جارہے ہیں ۔ اس کانفرنس میں متعلقہ فریقوں اورشراکت داروں کے مابین معنی خیز مذاکرات کے لئے سہولت پیداکرنے کی کوشش کی جائے گی ۔ جس سے  کہ سرمایہ  کاروں  کے لئے اشتراک  کے مختلف النوع مواقعوں کی نشاندہی کرنے میں مدد ملےگی ۔

بھارت  کاایک مضبوط اقتصادی مرکز ، مہاراشٹر دنیا بھرکے سرمایہ کاروں کے لئے سرمایہ کاری کاایک مثالی مقام رہاہے ۔ ریاست نے غیرملکی براہ راست سرمایہ کاری (ایف ڈی آئی) کے لئے بھارت کے اعلیٰ ترین مقام کے طورپراپنے درجہ کو برقراررکھاہے ۔ گذشتہ دہائی میں مہاراشٹر میں ملک میں مجموعی طورپر کی جانے والی غیرملکی براہ راست سرمایہ کاری کے لگ بھگ 28فیصدکی سرمایہ کاری کی جاتی تھی ۔ معیشت کااستحکام اس حقیقت سے بھی ظاہر ہوتاہے کہ گذشتہ مالی سال میں مہاراشٹر نے 420ارب ڈالرز کے بقدرمجموعی ریاستی گھریلو پیداوار کی حصولیابی کی تھی ۔

صنعتی راہداری کی ترقی سے متعلق قومی کارپوریشن –این آئی سی ڈی سی ، ایک خصوصی مقصد والی گاڑی ہے ۔ جس میں بھارت کے سب سے اہم بنیادی ڈھانچے کے پروگرام ، صنعتی راہداری کی ترقی سے متعلق قومی کارپوریشن کو قائم کرنے ، اسے فروغ دینے اوراس میں سہولت پیداکرنے کی بات کہی گئی ہے۔ اس پروگرام کا مقصد ، ‘‘اسمارٹ شہروں ’’ کے طورپر نئے صنعتی شہرتعمیر کرنااور بنیادی ڈھانچہ سے متعلق سبھی شعبوں  میں اگلے مرحلے کی جدیدترین ٹیکنولوجیوں  کو شامل کرنا ہے۔اس پروگرام کا مقصد ، مینوفیکچرنگ پرخصوصی زوردیتے ہوئے ایک منصوبہ بند شہرکاری کے لئے مہمیز کرناہے ۔

ایم آئی ٹی ایل ، جسے پہلے ‘‘ اورنگ آباد انڈسٹریل ٹاؤن شپ لمیٹڈ ’’ کے نام سے جاناجاتاتھا، حکومت ہند اورمہاراشٹر سرکارکے درمیان ایک مشترکہ پروجیکٹ ہے ۔

ایم آئی ٹی ایل کا ایک اہم صنعتی علاقہ  ، دی اورنگ آباد انڈسٹریل سٹی یا اے یو آرآئی سی ، دنیا کے سب سے بہترین طریقے سے تیارکردہ صنعتی اسمارٹ
شہروں میں سے ایک ہے ۔ اس میں رہائش کے لئے جگہیں مختص کی گئی ہیں  اور7000کروڑروپے سے زیادہ کی سرمایہ کاری کی گئی ہے ۔ یہ مراٹھواڑہ خطے  میں صنعتی  ترقی کی ایک مشعل ہے ۔ اے یوآرآئی سی نے پی ایم مترااسکیم کے تحت ، ٹیکسٹائلز اکی وزارت کے تعاون کے ساتھ ، ایک متراٹیکسٹائلز  پارک ،ایک بڑا فوڈ پارک اورانٹرنیشنل کنونشن سینٹر تعمیر کرنے کا منصوبہ تیارکیاہے ،تاکہ یہ صحیح معنوں میں عالمی سرمایہ کاری  کاایک مقام بن سکے ۔

***********

(ش ح ۔ع م ۔ ع آ)

U -11223