رکشا منتری جناب راج ناتھ سنگھ نے ہندوستانی دفاعی صنعت کو نئی بلندیوں کو چھونے کے لیے نئی سرمایہ کاری کرنے اور  تحقیق اور ترقی پر زیادہ زور دینے کی تلقین کی۔ وہ 30 ستمبر 2022 کو نئی دہلی میں منعقدہ پی ایچ ڈی چیمبر آف کامرس اینڈ انڈسٹری (پی ایچ ڈی – سی سی آئی) کے 117ویں سالانہ اجلاس سے خطاب کررہے تھے۔ انھوں نے کہا ’’نئی سرمایہ کاری کیجئے ،تحقیق اور ترقی پر زیادہ زور دیجئے اور ہندوستانی دفاعی صنعت کو نئی بلندیوں پر لے جانے کے لئے اس کے پورے امکانات کو بروئے کار لایئے ۔ آپ کی یہ کوشش نہ صرف دفاعی صنعت بلکہ پورے ملک کی مجموعی ترقی کے لیے بہت اہم ہو گی‘‘۔

رکشا منتری نے مزید کہا کہ ہندوستانی دفاعی شعبہ بے پناہ امکانات  پیش کرتا ہے اور بیرون ملک سے بھی کمپنیاں مواقع دیکھتی ہیں۔ پی ایچ ڈی – سی سی آئی  سب سے قدیم صنعتی انجمنوں میں سے ایک ہے جس میں بہت سے قومی اور بین الاقوامی ممبران ہندوستانی دفاعی صنعت کے سفیر کے طور پر کام کر سکتے ہیں۔ انھوں نے کہا ’’آپ کی جڑیں ملک و بیرون ملک دور دور تک پھیلی ہوئی ہیں۔ آپ تمام ملکی اور غیر ملکی کمپنیوں کے ساتھ بات چیت کرکے، انہیں ہندوستانی دفاعی صنعت سے جوڑ کر اور ان دونوں کے درمیان ایک پل کا کام  کر کے اپنا کردار ادا کر سکتے ہیں‘‘۔

’میک اِن انڈیا: انڈیا کی ڈیفنس انڈیجنائزیشن کی کامیابی کی کہانی‘کے موضوع پر ایک کلی طور پر وقف سیشن کے لیے پی ایچ ڈی-سی سی آئی کی تعریف کرتے ہوئے رکشا منتری نے کہا کہ اس کا قومی سلامتی اور ملک کی اقتصادی ترقی سے یکساں تعلق ہے۔ قومی سلامتی کسی قوم کی ترقی میں سب سے اہم جز ہے۔ ملک  کی سماجی، معاشی اور ثقافتی ترقی سلامتی کے بغیر ممکن نہیں ہے۔ بھارت نے ماضی میں قومی سلامتی کو نظر انداز کرنے کی قیمت ادا کی ہے۔ انہوں نےاس بات پر  افسوس کا اظہار کیا آزادی کے بعد بھی دفاعی شعبے کو مضبوط اور خود کفیل  بنانے پر خاطر خواہ توجہ نہیں دی گئی ۔

اپنی امید کا اظہار کرتے ہوئے رکشا منتری نے کہا کہ ہندوستانی دفاعی صنعت نجی شعبے کے ساتھ شراکت داری میں مسلسل  ترقی کر رہی ہے۔” ماضی میں نجی شعبے کے لیے دفاعی شعبے میں داخل ہونے کا کوئی راستہ نہیں تھا، اور یہاں تک کہ اگر کچھ گنجائش تھی، تو صنعت۔ مختلف وجوہات کی بنا پر دفاعی شعبے میں قدم رکھنے  کے لیے تیار نہیں تھا‘‘۔ یہ وجوہات سیاسی ارادے کی کمی، ان کے داخلے کی ترغیب دینے کے لیے مناسب پالیسی، زیادہ سرمایہ کاری اور ان کو پایہ تکمیل تک پہنچانے کی  طویل مدت تھی۔

رکشا منتری نے نشاندہی کی  کہ حکومت نے ان رکاوٹوں کو دور کیا ہے اور نجی صنعت کے معاملے میں انکیوبیٹر، کیٹالسٹ، صارف اور سہولت کار کا کردار ادا کیا ہے۔ پرانی روایات کو بدلنے اور مینوفیکچرنگ ماحول پیدا کرنے کے لیے حکومت کے 'میک ان انڈیا' اور 'خود کفیل  ہندوستان' کے اقدامات کے تحت وزارت دفاع نے کئی اقدامات کیے ہیں، جس  میں سرکاری اور نجی شعبے حصہ لے سکتے ہیں۔

دفاعی شعبے میں نجی شعبے کی شراکت کو تقویت دینے کے لیے وزارت دفاع   کے ذریعے کی گئی دور رس اصلاحات کی وضاحت کرتے ہوئے، رکشا منتری نے کہا کہ سرکاری لیبز کو نجی صنعت کے لیے کھولا گیا، صفر فیس پر ٹیکنالوجی کی منتقلی کی گئی، ٹیسٹ کی سہولیات تک رسائی فراہم کی گئی، اور ڈی آر ڈی او کے ذریعے پیشگی  فنڈنگ کا انتظام کیا گیا۔

وزارت دفاع نے 309 اشیاء کی 3 مثبت مقامی فہرستیں جاری کی ہیں جودیسی وینڈرز  سے معمول کے مطابق خریدی جائیں گی۔ ڈیفنس پبلک سیکٹر انڈرٹیکنگز (ڈی پی ایس یو) کی طرف سے بھی تین فہرستیں جاری کی گئی ہیں، جن میں 3700 سے زیادہ لائن ریپلیسمنٹ یونٹس، سب سسٹمز اور دیگر اجزاء شامل ہیں۔ اس کے علاوہ، اختراع کاروں اور اسٹارٹ اپس کی حوصلہ افزائی کے لیے ایک  آئی ڈی ای ایکس اقدام شروع کیا گیا ہے۔ خودکار راستے سے ایف ڈی آئی کی حد کو 74 فیصد تک بڑھانے کے لئے اور خصوصی معاملات میں حکومتی راستے سے 100 فیصد کرنے کےلئے  فیصلہ  کن پالیسی  بنائی گئی ۔رکشا منتری نے کہا کہ حکومت نے دفاعی صنعتی راہداریوں کو متعارف کرانے جیسے کئی اقدامات کیے ہیں۔اتر پردیش اور تمل ناڈو میں دو صنعتی راہداری قائم کی گئی ہے، او ایف بی کی کارپوریٹائزیشن عمل  میں لائی گئی ،جو مسلح افواج، صنعت، اسٹارٹ اپس اور اختراع کاروں کے لیےبہر صورت جیت کی صورتحال پیدا کرتی ہے۔

انہوں نے مزید کہا: ’’ان تمام کوششوں کی شدت ہمارے سامنے آنے لگی ہے۔ آج ہم نہ صرف اپنی دفاعی ضروریات کو پورا کرنے کے لیے پیداوار کر رہے ہیں بلکہ 'میک فار دی ورلڈ' کے تحت کئی دوسرے ممالک کی دفاعی ضروریات بھی پوری کر رہے ہیں۔ یہ بڑی خوشی کی بات ہے کہ دفاعی برآمدات ہمارے پاس پہلے سے کئی گنا بڑھ گئی ہیں اور پچھلے سال 13,000 کروڑ روپے تک پہنچ گئی ہیں۔ ہم اب تک دنیا کے سب سے بڑے اسلحہ درآمد کنندگان میں شمار ہوتے تھے۔ لیکن آج ہم دنیا کے سر فہرست  25 اسلحہ برآمد کرنے والے ممالک میں سے ایک ہیں۔ ہم نے دفاعی مینوفیکچرنگ میں 1.75 لاکھ کروڑ روپے کے کاروبار کا ہدف رکھا ہے، جس میں  2025 تک ایرو اسپیس میں برآمدات سے 35,000 کروڑ روپے اور دفاعی سامان اور خدمات شامل ہیں۔‘‘

پی ایچ ڈی – سی سی آئی  ملک کے قدیم ترین چیمبروں میں سے ایک ہے۔ 1905 میں اپنے قیام کے بعد سے، یہ نیشنل ایپکس چیمبر کے تحت نچلی سطح پر اور مضبوط قومی اور بین الاقوامی روابط کے ساتھ سرگرم عمل رہا ہے۔ چیمبر صنعت، تجارت اور انٹرپرینیورشپ کے فروغ میں ایک محرک  کے طور پر کام کرتا ہے۔ پی ایچ ڈی چیمبر، اپنی تحقیق پر مبنی پالیسی کی وکالت کے کردار کے ذریعے، قوم کی اقتصادی نمو اور ترقی پر مثبت اثر ڈالتا ہے۔

*****

U.No: 11140

ش ح۔اک۔س ا

(Release ID: 1865764) Visitor Counter : 93