بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے توتیکورن، تمل ناڈو میں 231.21 کروڑ روپے کے پروجیکٹوں کی نقاب کشائی کی۔ وزیر نے  100 کروڑروپے کی لاگت  کے ساتھ بندرگاہ پر مبنی صنعتوں کی ترقی کے لیے توتیکورن اسپیڈز (کوسٹل ایمپلائمنٹ یونٹ) ایسی اراضی جو 1300 ایکڑ میں پھیلی ہوئی ہےکا سنگ بنیاد رکھا۔ کل  65.53 کروڑروپے  کی لاگت کا  اندرونی ہاربر کے ترقیاتی کاموں (پورٹ کے داخلی راستے کو چوڑا کرنا اور چوڑے حصے کی کھدائی) کا سنگ بنیاد رکھا۔ 16 کروڑ روپے کی لاگت سے اپ گریڈ شدہ کول یارڈ روڈ اور ڈرینیج سسٹم کا افتتاح کیا، آئل جیٹی پر18.79 کروڑ روپے کی کل لاگت سے فائر فائٹنگ سسٹم فکس کیااور1.15 کروڑروپے کی لاگت سے  22 کے وی ایچ ٹی الیکٹریکل نیٹ ورک کو مضبوط کیا ۔

جناب  سونووال نے 2.29 کروڑ روپے کی لاگت سے ہندوستان کے پہلے مقامی طور پر تیار کردہ ویسل ٹریفک سسٹم اسمارٹ پورٹ پروجیکٹوں کا افتتاح کیا۔ دیسی نظام کی ترقی سے ملکیتی اور مہنگے غیر ملکی  تیار شدہ سافٹ ویئر حل  پر انحصار کرنے کی ضرورت ختم ہو جائے گی۔ انہوں نے 1.15 کروڑ روپے کی لاگت سے آپٹک فائبر کنیکٹیویٹی کا بھی افتتاح کیا۔

نیٹ زیرو اقدامات کی طرف وزیر اعظم کی طرف سے دی گئی کال کے مطابق، وزیر نے کئی گرین پورٹ پروجیکٹوں کا بھی افتتاح کیا جیسے ایل ای ڈی لائٹس میں 100فیصد تبدیلی، ای کاروں کی شمولیت، 140 کلو واٹ سولر روف ٹاپ سولر پاور پلانٹ اور  2 میگاواٹ ونڈ فارم، 400 کلو واٹ سولر روف ٹاپ سولر پاور پلانٹ، 26.93 کروڑ روپے کی کل لاگت سے پبلک ای وی چارجنگ اسٹیشنز کا  سنگ بنیاد رکھا ۔

جناب سونووال نے 46.51 کروڑروپے کی کل لاگت سے  تجارت میں آسانی ،  کنٹینر سکینر کے ذریعے ڈرائیو اور 140 ایم ٹی  الیکٹرانک ان -موشن وے برج پروجیکٹوں  کا بھی افتتاح کیا۔

فلاحی محاذ پر، وزیر نے میڈیکل آکسیجن جنریٹر پلانٹ کا افتتاح کیا، اور انٹیگریٹیو میڈیسن اینڈ آیوش یونٹ اور 1.78 کروڑ روپے کی کل لاگت سے  وی او سی میری ٹائم ہیریٹیج میوزیم کا سنگ بنیاد رکھا۔

اجتماع سے خطاب کرتے ہوئے جناب سونووال نے کہا کہ حکومت لاجسٹک اخراجات کو کم کرنے کے لیے تمام کوششیں کر رہی ہے جس سے ہندوستان کو 2025 تک 5 ٹریلین ڈالر کی معیشت بننے کے اپنے طے شدہ ہدف کو حاصل کرنے میں مدد ملے گی۔انھوں نے کہا کہ وی او سی پورٹ کے ذریعہ کئے گئے گرین پورٹ سے متعلق ہماگیر  اقدامات تمام اہم بندرگاہوں پر معیارات قائم کریں گےتاکہ 2030 تک قابل تجدید توانائی کا حصہ 60 فیصد سے زیادہ بڑھایا جاسکے۔

جناب سونووال نے اس بات کی تصدیق کی کہ وزیر اعظم جناب نریندر مودی نے اعلان کے مطابق حکومت وی او سی  پورٹ کو بیرونی ہاربر پروجیکٹ کو ترقی دے کر ہندوستان کے مشرقی ساحل کے نقل و حمل کے مرکز کے طور پر تبدیل کرنے کی تمام کوششیں کرے گی ۔

وزیر نے بندرگاہ کی کارکردگی اور اس کے مستقبل کے توسیعی پروگراموں کا جائزہ لیا۔ جناب ٹی کے رام چندرن، چیئرمین، نے بندرگاہ کے مختلف جاری اور مستقبل کی صلاحیت میں اضافے کے اقدامات اور بندرگاہ کی پیداواری صلاحیت کو بڑھانے کے لیے دیگر تجاویز سے آگاہ کیا۔ جناب سونووال نے بندرگاہ کی سہولیات کا معائنہ کیا اور انفراسٹرکچر اور آنے والے پروجیکٹوں کا جائزہ لیا۔ انہوں نے پورٹ اور شپنگ برادری کے مختلف اسٹیک ہولڈرز سے بات چیت کی۔

*****

 

U.No: 11132

ش ح۔اک۔س ا

(Release ID: 1865745)