‘پریٹن پرو- 2022’ کا آغاز آج ممبئی میں ہوا، مرکزی وزیر مملکت برائے سیاحت اور بندرگاہیں، جہاز رانی اور آبی گزرگاہ  شری پد یسو نائک نے آج ممبئی کے چھترپتی شیواجی مہاراج واستو سنگرھالیہ میں تین روزہ ٹورازم فیسٹیول کا افتتاح کیا۔ اس موقع پر سیاحت، ہنرمندی کی ترقی اور انٹرپرینیورشپ، خواتین اور بچوں کی ترقی کے مہاراشٹر حکومت کے وزیر  منگل پربھات لودھا بھی موجود تھے۔

آزادی کا امرت مہوتسو کے مخصوص ہفتہ جشن کے ایک حصے کے طور پر، سیاحت کی وزارت 30 ستمبر سے 2 اکتوبر 2022 تک ممبئی میں ‘پریٹن پرو – 2022’ (سیاحتی میلہ) کا انعقاد کر رہی ہے۔

اس موقع پر خطاب کرتے ہوئے مرکزی وزیر شری پد نائک نے کہا کہ وزارت سیاحت ہندوستان کو ایک اہم سیاحتی مقام بنانے کی سمت  میں کام کر رہی ہے۔ وزیر موصوف  نے مزید  کہا کہ ہندوستان کو ایک شاندار قدیم ورثہ اور ثقافت سے نوازا گیا ہے اور ہندوستان کے سیاحتی مقامات عالمی امن اور خوشحالی کو فروغ دیتے ہیں۔

وزیر  مملکت برائے سیاحت نے تمام ریاستوں پر زور دیا کہ وہ ملک میں فلمی سیاحت پر توجہ مرکوز کریں اور آنے والے جی 20 پریزیڈنسی جو ملک میں منعقد ہونے والی ہے۔ انہوں نے شہریوں سے ملک کے سیاحتی مقامات کی سیر کرنے کی بھی اپیل کی۔ انہوں نے کہا کہ ملک میں سیاحت کی ترقی ایک نئی رفتار سے ہو رہی ہے۔ انہوں نے سیاحت پر حال ہی میں منعقدہ قومی کانفرنس کا ذکر کیا جہاں تخلیقی، پائیدار اور ذمہ دارانہ سیاحت کے ساتھ جامع ترقی پر بات چیت ہوئی۔ وزیر موصوف نے بتایا کہ سیاحت کی وزارت نے ملک میں سیاحت سے متعلق بنیادی ڈھانچے کی ترقی کے لیے 7000 کروڑ روپے کی منظوری دی ہے۔ انہوں نے یہ بھی کہا کہ مرکزی حکومت دیہی علاقوں میں سیاحت کو فروغ دینے کے لیے کوشاں ہے۔ سیاحت کے شعبے کی ترقی کے لیے ایک جامع نقطہ نظر اپنایا جا رہا ہے، تمام اسٹیک ہولڈر وزارتیں اس شعبے کی ترقی کے لیے مل کر کام کر رہی ہیں۔

ریاست مہاراشٹر میں سیاحت کی ترقی کے بارے میں بات کرتے ہوئے، وزیر مملکت برائے سیاحت نے کہا کہ مرکزی حکومت نے مہاراشٹر میں سودیش درشن یوجنا کے تحت کوسٹل سرکٹ اور روحانی سرکٹ کے لیے 66 کروڑ روپے کی منظوری دی ہے۔ مزید برآں، ناسک میں ترمبکیشور اور نیورتی ناتھ مہاراج سمادھی کی ترقی کے لیے 53 کروڑ روپے مختص کیے گئے ہیں۔ اس کے علاوہ ممبئی پورٹ ٹرسٹ کو کنہوجی انگرے لائٹ ہاؤس کی ترقی کے لیے 15 کروڑ روپے دیے گئے ہیں۔ وزیر موصوف نے کہا کہ ممبئی کے بین الاقوامی کروز ٹرمینل میں سیاحت سے متعلق ترقی کے لیے بھی 50 کروڑ روپے مختص کیے گئے ہیں۔

حکومت مہاراشٹر کے وزیر منگل پربھات لودھا نے کہا کہ ‘پریٹن پرو’ ایک شاندار فورم ہے جو ہر گزرتے سال کے ساتھ زیادہ سے زیادہ مقبولیت حاصل کرے گا اور اس میں زیادہ سے زیادہ لوگ شرکت کریں گے۔ انہوں نے مہاراشٹر میں سیاحت کے فروغ میں تمام اسٹیک ہولڈرز کو شامل ہونے کی دعوت دی۔

وزارت سیاحت کے اقتصادی مشیر، اور ممبئی پورٹ ٹرسٹ کے چیئرمین، گیان بھوشن  بھی اس موقع پر شامل معززنین میں موجود تھے۔

پریٹن پرو - 2022 کے بارے میں

‘پریٹن پرو’ ایک پہل ہے جو عزت مآب وزیر اعظم کے وژن پر مبنی ہے جس کا مقصد گھریلو سیاحت کو فروغ دینا ہے۔ اور تیسرے یوم آزادی پر لال قلعہ کی فصیل سے قوم سے اپنے خطاب کے دوران، عزت مآب وزیر اعظم جناب نریندر مودی نے تمام ہندوستانیوں سے 2022 تک ہندوستان بھر میں کم از کم 15 سیاحتی مقامات کا دورہ کرنے کی اپیل کی تھی۔

ممبئی میں پریٹن پرو کا انعقاد ریاستوں کی متنوع ثقافت، فن، دستکاری اور کھانوں کی نمائش کے لیے کیا جا رہا ہے اور مغربی اور وسطی علاقے سے ایک مرکز کے زیر انتظام خطہ جیسے مہاراشٹر، گجرات، گوا، مدھیہ پردیش، چھتیس گڑھ اور  مرکز کے زیر انتظام خطہ دادراور نگر حویلی اور دمن اور دیو۔ اس سے ممبئی والوں کے درمیان خطے کے ورثے اور ثقافت کی بہتر تفہیم بھی آئے گی۔ اس تقریب کا مقصد مختلف سیاحتی مصنوعات، کھانوں، ورثے اور ہندوستان کی ثقافت کے بارے میں بیداری پیدا کرنا ہے۔ دیگر مرکزی وزارتیں جیسے اطلاعات و نشریات کی وزارت (سنٹرل بیورو آف کمیونیکیشن)، دفاع، آیوش، ٹیکسٹائل (ترقیاتی کمشنر دستکاری وغیرہ) بھی اس تقریب میں حصہ لے رہے ہیں۔

پریٹن پرو گھریلو سیاحوں پر توجہ مرکوز کرے گا خاص طور پر نوجوانوں کو بیدار کرنے کے لیے۔ اسکولوں اور کالجوں کے یووا ٹورازم کلب کے اراکین کو اس سال پریٹن پرو میں شرکت کے لیے مدعو کیا گیا ہے۔

30 ستمبر سے 2 اکتوبر 2022 تک ممبئی کے چھترپتی شیواجی مہاراج واستو سنگرھالیہ میں ہونے والے پروگرام کی جھلکیاں حسب ذیل ہیں:

• مغربی اور وسطی علاقے کے 8 ریاستی سیاحتی محکموں کے سیاحتی پویلین اور ممبئی میں موجود دیگر ریاستی سیاحت کے دفاتر۔
• سنٹرل بیورو آف کمیونیکیشن، وزارت اطلاعات و نشریات، حکومت ہند کی طرف سے آزادی کا امرت مہوتسو پر ہندوستان کی آزادی کے 75 سال کے موقع پر ملٹی میڈیا نمائش
• کچن اسٹوڈیو - انسٹی ٹیوٹ آف ہوٹل مینجمنٹ، ممبئی کے ذریعہ ‘پچھیم - مدھیہ ملاپ’ تھیم کے تحت خطے کے کھانوں کی نمائش
• دستکاری بازار جس میں 5 ریاستوں کے دستکاروں کے دستکاری کے 15 اسٹال اور مغربی اور وسطی علاقے کے ایک مرکزی زیر انتظام علاقے کو ڈیولپمنٹ کمشنر، دستکاری، وزارت ٹیکسٹائل کی طرف سے مدعو کیا گیا ہے۔
• مرکزی اسٹیج پر ثقافتی پرفارمنس جس میں ہندوستان بھر سے لوک فن کی نمائش ہوتی ہے۔
• آیوش کی وزارت نے آیوروید @2047 تھیم پر اسٹال لگایا۔
• اگنی پتھ اسکیم کی تشہیر کرتے ہوئے بھارتی فضائیہ کے بھرتی دفتر، ممبئی کا اسٹال۔
• چھترپتی شیواجی مہاراج واستو سنگھرالیہ میں اور آس پاس کے پرکشش مقامات کا احاطہ کرنے والے علاقائی سطح کے ٹورسٹ گائیڈز کے ذریعے مفت گائیڈڈ واکنگ ٹور۔
• اسکول کے بچوں کے لیے آرٹ اور مقابلوں پر ورکشاپ
• زائرین کو مصروف رکھنے کے لیے دیگر انٹرایکٹو سرگرمیاں۔
• یہ تقریب عام لوگوں کے لیے صبح 10  بجےسے شام 7بجے تک 3 دن کے لیے کھلی رہےگی اور اس میں داخلہ مفت ہے۔

*************

 

ش ح۔  س ب ۔ رض

U. No.11130

(Release ID: 1865740) Visitor Counter : 130