محنت اور روزگار کے وزیر مملکت جناب رامیسور تیلی نے آج راجیہ سبھا میں ایک تحریری جواب میں بتایاکہ حکومت کو مناسب فلاحی اسکیمیں تشکیل دے کر غیر منظم شعبے کے کارکنوں کو سماجی تحفظ فراہم کرنے کا حکم دیا گیا ہے (i) زندگی اور معذوری کے احاطہ، (ii) صحت اور زچگی کے فوائد، (iii) بڑھاپے کے تحفظ اور (iv) کسی دوسرے فوائد سے متعلق معاملات پر جیسا کہ مرکزی حکومت کے ذریعہ طے کیا جاسکتا ہے ۔

زندگی اور معذوری کا احاطہ پردھان منتری جیون جیوتی بیمہ یوجنا (پی ایم جےجے بی وائی) اور پردھان منتری سرکشا بیمہ یوجنا (پی ایم ایس بی وائی) کے ذریعے فراہم کیا جاتا ہے۔ پی ایم جےجے بی وائی 18 سے 50 سال کی عمر کے لوگوں کے لیے دستیاب ہے جن کے پاس بینک/پوسٹ آفس اکاؤنٹ ہے جو آٹو ڈیبٹ میں شامل ہونے/ فعال کرنے کے لیے اپنی رضامندی دیتے ہیں۔ اس اسکیم کے تحت کسی بھی  وجہ سے بیمہ شدہ شخص کی موت  کی صورت میں  رسک کوریج  دو لاکھ روپے ہے۔ 436 روپے کے سالانہ پریمیئم کے حساب سے  جو سبسکرائبر کے بینک/پوسٹ آفس اکاؤنٹ سے خود بخود ڈیبٹ کیا جانا ہے۔ 29جون 2022 تک، ریاست اتر پردیش سمیت کل 13.10 کروڑ مستفیدین کا پی ایم جے جے بی وائی کے تحت اندراج کیا گیا ہے۔ پردھان منتری سرکشا  بیما یوجنا (پی ایم ایس بی وائی  18 سے 70 سال کی عمر کے لوگوں کے لیے بھی دستیاب ہے جن کے پاس بینک/پوسٹ آفس اکاؤنٹ ہے جو آٹو ڈیبٹ میں شامل ہونے/ فعال کرنے کے لیے اپنی رضامندی دیتے ہیں۔ اسکیم کے تحت رسک کوریج حادثاتی موت یا مکمل مستقل معذوری کی صورت میں 2.00 لاکھ روپے اور جزوی مستقل معذوری کے لیے 1.00 لاکھ روپے ہے، حادثے کی وجہ سے 20  روپےسالانہ پریمیم پر جو اکاؤنٹ ہولڈر کے بینک/پوسٹ آفس اکاؤنٹ سے 'آٹو ڈیبٹ' کے ذریعے کاٹا جانا ہے۔ 29 جون 2022 تک، ریاست اتر پردیش سمیت کل 29.01 کروڑ مستفیدین کا پی ایم ایس بی وائی کے تحت اندراج کیا گیا ہے۔

آیوشمان بھارت- پردھان منتری جن آروگیہ یوجنا(اےبی-پی ایم جے اے وائی) 27 خصوصیات میں 1949 علاج کےطریقوں کےمطابق  ثانوی اور ترتیری نگہداشت کے ہسپتال میں داخل ہونے کے لیے فی اہل خاندان 5 لاکھ روپے کا سالانہ ہیلتھ کور فراہم کرتی ہے۔ یہ مکمل طور پر کیش لیس اور پیپر لیس اسکیم ہے۔ اےبی-پی ایم جے اے وائی کے تحت فائدہ اٹھانے والے خاندانوں کی شناخت 2011 کی سماجی اقتصادی ذات کی مردم شماری (ایس ای سی سی) سے دیہی اور شہری علاقوں میں 6 محرومیوں اور 11 پیشہ ورانہ معیارات کی بنیاد پر کی گئی ہے۔12 جولائی 2022 تک، ریاست اتر پردیش سمیت کل 18.47 کروڑ افراد کی تصدیق کی گئی ہے اور انہیں آیوشمان کارڈ فراہم کیے گئے ہیں۔

بڑھاپےمیں  تحفظ فراہم کرنے کے لیے، حکومت ہند نے 2019 میں پردھان منتری شرم یوگی مان دھن (پی ایم-ایس وائی ایم) پنشن اسکیم شروع کی۔ یہ  60 سال کی عمر کو پہنچنے کے بعد تین ہزار  روپے ماہانہ پنشن فراہم کرتی ہے ۔ 18-40 سال کی عمر کے کارکن جن کی ماہانہ آمدنی 15 ہزار روپے ہےیا اس سے کم ہے اورجو ای  پی ایف او/ای ایس آئی سی/ این پی ایس (گورنمنٹ فنڈڈ) کے ممبر نہیں ہیں، پی ایم-ایس وائی ایم ، اس اسکیم میں شامل ہو سکتےہیں۔ اس اسکیم کے تحت 50فی صد ماہانہ شراکت مستفید کنندہ کے ذریعہ قابل ادائیگی ہے اور مرکزی حکومت کے ذریعہ مساوی مماثل تعاون   ادا کیا جاتا ہے۔اس اسکیم کے تحت، حکومت کے تعاون کے لئے فنڈز ایل آئی سی کو فنڈ مینیجر کے طور پر فراہم کیے جاتے ہیں۔22 جولائی 2022  تک، ریاست اتر پردیش سمیت کل 48.56 لاکھ سے زیادہ کارکنان اس اسکیم کے تحت درج کیے گئے ہیں۔

ان اسکیموں کے علاوہ اٹل پنشن یوجنا، نیشنل فوڈ سیکورٹی ایکٹ کے تحت  عوامی نظام تقسیم ، مہاتما گاندھی قومی دیہی روز گارنٹی ایکٹ،  دین دیال اپادھیائے  گرامین کوشل یوجنا، پردھان منتری آواس یوجنا،   قومی سماجی امداد پروگرام، غریب کلیان  روزگار یوجنا،  مہاتما گاندھی بنکر یوجنا،دین دیال اپادھیائے انتودیا یوجنا،  پی ایم ایس  وی اےندھی  ، پردھان منتری کوشل وکاس یوجنا،  بھی غیر منظم کارکنان کے لئے    ان کے اہلیت کےمعیار  کی بنیاد پر دستیاب ہیں۔

حکومت نے اگست 2021 میں ای-شرم پورٹل شروع کیا ہے جس کا مقصد غیر منظم کارکنوں کا قومی ڈیٹا بیس بنانا ہے اور غیر منظم کارکنوں کو سماجی تحفظ کی اسکیموں/فلاحی اسکیموں کی فراہمی میں سہولت فراہم کرنا ہے۔25 جولائی 2022 تک، ای-شرم پورٹل پر 28 کروڑ سے زیادہ غیر منظم کارکنوں کو رجسٹر کیا گیا ہے۔

.*****

ش ح۔ ا ک۔ ج

UNO-11103

(Release ID: 1865551) Visitor Counter : 119