نائب صدر جمہوریہ، جناب جگدیپ دھنکھر اور ڈاکٹر سدیش دھنکھر نے آج نئی دہلی کے لال قلعہ میدان میں شری دھارمک لیلا کمیٹی کے زیر اہتمام دسہرہ کی تقریبات میں شرکت کی۔

اس موقع پر خطاب کرتے ہوئے جناب دھنکھر نے کہا کہ نائب صدر جمہوریہ ہند کا عہدہ سنبھالنے کے بعد دہلی میں یہ ان کا پہلا عوامی پروگرام تھا اور وہ ہر ایک کی طرف سے دکھائے جانے والے پیار اور محبت کے جذبے سے مغلوب ہوئے۔

انھوں نے مزید کہا کہ رام راج کے مفہوم کے مطابق آج شیطانی اور تباہ کن طاقتیں ہار رہی ہیں اور ان پر اچھائی غالب آ رہی ہے۔

 

माननीय उपराष्ट्रपति, श्री जगदीप धनखड़ एवं डॉ. सुदेश धनखड़ आज दिल्ली में लाल किले के मैदान में आयोजित दशहरा उत्सव में शामिल हुए। इस अवसर पर माननीय पूर्व राष्ट्रपति, श्री राम नाथ कोविंद जी, दिल्ली के माननीय उप-राज्यपाल, श्री वी के सक्सेना जी एवं अन्य गणमान्य अतिथि भी उपस्थित रहे। pic.twitter.com/BFS7gBHURs

— Vice President of India (@VPSecretariat) October 5, 2022

نائب صدر کو رام لیلا کے منتظمین کی طرف سے گدا پیش کیا گیا اور انھوں نے امن کی علامت سفید کبوتر بھی چھوڑے۔ اس کے بعد، انھوں نے کمان پکڑی اور علامتی طور پر اس موقع پر راون دہن (پتلا جلانے) کے نشان پر تیر چلایا۔

جناب دھنکھر نے شری دھارمک لیلا کمیٹی کو 100 شاندار سال مکمل کرنے پر مبارکباد دی اور ان کی مستقبل کی کوششوں کے لیے نیک خواہشات کا اظہار کیا۔ تقریب کے دوران انھوں نے کمیٹی کی طرف سے شائع کردہ رام لیلا سووینئر بھی جاری کیا۔

جناب رام ناتھ کووند، سابق صدر، جناب وی کے سکسینا، دہلی کے لیفٹیننٹ گورنر، ڈاکٹر ہرش وردھن، ممبر پارلیمنٹ اور دیگر معززین بھی موجود تھے۔

**************

ش ح۔ ف ش ع-م ف

U: 11083

(Release ID: 1865467) Visitor Counter : 130