مائکرو ، اسمال اور میڈیم انٹر پرائزز  کے مرکزی وزیر جناب نارائن رانے نے  آج ممبئی میں   کھادی فیسٹ  -2022 نمائش کا افتتاح کیا۔ کھادی فیسٹ  -2022 کھادی اور ولیج انڈسٹریز کمیشن   کے ذریعہ  گاندھی جینتی کے موقع  پر  منعقد کیا گیا اور یکم نومبر  2022تک دستیاب رہے گا۔

کھادی  اور ولیج انڈسٹریز  کمیشن   بابائے قوم مہاتما گاندھی  کی سالگر ہ منانے کے لئے  ہرسال کھادی فیسٹ کا انعقاد کرتا رہا ہے۔البتہ اس بار  نمائش کا انعقا د دو سال کے بعد کیا گیاہے۔

نمائش کے افتتاح کے بعد  ایم ایس ایم ای کے وزیر جناب نارائن رانے نے   کہا کہ کے  وی آئی سی  کے ذریعہ منعقدہ اس  طرح کی نمائشیں   ، کھادی اور گاؤں کی صنعتو ں  کے فروخت کنندگان کو   منڈیوں تک رسائی کی  سہولت  بہم  پہنچاتی ہیں۔انہوں نے کہا‘‘ یہ اسی  طرح  کے اقدامات کا نتیجہ ہے کہ سال  22-2021 میں   کے وی آئی سی نے  257.02 کروڑروپے سے زیادہ   کی ریکارڈ برآمدات  درج  کی ہے ۔

جناب رانے نے کہا ‘‘ جدوجہدآزادی کے دوران مہاتما گاندھی نے وردھا سے بھارت چھوڑو تحریک  شروع  کی تھی اور ملک کو اور سماج کو  خودکفیل بنانے کی غرض سے ایک مہم کا آغاز کیا تھا۔’’  انہوں نے مزید کہا کہ ہمارے وزیر اعظم نے بھی  ایک آتم نربھر  بھارت  بنانے کے لئے مختلف اقدامات کئے ہیں۔ ہم سب کو ان کے اس  اقدام کی حمایت کرنی چاہئے۔

وزیراعظم  جناب نریندرمودی   کے ‘ کھادی سے روزگار ’ کے منتر کا اعادہ کرتے ہوئے  ایم ایس ایم ای وزیر  نے شہریو ں  سے اپیل کی کہ  وہ ممبئی میں منعقدہ کھادی کی نمائش کا دورہ کریں   اور خوب خریداری کریں ۔ انہوں نے کہا ‘‘ ممبئی  ،اقتصادی سرگرمی کا مرکز ہے۔ اگر ممبئی کے لوگ کھادی کو فروغ دیں تو  کھادی کو ایک عالمی برانڈ کے طورپر قائم کیا جاسکتا ہے۔’’

اس موقع پر  کھادی اور  ولیج انڈسٹریز کمیشن کے چیئر مین   جناب منوج کمار گوئل  نے کہا  کہ کے وی آئی سی  ایک ایسی تنظیم ہے ، جو گاندھی جی کے ‘ انتودیہ’ (آخری شخص کی ترقی ) کے خواب کی تکمیل کے لئے  پُرعزم ہے ۔ انہوں نے کہا‘‘ وزیراعظم جناب نریندر مودی  ‘ہرہاتھ کو کام ’ پر زور دیتے ہیں ۔اپنی مختلف  اسکیموں   اور پروگراموں کے ذریعہ کے وی آئی سی نے  ملک میں  خود  روز گار کو فروغ دیا ہے۔

 

کے وی آئی سی کے چیئر مین نے  لوگوں سے مزید درخواست کی کہ وہ  تہوار کے موسم میں   ہمارے مقامی دستکاروں  کے ذریعہ   تیار کردہ  ہاتھ سے بنی ہوئی چیزوں کو خریدیں ۔

ایم ایس ایم ای کے وزیر  اور کے و ی آئی سی کے چیئرمین نے  مختلف اسٹالوں کا دورہ کیا اور فروخت کنندگان سے بات کی ۔ انہوں نے  ان کے مسائل کے بارے میں  معلومات حاصل کیں  اور مثبت  اقدامات  کی یقین دہانی کرائی ۔

کھادی  فیسٹ - 2022 نمائش میں  کھادی  اور ولیج انڈسٹریز کمیشن سے  وابستہ  ملک کے مختلف حصوں سے  وزیر اعظم کے روزگار تخلیق پروگرام کے یونٹس   اپنی مصنوعات  کی نمائش کررہے ہیں۔خشک میوے  ،  چائے ، کافی ، حسن وجمال کی جڑی بوٹی  اور آیورویدک مصنوعات ، کھادی سلک ،پشمینہ ، مدھوبنی فیبرک  ،  شہد کی مصنوعات   ،دستی کاغذ کی مصنوعات  ، گھرکی سجاوٹ کی مصنوعات ، بانس کی مصنوعات ، قالین، الوویرا کی مصنوعات ،چمڑے کی مصنوعات وغیرہ کے تقریباََ  70  اسٹال لگائے گئے ہیں۔

*************

ش ح۔اک۔ رم

(04-10-2022)

U-11020

 

(Release ID: 1865025) Visitor Counter : 178