حکومت ہند کے سوچھ بھارت مشن کے لیے مہم چلاتے ہوئے، قومی کان کن این ایم ڈی سی نے 27-29 ستمبر 2022 تک سانچی، مدھیہ پردیش میں سوچھتا تقریب کا انعقاد کیا۔

جاری آزادی کا امرت مہوتسو کے ایک حصے کے طور پر سوچھتا کے لیے متحد ہندوستان کا جشن مناتے ہوئے،  این ڈی ایم سی نے ہیریٹیج سائٹ سانچی اسٹوپا میں صفائی کی تحریک کی قیادت کی۔

  مدھیہ پردیش حکومت کے وزراء جناب تلسی سلاوت، آبی وسائل کے وزیر؛ ڈاکٹر پربھورام چودھری، صحت عامہ اور خاندانی بہبود کے وزیر جناب بھرت سنگھ کشواہ باغبانی اور فوڈ پروسیسنگ کے وزیر نے اپنی موجودگی کے ساتھ این ڈی ایم سی  کی سوچھتا مہم کی حمایت کی۔

سوچھتا کرمیوں، مقامی نمائندوں، ضلعی عہدیداروں اور این ڈی ایم سی کے ملازمین نے سوچھتا حلف لے کر صفائی کے لیے ہندوستان کی صفائی کے مہم کا عہد کیا اور سانچی اسٹوپا میں صفائی مہم کا آغاز کیا۔ این ڈی ایم سی  نے سٹوپا پر ایک آر او واٹر کولر کی تنصیب کا انتظام کیا اور سانچی کی نگر پریشد کو 50 گیلے اور خشک کوڑے دان فراہم کیے تاکہ اس سوچھ علاماتی مقام  کی صفائی مہم میں تعاون کیا جا سکے۔ حکومت مدھیہ پردیش کے نمائندوں نے سانچی کے سوچھتا کرمیوں میں 100 سوچھتا کٹس تقسیم کیں، جن میں جیکٹس، دستانے، ٹوپیاں اور جوٹ بیگ شامل تھے۔

ہندوستان کے لیے مہاتما گاندھی کے وژن کا احترام کرتے ہوئے، این ڈی ایم سی 2 سے 31 اکتوبر 2022 تک سوچھتا 2.0 مہم میں حصہ لے گا۔ کان کنی کے بڑے ادارے نے قومی صفائی کی تحریک کو منانے کے لیے بڑے پیمانے پر سوچھتا، شجرکاری اور بیداری مہم کا منصوبہ بنایا ہے۔

****

 

U.No: 10866

ش ح۔اک۔س ا

 

(Release ID: 1863655) Visitor Counter : 121