ہندوستانی ٹینس اسٹار ثانیہ مرزا کے ذہن میں اس بات کو لے کر کوئی بھی شک نہیں ہے کہ  قومی کھیلوں  نے ان کے بین الاقوامی کریئر میں بہت بڑا رول ادا کیا تھا۔

ثانیہ نے کہا، ’’جب میں نے 2002 کے کھیلوں میں شرکت کی تھی، تب میری عمر محض 16 سال تھی۔ میں نے اچھی کارکردگی کا مظاہرہ کیا اور سرخیوں میں آئی۔  یہ میرے بین الاقوامی کریئر  کے لیے بہترین محرک ثابت ہوا۔‘‘

اس ٹرینڈ سیٹر اور راہیں ہموار کرنے  والی حیدرآبادی کھلاڑی نے بعد میں اپنے شاندار کریئر میں چھ گرینڈ سلیم خطاب جیتے۔

لیکن اس سے پہلے، انہوں نے ہندوستان میں خوب ٹینس کھیلی، جس کی شروعات تقریباً دو دہائی پہلے ہوئی۔ ان میں دہلی میں جونیئر نیشنل سے لے کر نیشنل گیمس اور پھر اس کے بعد حیدر آباد میں ڈبلیو ٹی اے ٹورنامنٹس تک شامل ہیں۔

ان کا یہ سفر تقریباً ہر کھلاڑی کے لیے حوصلے کا باعث بنا جس میں گجرات کی انکیتا رینا بھی شامل ہیں۔

یہ سپر مام اس بات کو لے کر کافی پرجوش ہیں کہ قومی کھیلوں کا انعقاد اب گجرات میں ہو رہا ہے، وہ بھی سات سال کے وقفے کے بعد۔ انہوں نے کہا، ’’میں یہاں کے منتظمین کو تمام طرح کی کامیابیوں کے لیے دعائیں دیتی ہوں اور مقابلے میں حصہ لینے والوں کو ان کی آرزوؤں کے حصول کے لیے نیک خواہشات پیش کرتی ہوں۔‘‘

صرف ٹینس کھلاڑیوں کے لیے ہی نہیں، بلکہ مقابلے میں حصہ لینے والے تمام افراد کے لیے ان کے پاس ایک سادہ سا پیغام ہے۔

انہوں نے کہا، ’’یہ اپنے آپ کو پرکھنے اور، پھر،  بین الاقوامی اسٹیج پر اترنے کا  ایک دم صحیح پلیٹ فارم ہے۔‘‘

انہوں نے کہا کہ  قومی کھیل بڑے انوکھے ہیں۔ یہ اُن کھلاڑیوں کا فیوژن ہے جو تجربہ کار ہیں، جنہوں نے پہلے ہی بین الاقوامی سطح پر کئی چوٹیاں سر کی ہیں اور ساتھ ہی ساتھ ابھرتے ستاروں کا بھی۔ حال ہی میں یو ایس اوپن سے پہلے کلائی کے چوٹ سے گزر رہیں ثانیہ مرزا نے اعلان کیا، ’’قومی کھیلوں میں سرکردہ ایتھلیٹوں کی موجودگی ابھرتی صلاحیتوں کے لیے حوصلے کا ایک بڑا ذریعہ ہے۔‘‘

*****

ش ح – ق ت – ت ع

U: 10640

 

(Release ID: 1862107) Visitor Counter : 155