সেপ্তেম্বর ১৭, ২০২২দা চৎনবী স্তিম পাস্ত অমগা লোয়ন্না লৈবাক অনি অমনা অমবু বিদায় পীন্দুনা ভারত নেভিনা য়ুম্বু ওইবা ৬শুবা জপান-ইন্দিয়া মেরিতাইম বাইলেতরেল এক্সরসাইজ (জিমেজ ২০২২) বে ওফ বেঙ্গলদা লোইশিনখ্রে।

চয়োল অমা পাংথোকখিবা এক্সরসাইজ অদুদা জপান মেরিতাইম সেল্ফ দিফেন্স ফোর্স(জে এম এস দি এফ)কী জহাজশিং কমান্দার ইস্কোর্ত ফ্লোতিল্লা ফোর, আর. এদমিরেল হিরাতা তোসিয়ুকিনা লুচিংখি অমসুং ভারত নেভিগী জহাজশিং ফ্লেগ ওফিসার কমান্দিং ইস্তর্ন ফ্লিত, আর.এদমিরেল সঞ্জয় ভাল্লানা লুচিংখি।

জিমেক্স ২২দা নেভি অনিনা পুন্না পাংথোকমিন্নবা খ্বাইদগী লুবা এক্সরসাইজ খর উবা ফংখি। নাকল অনিনা অৱাংবা থাক্কী এন্তি-সবমেরিন লাল্লোং, নোংমৈ কাপ্পা অমসুং নোংথক ঙাকথোকপগী এক্সরসাইজশিং পাংথোকখি। এক্সরসাইজ অদুদা সিববোর্ন হেলিকোপ্তরশিং, ফাইত্তর এয়রক্রাফ অমসুং সবমেরিনশিংশু শরুক য়াখি। রেসিপ্রোকেল প্রোবিসন ফোর সপ্লাই এন্দ সর্বিসেস(আর বি এস এস)কী য়ানবা অমগী মখাদা ভারত অমসুং জপানগী জহাজশিং অৱাৎ-অপাশিং পীথোক-পীশিন তৌনখি।

এক্সরসাইজ অসি ২০১২দগী হৌদোকখিবদগী হন্দক পাংথোক্লিবা জিমেক্স অসি ১০শুবা থৌরম্নি অমসুং মসিদা নেভি অনিগী মরক্তা ৱাখল তামিন্নবা অমসুং পুন্না থবক তৌমিন্নবা য়াবগী খুদোংচাবা হেনগৎহল্লে।

*****