امور داخلہ اور تعاون کے مرکزی وزیر جناب امیت شاہ نے وزیر اعظم جناب نریندر مودی کی سالگرہ پر آج حیدرآباد میں منعقدہ ایک سروس پروگرام میں معذور افراد کو متعدد آلات اور سرکاری اسکولوں اور کمیونٹی ہوسٹلوں کو صفائی کی مشینیں پیش کیں۔

اپنی تقریر میں جناب امیت شاہ نے کہا کہ آج وزیر اعظم جناب نریندر مودی کی سالگرہ ہے جو قوم کے لئے عالمی سطح پر سرمایہ افتخار بنے ہیں۔ وزیر اعظم مودی اس بات پرزور دیتے ہیں کہ سماج کا ہر شخص کسی نہ کسی شعبے میں خدمات انجام دے تاکہ کروڑوں غریب، پسماندہ اور ضرورتمند افراد کی مدد ہوسکے اور ان کے حالات بہتر ہوں۔ وزیر داخلہ نے کہا کہ جناب مودی نے اپنی پوری زندگی ضرورت مندوں کی مدد کے لئے وقف کردی ہے۔ اقتدار سنبھالنے کے بعد انھوں نے 60 کروڑ غریب عوام کا معیار زندگی بلند کرنے کے لئے متعدد اسکیموں کا آغاز کیا۔ کروڑوں غریب لوگوں کو مکان ، بجلی ، پانی ، بیت الخلاء اور رسوئی گیس سلنڈروں کے لئے پانچ لاکھ روپے کا انشورنس  دیا جارہا ہے۔

امور داخلہ اور تعاون کے مرکزی وزیر نے کہا کہ وزیر اعظم جناب نریندر مودی نے پیدائشی طور پر کسی حادثے کا شکار ہو کر کسی بھی طرح کی معذوری کا شکار ہونے والوں کو باعزت نام دیا ہے۔ جناب مودی نے اس طرح کے لوگوں کو دویانگ کا نام دیا تاکہ وہ عزت ووقار کے ساتھ جی سکیں۔ پہلے لوگ معذور افراد کو ہمدردی کی نگاہ سے دیکھتے تھے لیکن اب انھیں احترام کی نظروں سے دیکھا جاتا ہے۔

جناب امیت شاہ نے کہا کہ جناب نریندر مودی نے معذور افراد کے لئے بہت سے کام کئے ہیں ۔ روپے کا ہر نوٹ بریل پر بھی پرنٹ کیا جاتا ہے تاکہ بینائی کے معذوری سے دوچار لوگ اس کی بہ آسانی شناخت کرسکیں اور ہندوستان وہ واحد ملک ہے جس کی کرنسی بریل اسکرپٹ میں بھی لکھی جاتی ہے۔ انھوں نے کہا کہ اس کے علاوہ سرکاری دفاتر میں معذور افراد کی لفٹ تک بہ آسانی رسائی کے لئے بھی اقدامات کئے گئے ہیں ، اور پبلک ٹرانسپورٹ میں بھی ان کے لئے خاص انتظامات ہیں۔

امور داخلہ اور تعاون کے مرکزی وزیر نے کہا کہ سماجی بہبود کی وزارت ، حکومت نے کروڑوں افراد کو ان کی زندگی کا آسان بنانے کے ذرائع فراہم کئے ہیں۔ انھوں نے کہا کہ بہت سے معذور افراد کو اس طرح کے ذرائع اور آلات فراہم کئے گئے ہیں کہ وہ معاشرے میں عزت ووقار کے ساتھ کھڑے ہوسکیں۔

****

U.No: 10381

ش ح۔رف۔س ا