حکومت ہند سستے، معیاری اور پائیدار عوامی اثاثوں اور خدمات کی فراہمی میں نجی شعبے کی سرمایہ کاری اور آپریشنل صلاحیتوں سے فائدہ اٹھانے کے لیے پبلک پرائیویٹ پارٹنرشپ (پی پی پی) کے ایک اہم کردار کا تصور کرتی ہے۔

حکومت ہند نے بنیادی ڈھانچے کی سہولیات کی بڑھتی ہوئی طلب کی روشنی میں، نجی شعبے کے سرمایہ کاروں کو شرکت کی ترغیب دینے، ان کے وسائل، ٹیکنالوجی اور انتظامی مہارتوں کا فائدہ اٹھانے کے لیے بنیادی ڈھانچے میں سرمایہ کاری کو بڑھانے اور عوامی اشیا اور خدمات کی فراہمی میں اعلیٰ سطح کی کارکردگی اور معیار کے ساتھ بہتری لانے کی حوصلہ افزائی کرنے کے لیے کئی مداخلتیں کی ہیں۔

نجی شعبے کی سرمایہ کاری کی حوصلہ افزائی کے لیے مداخلتوں کو جاری رکھتے ہوئے، انفراسٹرکچر فنانس سکریٹریٹ، ڈی ای اے نے برٹش ہائی کمیشن (بی ایچ سی) کے تعاون سے 14.9.2022 کو ایک ورکشاپ کا انعقاد کیا، جس کا مقصد کلیدی اسٹیک ہولڈروں (خاص طور پر پرائیویٹ پلیئرز) کو پی پی پی کے موجودہ منظر نامے، ان کے علاقوں/ دلچسپی کے شعبوں کے بارے میں اپنے خیالات کا اشتراک کرنے، اور موجودہ پی پی پی ماحولیاتی نظام کو مزید مضبوط بنانے کے لیے درکار مداخلتوں/ اقدامات کا مشورہ دینے کے لیے ایک پلیٹ فارم فراہم کرنا تھا۔ ورکشاپ میں صحت، تعلیم اور کھیل، پانی کی فراہمی اور میونسپل سالڈ ویسٹ مینجمنٹ، اربن ٹرانسپورٹ اور سڑکوں اور ہوائی اڈوں سے متعلق مخصوص سیشن شامل تھے۔

ورکشاپ کا افتتاح جناب اجے سیٹھ، سکریٹری، ڈی ای اے، وزارت خزانہ (ایم او ایف) نے بنیادی ڈھانچے کے مالیاتی سکریٹریٹ کے جوائنٹ سکریٹری (آئی ایس ڈی) جناب بی پروشارتھا کے خطبہ استقبالیہ کے ساتھ کیا۔ ڈاکٹر وی اننتھا ناگیشورن، چیف اکنامک ایڈوائزر، ایم او ایف، محترمہ سیلی ٹیلر، منسٹر کونسلر (ڈائریکٹر ڈیولپمنٹ، کلائمیٹ، سائنس اینڈ ٹیکنالوجی) اور محترمہ وینڈی ورنر، کنٹری ہیڈ انڈیا، انٹرنیشنل فنانس کارپوریشن ورلڈ بینک گروپ نے بھی خصوصی خطاب کیا۔

سیشن کے دوران، نجی شعبوں نے پی پی پی کے منصوبوں کی ساخت اور عمل درآمد کے دوران درپیش اہم مسائل/ رکاوٹوں کو پیش کیا اور بنیادی ڈھانچے کے شعبے میں نجی شعبے کی سرمایہ کاری کو بڑھانے کے لیے ضروری مداخلتوں کی تجویز پیش کی۔

ورکشاپ کے دوران پروجیکٹ اسپانسرنگ اتھارٹیز (PSAs) نے مذکورہ شعبوں میں مکمل کیے گئے کامیاب پی پی پی پروجیکٹس کو پیش کیا۔ جناب منو شریواستو، پرنسپل سکریٹری، حکومت مدھیہ پردیش نے کامیاب REWA پروجیکٹ پیش کیا۔ آئی ڈی اے بہار نے پی پی پی موڈ پر جیا پربھا ہسپتال، گوا ویسٹ مینجمنٹ کارپوریشن نے سالڈ ویسٹ مینجمنٹ کی سہولت پر، ہاؤسنگ اینڈ اربن ڈیولپمنٹ ڈیپارٹمنٹ، حکومت اوڈیشہ نے بھونیشور واٹر سپلائی پر، اندور میونسپل کارپوریشن نے شہری پبلک ٹرانسپورٹ پر، پونے میٹرو ریل ڈیولپمنٹ اتھارٹی (PMRDA) نے پونے میٹرو پروجیکٹ پر، اتر پردیش ایکسپریس ویز انڈسٹریل ڈیولپمنٹ اتھارٹی (UPEIDA) نے پی پی پی موڈ پر شروع کیے گئے روڈ پروجیکٹس پر اور ایئرپورٹ اتھارٹی آف انڈیا (AAI) پی پی پی موڈ پر ہوائی اڈوں کو لیز پر دینے پر پرزنٹیشن پیش کی۔

ہر سیشن کا اختتام متعلقہ سنٹرل انفرا لائن وزارتوں کے سینیئر عہدیداروں کے ذریعہ کیا گیا جس میں انھوں نے پی پی پی پروجیکٹوں پر عمل درآمد کرنے کے ساتھ ساتھ موجودہ چیلنجوں پر قابو پانے کے لیے حکومت کی طرف سے مکمل تعاون کا یقین دلایا ساتھ ہی سڑک ٹرانسپورٹ اور شاہراہوں کی وزارت کے ایڈیشنل سکریٹری جناب امت گھوش، جناب وشال چوہان، جوائنٹ سکریٹری، صحت اور خاندانی بہبود کی وزارت، جناب کنال کمار، جوائنٹ سکریٹری، ہاؤسنگ اور شہری امور کی وزارت، محترمہ روبینہ علی، جوائنٹ سکریٹری، شہری ہوا بازی کی وزارت اور جناب وشوا جیت کمار، ڈائریکٹر، محکمہ اعلیٰ تعلیم، وزارت تعلیم کے تبصرے بھی شامل تھے۔

ورکشاپ میں 150 سے زیادہ شرکاء کی فعال شرکت کا مشاہدہ کیا گیا جس میں پرائیویٹ سیکٹر کے انفرا پلیئرز کے شرکاء، FICCI، CII، ASSOCHAM، NIIF کے نمائندے، مرکزی وزارتوں اور ریاستی حکومتوں کے سینیئر سرکاری افسران، برطانوی ہائی کمیشن اور بین الاقوامی مالیاتی کارپوریشن اور ٹرانزیکشن کے اہلکار شامل تھے۔

**************

 

ش ح۔ ف ش ع-م ف

U: 10303

(Release ID: 1859707) Visitor Counter : 114