কেন্দ্রগী হকশেল অমসুং য়াইফ-য়ুম্বাল মন্ত্রালয়গী সেক্রেতরী শ্রী রাজেশ ভুশননা শরুক য়াবগা লোইননা দা. ভিনোদ ক. পাউল, মেম্বর (হেল্থ), নিতি আয়োগনা ২০১৮-১৯গী ওইবা ভারতকী নেসনেল হেল্থ একাউন্তস (এন.ঐচ.এ.) এস্তিমেৎকী ফাইন্দিংশিং ফোংখ্রে। য়াম্না মশক থোকপা খুমাং চাউশিনবা অমা ওইনা, লৈবাক অসিদা হকশেলগী চাদিংগা মরী লৈনবা তোঙান-তোঙানবা ইন্দিকেতরশিংনা য়াম্না পুক্নিং থৌগৎনিংঙাই ওইবা চাং কায়দবা মওংদা মশক অমা উৎলে।

এন.ঐচ.এ.গী ২০১৮-১৯গী এস্তিমেৎনা উৎলে মদুদি লৈবাক অসিগী অপুনবা জি.দি.পি.দা সরকারগী হকশেলগী চাদিংদা হেনগৎলে। মসি ২০১৩-১৪দা ১.১৫% লৈরম্বদগী ২০১৮-১৯দা ১.২৮% ফাওবা হেনগৎলে।

ফিগরঃ জি.দি.পি.গী %দা উৎপা সরকারগী হেল্থ এক্সপেন্দিচর

মসিগী মথক্তা, অপুনবা হেল্থ এক্সপেন্দিচরদা লৈবা সরকাগী হেল্থ এক্সপেন্দিচর ওসি মতমগী মতুং ইন্না হেনগৎলক্লি। ২০১৮-১৯দা, সরকারগী চাদিং অসি ৪০.৬% ওইখি, মসি ২০১৩-১৪দা লৈখিবা ২৮.৬%কী শেয়র অদুদগী অদুক্কী মতীক হেল্লি।

এন.ঐচ.এ.গী ফাইন্দিং অসিনা অমুকসু তাক্লে মদুদি সরকারগী হকশেলগী এক্সপেন্দিচরনা হৌজিক লৈরিবা হকশেলগী চাদিংগী চাদা লৈবা মশীং ওইনা উৎলবদা, ২০১৩-১৪গী ২৩.২%দগী ২০১৮-১৯দা ৩৪.৫% ফাওবা হেনগৎলে।

হেল্থকেয়রদা লৈবা লৈঙাক্কী পর কেপিতা চাদিংসু ২০১৩-১৪দগী ৭৪% হেনগৎলে হায়বদি লুপা ১০৪২ লৈরম্বদগী ২০১৮-১৯দা লুপা ১৮১৫ হায়বনি।

নেসনেল হেল্থ পোলিসী (এন.ঐচ.পি.) ২০১৭গী পোলিসী রিকমেন্দেসনশিংগী মরক্তা অমা ওইরিবা মীপুম খুদিংমক্তা হকশেলগী সর্ভিস পীবগী পান্দমগা চুন্ননা, লৈঙাক অসিনা ২০১৩-১৪দা ৫১.১% লৈরম্বা ২০১৮-১৯দা ৫৫.২% য়ৌরবা প্রামরী হেল্থকেয়রগী চাদিংদা মীৎয়েং থম্লি।

প্রাইমরী অমসুং সেকেন্দরী কেয়রনা হৌজিক লৈরিবা লৈঙাক্কী হেল্থ এক্সপেন্দিচরদা ৮০% হেন্না লৈরি। প্রাইভেৎ সেক্তরগী ওইনা, তর্সিয়ারী কেয়োরগী কেয়র অসি হেনগলে অদুবু প্রাইমরী অমসুং সেকেন্দরী শেয়রনা হন্থরকপগী ত্রেন্দ অমা উৎলি। ২০১৩-১৪ অমসুং ২০১৮-১৯গী মরক্তা, লৈঙাক অসিদা লৈরিবা প্রাইমরী অমসুং সেকেন্দরী কেয়রগী শেয়র অসি ৭৪%দগী ৮৬%দা গেনগৎলে। অতোপ্পা মায়কৈদনা, প্রাইবেৎ সেক্তরদা, প্রাইমরী অমসুং সেকেন্দরী কেয়র অসি ৮২%দগী ৭০%দা হায়রিবা মতম অসিগী মনুংদা হন্থরে।

ফিগরঃ প্রাইমরী হেল্থ কেয়রগী হৌজিক লৈরিবা লৈঙাক অসিগী হেল্থ এক্সপেন্দিচরগী শেয়র(%)

অসিগুম্বা খোঙথাং কয়ানা মরম ওইদুনা, অপুনবা হেল্থ এক্সপেন্দিচরদা চাদা লৈবা আউৎ ওব পোকেৎ এক্সপেন্দিচর (ও.ও.পি.ই.) অসি ১৬% পোইন্তসতা য়াম্না কা হেন্না হন্থখি, ৬৪.২%দগী ৪৮.২ %দা।

হৌজিক লৈরিবা হকশেলগী চাদিংগী চাদা লৈবা আউৎ ওব পোকেত চাদিং অসিসু ২০১৩-১৪দা ৬৯.১%দা লৈরম্বদগী ২০১৮-১৯দা ৫৩.২%দা হন্থখি।

লৈবাক অসিদা লৈবা পর কেপিতা আউৎ ওব পোকেৎ এক্সপেন্দিচর অসি ২০১৩-১৪দগী ৮% হন্থরে, হৌজিক্কী ওইবা লুপা ২৩৬৬দগী ২১৫৫ তা।

সোসিএল সেক্যুরিতীদা পীবা মীৎয়েংনা ৬%দগী ৯.৬%দা হৌজিক লৈদুনা অপুনবা হেল্থ এক্সপেন্দিচরগী চাদা হকশেলগী চাদিং ওইহল্লে।

এন.ঐচ.এ.নসু উৎলে মদুদি লৈঙাক্না শেন্থং পীবা হকশেলগী ইন্সুরেন্স চাদিং অসি ২০১৩-১৪দগীদি ১৬৭% হেনগৎলে।

এন.ঐচ.এ.না পীবা ২০১৮-১৯গী এস্তিমেৎনসু তাক্লে মদুদি লৈবাক অসিগী হকশেলগী সেক্তরদা মপানগী শেন্থং পীবগী চাং অসিসু হন্থরে। রিপোর্ত অসিনা উৎলিবা ফাইন্দিংগী মতুং ইন্না তাক্লে মদুদি হকশেলদা লৈরিবা মপানগী মতেং অসিসু ২০০৪-০৫তা ২.৩% লৈরম্বদগী ২০১৮-১৯দা ০.৪%দা  লৈদুনা হন্থরে, মসিনা ভারতকী শেন্মিৎলোন্দা ইরোমদোম লেপচবগী মশক অমা উৎলে।

তেবল ১: হকশেলগী শেন্থং অমসুং মেক্রোইকোনোমিক ইন্দিকেতরশিংগী ত্রেন্দশিং

ইন্দিকেতরশিং	২০১৭-১৮ (লুপা করোরদা)	২০১৭-১৮ (লুপা করোরদা)	চাদা লৈবা অহোংবা
গ্রোস দোমেস্তিক প্রদক্ত	১,৭০,৯০,০৪২	১,৮৮,৯৯,৬৬৮	১১%
জেনরেল গবর্নমেন্ত এক্সপেন্দিচর (জি.জি.ই)	৪৫,১৫,৯৪৬	৫০,৪০,৭০৭	১২%
তোতেল হেল্থ এক্সপেন্দিচর (তি.ঐচ.ই.)	৫,৬৬,৬৪৪	৫,৯৬,৪৪০	৫%
গবর্নমেন্ত হেল্থ এক্সপেন্দিচর (জি.ঐচ.ই)	২,৩১,১০৪	২,৪২,২১৯	৫%

"মসি ঐখোয়গী ওইনদি য়াম্না চাউথোকচনিংঙাই ওইবা মীকুপ অমনি মদুদি ঐখোয়গী লৈবাক অসিদা পথাপ নাইবা, মপাঙ্গল লৈরবা, থাজবা য়াবা অমসুং মনুং মপান ফাওনা উবা একাউন্ত অমসুং একাউন্তিং হকশেলদা লৈ। অসিগুম্বা রিপোর্ত অসিনা ঐখোয়দা নেসনেল হেল্থ পোলিসীগী ২০১৭গী রিকমেন্দেসনগা চুন্ননা ৱারেপ লৌবগী ময়েক শেংবা থৌওং অমা লৈহনবদা মতেং ওইরনি।" মসি দা. ভি.কে. পাউলনা তরুকশুবা ওইনা ২০১৩-১৪দগী থংনা থংননা ফোংখিবা এন.ঐচ.এ. এস্তিমেৎ রিপোর্ত লোঞ্চ তৌবদা লৈরিবা মীপুম খুদিংমকপু থাগৎলদুনা ফোংদোকখি। মহাক্না হায়খি মদুদি নেসনেল হেল্থ সিস্তেম রিসোর্স সেন্তর (এন.ঐচ.এস.আর.সি.)না অসিগুম্বা রিপোর্ত খুদিংমক অইস অয়েৎ অপন অমত্তা য়াওদনা ফোংহনগদবনি অমসুং মতীক চাবা মেথোদোলোজী অমসুং খোঙথাংগা লোইননা একাদেমিক ওইবা ইনোৎ অমা হাপকদবনি। হায়রিবা রিপোর্তশিং অসি রিসর্চর, পোলিসী মেকর অমসুং প্রোগ্রাম ইমপ্লিমেন্তেতরশিংনা শীজিন্নবনা মরম ওইদুনা মসি য়াম্না মতীক চাহনবা য়াম্না মরু ওই।

দা. পাউলনা হায়খি মদুদি হৌখিবা চহি খরসিদা লৈঙাক্কী ওইবা লমজিং পথাপ অসি হকশেলগী আউৎ ওব পোকেৎ এক্সপেন্দিচর (ও.ও.পি.ই) মীয়াম্না হন্থহনবনি, মসিনা মীওই কয়াবু অমসুং ইমুং কয়াবু লাইর তালহল্লি। ঙসি লোঞ্চ তৌরিবা নেসনেল হেল্থ একাউন্ত এস্তমিৎস ২০১৮-১৯গী মতুং ইন্না, ও.ও.পি.ই.না মশক থোক্না ২০১৪দগী ২০১৮-১৯ ফাওবদা হকশেলগী চাদিং অসি ১৬% পোইন্ত য়ৌনা হন্থহল্লে। পর কেপিতা ও.ও.পি.ই.গী ওইনসু হন্থরক্লি। রিপোর্ত অসিনা অমুকসু পর কেপিতা ও.ও.পি.ই.গী ভারত অমসুং অতোপ্পা লৈবাকশিংগী চাংদম্নববু দব্ল্যু. ঐচ.ও.না পীবা গ্লোবেল হেল্থ এক্সপেন্দিচর দেতাবেজ শীজিন্নদুনা পীরি। লৈবাক ১৮৯গী কাংলুপতসু ভারতনা পর কেপিতা ও.ও.পি.ই.গী ৬৬শুবা মফমদা লৈরি।

কেন্দ্রগী হকশেল সেক্রেতরী শ্রী রাজেশ ভুশন্না লৈঙাক্কী চাদিংদা হোংলক্লিবা মতৌ অসিদা মীৎয়েং চঙলি। প্রাইমরী হেল্থ কেয়রদা মীৎয়েং থম্বা হেল্লকপনা লৈঙাক অসিনা লৈবাক অসিগী প্রাইমরী হেল্থ কেয়রদা মরুওইবা থম্নবা ৱারেপ লৌখি। রিপোর্ত অসিনা পল্লি মদুদি লৈঙাক্কী হৌজিক লৈরিবা চাদিং অসিগী ৫৫.২%দি প্রাইমরী হেল্থতা লৈরি। মসিনা খ্বাইদগী মখোঙদা লৈবশিংদা অফবা মগুন অমা পীবা ঙম্বদা নৎতনা সেকেন্দরী নৎত্রগা তর্সিয়ারী হেল্থকেয়র সর্ভিসশিংদা খুদোংচাদবা লাকপগী চাং নেমহল্লি হায়না মহাক্না পুথোকখি।

শ্রী রাজেশ ভুশন্নসু হকশেলদা লৈবা সোসিএল সেক্যুরিতী এক্সপেন্দিচরবু অপুনবা হকশেলগী চাদিংগী চাদা লৈবা অমগুম্না মীৎয়েং চঙলি। সোসিএল হেল্থ ইন্সুরেন্স প্রোগ্রাম, লৈঙাক্না শেন্থং পীবা হেল্থ ইন্সুরেন্স স্কিম, অমসুং লৈঙাক্কী ইমপ্লোইয়ীশিংদা পীবা মেদিকেল রিইম্বর্সমেন্ত য়াওনা হকশেলগী সোসিএল সেক্যুরিতী এক্সপেন্দিচর অসিসু ২০১৩-১৪দা ৬% লৈরম্বদগী ২০১৮-১৯দা ৯.৬%দা হেনগৎলে। মসি ভারতকী মীচমশিংদা মখোয়গী য়ুম্থোং খুদিংদা হেল্থকেয়রগী হীরমদা য়াম্না ফবা খুৎলাই লৈরে অমসুং নিংথিনা পীবীরে হায়বনি অমসুং মখোয়বু হকশেলগী মরমদা হেন্না ফংহল্লে হায়বগী মতীক চাবা খুদম অমনি।

নেসনেল হেল্থ একাউন্ত (এন.ঐচ.এ.) এস্তিমেৎকী মতাংদাঃ

ভারতকী ২০১৮-১৯গী ওইবা নেসনেল হেল্থক একাউন্ত (এন.ঐচ.এ.) এস্তিমেৎ অসি কেন্দ্রগী হকশেল মন্ত্রালয়না নেসনেল হেল্থ একাউন্তস তেক্নিকেল সেক্রেতরিএৎ (এন.ঐচ.তি.এস.) ওইনা ২০১৪দা শেমখিবা এন.ঐচ.এস.আর.সি.না থংনা থংননা তরুকশুবা ওইনা শেম্বা এন.ঐচ.এ.এস্তিমেৎ রিপোর্তনি। এন.ঐচ.এ. এস্তিমেৎ অসি অন্তর্জাতিগী থাক্তা য়ানরবা ৱার্ল্দ হেল্থ ওর্গানাইজেসন (দব্ল্যু.ঐচ.ও.)না শেমগৎপা সিস্তেম ওব হেল্থ একাউন্ত, ২০১১দা য়ুম্ফম ওইবা একাউন্তিং ফ্রেমৱার্ক শীজিন্নদুনা শেম্মি।

হৌজিক লৈরিবা এন.ঐচ.এ.গী এস্তিমেৎকা লোইননা ভারতকী ওইনা লৈবাক অসিগী এন.ঐচ.এ. এস্তিমেৎ ২০১৩-১৪দগী ২০১৮-১৯ ফাওবগী লৈরক্লি। হায়রিবা এস্তিমেৎশিং অসি অন্তর্জাতিগী থাক্তা চাংদম্নবা য়াবদা নত্তনা, মসি লৈবাক অসিগী তোঙান-তোঙানবা হেল্থ ফাইনান্সিং ইন্দিকেতরশিংদা লৈবাক খুমাং চাউশিনবগী চাং পোলিসীমেকরশিংদা য়েংবা য়াহল্লি। রিপোর্ত অসি মফম অসিদগী ফংবীগনিঃ https://nhsrcindia.org/national-health-accounts-records

***************

(Release ID: 1859057) Visitor Counter : 200