صارفین کے امور کا محکمہ صارفین کے معاملات کو موثر طریقے سے نمٹانے کے لیے کام کر رہا ہے

اس سلسلے میں، محکمہ نے 2 ستمبر 2022 کو پراجیکٹ ڈویلپمنٹ کنسلٹنٹ (پی ڈی سی) کی تقرری کے لیے اظہار دلچسپی(ای او آئی) کے لیے ایک دعوت نامہ جاری کیا۔

پی ڈی سی کا تقرر درست اسپیچ ریکگنیشن اور مشین لرننگ سسٹم کے لیے ٹیکنالوجی کی ترقی کے لیے مشاورتی خدمات فراہم کرنے کے لیے کیا جائے گا۔ مجوزہ پروجیکٹ دو  ور ٹیکلز  پر مشتمل ہے جو درج ذیل بیان کیے گئے ہیں۔  ورٹیکلز  1  الفاظ کو عبارت میں منتقل کرنے والا سافٹ ویئر ہے۔ صارفین کے معاملات کو موثر طریقے سے نمٹانے کے لیے یہ سافٹ ویئر  وقت کی اہم ضرورت ہے۔ ضلعی، ریاستی اور قومی سطح پر مقدمات کی ایک بہت بڑی تعداد   زیر التوا ہے۔ زیر التوا مقدمات کی اتنی بڑی تعداد کی وجہ سے صارفین کا حق بری طرح متاثر ہو رہا ہے۔ مقصد ایک مستقل شرح پر زیر التواء مقدمات کی تعداد کو کم کرنا ہے۔ لہٰذا، کمیشن کے صدر اور اراکین کی ڈکٹیشن کو درست طریقے سے آرڈرز میں تبدیل کرنے کے لیے ایک تقریر سے متن والے سافٹ ویئر کی ضرورت ہوتی ہے جسے ایک جائزہ لینے کے بعد آسانی سے اپ لوڈ کیا جا سکتا ہے۔

 ورٹیکلز 2 سافٹ ویئر کے اندر مشین لرننگ کا شامل کرنا ہے۔ معاملات کو موثر طریقے سے نمٹانے کے لیے محض الفاظ کو عبارت میں منتقل کرنے والا  سافٹ ویئر فراہم کرنا کافی نہیں ہوگا۔ وقت کے ساتھ سافٹ ویئر کی درستگی کو بہتر بنانے کے لیے کمیشنوں میں کثرت سے استعمال شدہ الفاظ کو شامل کرنے کے لیے ایک مشین لرننگ سسٹم کو اسپیچ ٹو ٹیکسٹ سافٹ ویئر کے اندر شامل کرنے کی ضرورت ہوگی۔

حتمی شکل دی گئی  پی ڈی سی کو سافٹ ویئر کی ترقی میں سہولت فراہم کرنے کے لیے ایک حقیقی آرڈر کی ایک نمونہ ریکارڈنگ دی جائے گی۔ مزید برآں، قانونی اصطلاحات کی درست شناخت کے لیے شارٹ لسٹ کردہ درخواست دہندگان کو کثرت سے استعمال ہونے والے الفاظ اور فقروں کی فہرست بھی فراہم کی جائے گی۔

حوالہ جات کی شرائط، کام کا دائرہ، اہلیت،  ای او آئی تیار کرنے اور جمع کرانے کے لیے رہنما خطوط سے متعلق مزید تفصیلات https://consumeraffairs.nic.in/sites/default/files/file-uploads/latestnews/EoI_PDC.pdf پر دی گئی ہیں۔ ای او آئی بذریعہ ای میل pk.tyagi13[at]nic[dot]in پر جمع کرانے کی آخری تاریخ 20 ستمبر 2022 بوقت 1500 گھنٹے ہے۔

*************

 

ش ح۔ س ب۔ رض

 

U. No.10155

(Release ID: 1858638) Visitor Counter : 128