بچوں کی اسمگلنگ ایک سنگین جرم ہے اور ہمارے ملک کے بہت سے حصوں میں رائج انسانی حقوق کی خلاف ورزیوں کی بدترین شکل ہے اور یہ اس طرح ایک نئے ہندوستان، ایک ترقی پسند ہندوستان کے مقصد کو حاصل کرنے میں رکاوٹ پیدا کرتا ہے۔ بچوں کی اسمگلنگ سے نمٹنے کے لیے، شراکت داروں کے مختلف زمروں کی مداخلت اور توجہ کی ضرورت ہے۔ ہمارے ملک کے متعدد اضلاع کی مشترکہ رخنہ دار بین الاقوامی سرحدیں، ایسے حالات کو ہموار کرتی ہیں جو اسمگلروں کو ایسا کرنے کےقابل بناتی ہیں اور راغب کرتی ہیں۔ بچے ان کےآسان نشانہ بن جاتے ہیں جو اپنے شکار کی تلاش میں مسلسل ان شکاریوں کے چنگل کا شکار ہوجاتے ہیں۔ متاثرہ بچوں کو جسمانی، جنسی اور جذباتی تشدد، بدسلوکی، ٹارچر، اور صدمے، جبری اور بندھوا مزدوری، جبری شادیاں اور غلامی جیسی روایات وغیرہ جیسے شدید قسم کے استحصال کا سامنا کرنا پڑتا ہے۔ بچوں کی اسمگلنگ سے متاثرین کو اکثر ظلم اور ناانصافی کا سامنا کرنا پڑتا ہے، ان کی زندگی داغدار اور اصلاح سے دور ہو جاتی ہے اور وہ حقوق سے محروم رہتے ہیں۔بچوں کی اسمگلنگ کی لعنت سے نمٹنے کے لیے، ہندوستان کی پارلیمنٹ کے ایک ایکٹ کے مطابق کمیشن برائے تحفظ اطفال قانون 2005 کے تحت قائم ایک اعلیٰ ترین قانونی ادارہ، بچوں کے حقوق کے تحفظ کے قومی کمیشن (این سی پی سی آر)، اپنے منشوراور دائرہ اختیارکے تحت اس ضمن میں جاری اقدامات کر رہا ہے۔. اس سلسلے میں، این سی پی سی آر 30 جولائی 2022 کو "انسانی اسمگلنگ کے خلاف عالمی دن" منا رہا ہے۔

اس موقع پر، این سی پی سی آر ریاستی کمیشن برائے تحفظ حقوق اطفال (ایس سی پی سی آرز)، ضلعی انتظامیہ کے تعاون سے، ترقی پسند ہندوستان کے 75 سال منانے کے لیے، آزادی کے امرت مہوتسو (اے کے اے ایم) کے ایک حصے کے طور پر، ہندوستان کے 75 سرحدی اضلاع میں (فہرست منسلک) (یکم اگست 2022 سے 25 اگست 2022 تک) بچوں کی اسمگلنگ سے نمٹنے یعنی "بال تسکری سے آزادی"کے لیے، 25 روزہ مہم چلا رہا ہے ۔

اس سلسلے میں، منتخب 75 اضلاع میں ضلعی سطح پر حساسیت کے پروگرام میں سپیشل جوینائل پولیس یونٹس (ایس جے پی یوز)، انسداد انسانی اسمگلنگ یونٹس (اے ایچ ٹی یوز)، تھانوں کے چائلڈ ویلفیئر پولیس آفیسرز (سی ڈبلیو پی اوز)، بچوں کی بہبود کی کمیٹیوں (سی ڈبلیو سیز)، جووینائل جسٹس بورڈز (جے جے بیز) اور ہمارے ملک کے شناخت شدہ 75 سرحدی اضلاع میں انسانی اسمگلنگ کے مسائل پر ضلع میں سرگرم خصوصی افواج کے نمائندے شرکت کریں گے۔ اس مہم کے دوران، این سی پی سی آر کے اہلکار، سرحدی گاؤوں کا دورہ کریں گے اور سرحدی اضلاع کے بچوں کے ساتھ اپنا 75 واں یوم آزادی منائیں گے۔

اس مہم کا بنیادی مقصد، ہندوستان کے سرحدی اضلاع میں بچوں کی اسمگلنگ سے نمٹنے کے لیے خطرے سے دوچار بچوں، کمزور بچوں اور روک تھام کے لیے بنیادی اشارے پر اہم شراکت داروں کو حساس بنانا ہے۔ کمیشن کے ماہر ریسورس پرسن، ریاستی کمیشن کے چیئرپرسن/ممبر اور موضوع کے ماہرین اس موضوع پر ایک پریزنٹیشن دیں گے اور انٹرایکٹو سیشن کے بعد سرحدی اضلاع میں بچوں کی اسمگلنگ سے نمٹنے کے لیے ایک روڈ میپ تیار کریں گے۔

مہم کے تحت ہمارے ملک کے 75 سرحدی اضلاع بچوں کی اسمگلنگ کے اس خطرے سے نمٹنے اور بچوں کو اس سنگین جرم سے محفوظ کرنے کے بارے میں متعدد شراکت داروں کے لیے آگاہی اور حساسیت کے پروگرام کا مشاہدہ کریں گے۔

****

U.No.10086

(ش ح - اع - ر ا) 

(ریلیز آئی ڈی: 1858459) وزیٹر کاؤنٹر : 179