مرکزی وزیر مملکت (آزادانہ چارج) سائنس اور ٹیکنالوجی؛ وزیر مملکت (آزادانہ چارج) ارضیاتی  سائنسز؛ پی ایم او، پرسنل، عوامی شکایات، پنشن، ایٹمی توانائی اور خلائی وزیر مملکت ڈاکٹر جتیندر سنگھ نے آج نیشنل سائنس ایوارڈ پیش کیے اور ہندوستان کے ‘‘گہرے سمندر’’ مشن  کے حوالے سے اقدامات کی تعریف کی۔

انہوں نے وسطی بحر ہند میں 5270 میٹر کی گہرائی میں ڈیپ سی مائننگ سسٹم کے دنیا کے پہلے لوکوموشن تجربات  کرنے کے لیے سائنسدانوں کی تعریف کی۔

ارضیاتی  سائنسز کی وزارت کے 16 ویں یوم تاسیس کے موقع پر مہمان خصوصی کے طور پر خطاب کرتے ہوئے ڈاکٹر جتیندر سنگھ نے کہا کہ یہ سب سے زیادہ گہرائی  والا علاقہ ہے جس میں دنیا میں کسی بھی جگہ اس طرح کی مشین کا کامیاب تجربہ کیا گیا ہے۔

گزشتہ سال لال قلعہ کی فصیل سے وزیر اعظم کے خطاب کا حوالہ دیتے ہوئے، جس میں  جناب مودی نے کہا تھا، ‘‘گہرے سمندر’’  کا مشن سمندر کے لامحدود امکانات کو تلاش کرنے کی ہماری خواہش کا نتیجہ ہے، ڈاکٹر جتیندر سنگھ نے کہا، معدنی دولت جو سمندر میں پوشیدہ ہے، تھرمل انرجی جو سمندر کے پانی میں ہے، ملک کی ترقی کو نئی بلندیاں دے سکتی ہے۔ وزیر موصوف نے کہا کہ اگلے 25 سالوں میں امرت کال میں تحقیق و ترقی اور  دریافت اور کھوج  سے متعلق سرگرمیاں ہندوستان کی معیشت کی ایک اہم پہچان ہوں گی  جو اس وقت  اپنے  100 سال پوری کرچکی ہو گی۔

اس موقع پر ڈاکٹر جتیندر سنگھ نے ارضیاتی سائنس کی وزارت  سے تعلق رکھنے والے  پیشہ ور افراد سے مطالبہ کیا کہ وہ جدید علم حاصل کرنے کے ایک نئے تناظر کو دریافت کریں  اور اسےفروغ دیں اور موسم، آب و ہوا، سمندر اور زلزالیات پر خدمات فراہم کرنے میں وزارت کو دنیا کے بہترین اداروں میں سے ایک بنانے کے لیے خود کو وقف کریں اور ملک کو مزید سماجی و اقتصادی فوائد سے مالا مال کریں۔

ڈاکٹر جتیندر سنگھ نے اس موقع پر 8 نشنل  ایوارڈز 2022 دیے جن میں  لائف ٹائم ایکسیلنس ایوارڈ، لیڈی سائنٹسٹ ایوارڈ، 2 ینگ ریسرچر ایوارڈ اور ایک ایک ارضیاتی،  قطبی ، ایٹموسفرنک اور بحری علوم شامل ہیں

اس موقع پر، ڈاکٹر جتیندر سنگھ نے اپنی نوعیت کا پہلا اور جدید ترین مکمل طور پر خودکار  لنگر نما پر مبنی ساحلی مشاہدے اور بحر ہند کے لیے پانی کے معیار کے نو   کاسٹنگ سسٹم کا آغاز کیا جسے انڈین نیشنل سینٹر فار اوشین انفارمیشن سروسز(آئی این سی او آئی ایس ) حیدرآباد نے تیار کیا ہے۔ اس نظام میں کوچی میں واقع ایک ساحلی رصد گاہ میں مربوط خودکار لنگر نما پر  مبنی اعلیٰ درجے کے سینسر شامل ہیں۔ اس نظام سے ساحلی باشندوں، ماہی گیروں، سمندری صنعتوں، محققین اور آلودگی، سیاحت، ماہی پروری اور ساحلی ماحول سے نمٹنے والی ایجنسیوں سمیت مختلف اسٹیک ہولڈرز کو فائدہ پہنچے گا۔ یہ پانی کے معیار سے متعلق 19 پیمائشوں جیسے درجہ حرارت، نمکیات، تحلیل شدہ آکسیجن، گندگی وغیرہ کا عین موقع پر  ڈیٹا فراہم کرے گا، جو ساحلی پانی کے معیار کے بارے میں درست نوکاسٹ بنانے، ساحلی ماحولیاتی نظام کی صحت کے اشاریہ کو بہتر بنانے، اور  اوشن سیٹ- III جیسے سیارچے پر موجود سینسرز کی نشان سازی  اور توثیق کرنے میں مدد کرے گا۔آئی این سی او آئی ایس یہ ڈیٹا عوام کو ایک مخصوص ویب سائٹ کے ذریعے مفت فراہم کرے گا۔ وشاکھاپٹنم میں ایسی ہی ایک اور رصد گاہ  جلد ہی قائم کی جانے والی ہے۔

ڈاکٹر جتیندر سنگھ نے مشہور ہندوستانی جریدے جیوگرافی اینڈ یو (جی این وائی) کا ایک خصوصی شمارہ بھی جاری کیا، جس کا موضوع ‘انڈیا کا نازک ساحل’ تھا۔ یہ مسئلہ ملک کے ساحلی علاقے کے سماجی، اقتصادی اور ماحولیاتی چیلنجوں سے نمٹنے میں ہندوستان کی صلاحیتوں کو ترقی دینے اور بہتر بنانے کے لیے نیشنل سینٹر فار کوسٹل ریسرچ (این سی سی آر) ، چنئی کے سائنسدانوں کے کچھ خیالات، تحقیق، کام اور وژن پر روشنی ڈالتا ہے۔

ڈاکٹر جتیندر سنگھ نے نیشنل سینٹر فار سیسمولوجی (این سی ایس)، نئی دہلی کے ذریعہ شائع کردہ ماہانہ سیسمولوجیکل بلیٹن (2011-2020) کے ایک منفرد مجموعہ کی بھی  رونمائی  کی۔ یہ مجموعہ گزشتہ ایک دہائی میں ہندوستان اور اس کے پڑوسی علاقوں میں 8,400 سے زیادہ زلزلوں کے حوالے سے  زلزلے کی نگرانی کا ڈیٹا فراہم کرتا ہے۔ 1898 میں علی پور، کولکاتہ میں قائم ہونے والی پہلی سیسمولوجیکل آبزرویٹری کے ساتھ ہندوستان کے اہم اداروں میں این سی ایس  ، زلزلہ پیما اسٹیشنوں اور رصد گاہوں کے ملک گیر نیٹ ورک کے ذریعے چوبیس گھنٹے زلزلے سے متعلقہ ڈیٹا تیار کرتا ہے۔ زلزلے سے متعلق معلومات  مواصلات کے جدید ترین ذرائع جیسے سوشل میڈیا، موبائل ایپلیکیشنز اور ویب سائٹس کے ذریعے مختلف صارفین  بشمول ہندوستانی شہریوں اور عالمی اداروں کے ساتھ شیئر کی جاتی ہیں۔مرکزی وزیر کی طرف سے جاری کردہ مجموعہ طلباء، محققین، ماہرین تعلیم، پالیسی سازوں، اور شہری منصوبہ سازوں کے لیے ایک حوالہ کے طور پر کام کرے گا جو خاص طور پر زلزلوں اور آفات کے  اثرات کو  کم سے کم کرنے کی تفہیم کو بڑھانے میں دلچسپی رکھتے ہیں۔

ڈاکٹر جتیندر سنگھ کی طرف سے جاری کردہ ایک اور اہم اشاعت جس کا عنوان ہے ‘ہندوستان میں آبزرویٹریوں کے موسمیاتی جداول  1991-2020’ سے موسمیات، زراعت، جغرافیہ، ہائیڈرولوجی، حیاتیات، معاشیات، ماحولیات اور ماحولیات جیسے شعبوں کے مختلف اسٹیک ہولڈرز کو فائدہ پہنچے گا۔ یہ اشاعت آب و ہوا کے عناصر کی اوسط قدریں فراہم کرتی ہے جیسے درجہ حرارت، بارش،  متعلقہ ً نمی، ہوائیں، بادل، مرئیت، درجہ حرارت اور بارش کی انتہائی قدریں، اور ہندوستان میں تمام موسمیاتی رصد گاہوں سے موسمی مظاہر کے وقوع پذیر ہونے کی تعدد۔ نیشنل ڈیٹا سینٹر، آفس آف کلائمیٹ ریسرچ اینڈ سروسز، پونے، انڈیا میٹرولوجیکل ڈپارٹمنٹ(آئی ایم ڈی) کے ذریعہ تیار کردہ، دستاویز کو عوامی افادیت اور فائدے کے لیے ہر دس سال بعد اپ ڈیٹ کیا جائے گا۔

وزارت کے لیے مستقبل کا خاکہ پیش کرتے ہوئے، ڈاکٹر جتیندر سنگھ نے بتایا کہ اگلے دو سالوں میں،  ارضیاتی سائنس کی وزارت کے پاس سائنسی سینسر اور آلات کے ساتھ 3 سائنسدانوں کو سمندر میں 6000 میٹر کی گہرائی تک لے جانے کے لیے ایک انسان بردار آبدوز تیار کرنے  6000 میٹر گہرائی سے پولی میٹالک نوڈولس کی کان کنی کے لیے ایک مربوط کان کنی کے نظام کی ترقی؛ ڈوپلر ویدر ریڈارز کی تعداد کو موجودہ 34 سے بڑھا کر تقریباً 50 کر دیں۔ شمال مشرقی علاقے کے لیے مربوط موسمیاتی خدمات؛ موجودہ ہائی پرفارمنس کمپیوٹنگ سسٹم کو  10 پی ایف ایل او پیز سے تقریباً 27 پی ایف ایل او پیز تک بڑھانے اور موسم کی پیشن گوئی کے ماڈل کی افقی ریزولوشن کو موجودہ 12 کلومیٹر سے 6 کلومیٹر تک بہتر بنانے کے پرجوش منصوبے ہیں تاکہ بلاک سطح کی پیشین گوئیاں حاصل کرنے میں کسانوں کی مدد کی جا سکے۔

وزارت کی طرف سے 5 جولائی 2022 کو شروع کی گئی 75 روزہ ساحلی صفائی مہم کا حوالہ دیتے ہوئے، جس کا اختتام 17 ستمبر 2022 کو ‘‘بین الاقوامی ساحلی صفائی کے دن’’ پر ہوگا، ڈاکٹر جتیندر سنگھ نے وزارت کے حکام سے کہا کہ وہ بقیہ 50 طاق دنوں میں ‘‘سوچھ ساگر، تحفظ ساگر’’کے بارے میں بیداری پیدا کرنے کے لیےساحل سمندر کی حفاظت کرنے والی سوسائٹیز ، این جی اوز، بچوں اور نوجوانوں کے فورمز، کارپوریٹس، اور پی آر آئی اداروں کو متحرک کریں۔

*************

ش ح۔ س ب۔ رض

U. No.9892