অৱাং-নোংপোক লমদমগী ওর্গানিক সর্তিফিকেদ ফংলবা কিহোমশিং মপান্দা থাদোকপা হেনগৎহন্নবা লৌখৎলকপা খোঙথাং অমদা মনিপুরগী কিহোম কঞ্জুমরশিংদা খঙহন্নবা এগ্রিকলচরেল এন্দ প্রোসেস ফুদ প্রদক্স এক্সপোর্ত দিবলপমেন্ত ওথোরিতি(অপেদা)গী খুৎথাংদা কেন্দ্রনা সরকারনা শীন্দুনা য়ু.এ.ইগী দুবাইদা ইন-স্তোর এক্সপোর্ত প্রোমোসন প্রোগ্রাম অমা পাংথোকখ্রে।

মনিপুর সরকারগী মনিপুর ওর্গানিক মিসন এজেন্সি(মোমা)গা লোয়ন্না দুবাইদগী খ্বাইদগী চাউবা সুপরমার্কেত লুলু হায়পর মার্কেত্তা ওর্গানিক ওইনা শকখঙলবা মশীং য়াম্না য়াওবা ক্বিউ মখলগী মনিপুরগী কিহোমশিংগী ‘ইন-স্তোর প্রোমোসন সো’ পাংথোকপনি। মফম অমদা ফংবা লৌউ-শিংউগী পোৎথোকশিং মালেমগী কৈথেলশিংদা য়োনবা হেনগৎহন্নবা সরকারগী লাল্লোংগী শরুক অমা ওইনা থৌরম অসি পাংথোকপনি।

মনিপুরগী লৌমীশিংদগী ওর্গানিক ওইনা শকখঙলবা ক্বিউ মখলগী কিহোমশিং পুথোক্নবা মোমানা মতেং পাংলি। অপেদাগী মতেংগা লোয়ন্না উৎলিবা মনিপুরগী কিহোমশিং অসি মশীং য়াম্না য়াওই অমসুং থুম্মি। উৎলিবা কিহোমশিং অদু মনিপুরগী ইম্ফাল ইস্ত জিলাদা লৈবা থায়োং ওর্গানিক প্রদুসর কম্পেনি লিমিতেৎদগী লৈবনি।

সো অদুদা কঞ্জুমরশিংদা মনিপুরগী কিহোমগী মহাও তংহনখি। অৱাং-নোংপোক্কী কিহোম অসি লমদম অসিদা ফংবা খ্বাইদগী মরুওইবা উহৈনি অমসুং মশীং য়াম্না য়াওবা উহৈ অসি লমদম অসিগী মফম অয়াম্বদা থাই।

ভারত্তা অপুনবা পোৎথোক্কী চাদা ৭.৪৬ পুথোক্তুনা ২০২১-২২দা মেত্রিক তন ১৩৪.৮২ পুথোক্তুনা ভারত্তা কিহোম পুথোকপদা মনিপুরনা ৬শুবদা লৈরি। ভারতকী কিহোম লৈরিবা মরুওইবা লৈবাক ১০ অদুদি য়ু.এ.ই, নেপাল, ক্বাতর, মালদিবস, য়ু.এস.এ, ভুতান, বেলজিয়ম, ইরান, বহরেন অমসুং ওমান্নি। ২০২১-২২দা য়ু.এস. দোল্লার মিল্লিয়ন ৪.৪৫ কী মমল ওইগদবা কিহোম মেত্রিক তন ৭৬৬৫.৪২ মপান্দা থাদোকখি।

অপেদানা মতেং পাংবদগী অৱাং-নোংপোক রাজ্যশিং হায়বদি অসাম, মনিপুর, নাগালেন্দ, মিজোরম, ত্রিপুরা, অরুনাচল প্রদেস, সিক্কিম অমসুং মেঘলয়দগী হৌখিবা চহি খর অসিদা লৌউ-শিংউগী পোৎথোকশিং মপান্দা থাদোকপা হেনগৎলে। কিহোমগী মথক্তা, মনিপুরদা ফংবা অখন্নবা উহৈ-ৱাহৈশিং মালেমগী কৈথেলশিংদা থাদোক্নবা অপেদানা ৱারেপ লৌরে। মনিপুরগী অতোপ্পা মগুন লৈবা পোৎথোকশিংগী মনুংদা তমেংলোংগী কোম্লা, কচাইগী চম্প্রা অমসুং চাকহাও য়াওরি।

অৱাং-নোংপোক্তা অহানবা ওইনা ত্রিপুরানা ২০১৮দা দুবাই অমসুং দোহাদা রাজ্য অসিগী ক্বুইন মখলগী কিহোম থাদোকখি। ২০২০দগী ত্রিপুরানা বাংলাদেসতা কিহোম য়োনবা হৌখি। অসামশু অহানবা ওইনা ২০১৯দগী দুবাইদা কিহোম য়োনবা হৌখি। হৌখিবা চহি ৬ অসিদা লমদম অসিদগী লৌউ-শিংউগী পোৎথোকশিং মপান্দা থাদোকপা চাদা ৮৫.৩৪ য়ৌখি অমসুং ২০১৬-১৭দা য়ু.এস দোল্লর মিল্লিয়ন ২.৫২ ওইরম্বদগী ২০২১-২২দা য়ু.এস দোল্লর মিল্লিয়ন ১৭.২দা হেনগৎলকখি। মপান্দা থাদোক্লিবা মরুওইবা লৈবাকশিং অদুদি বাংলাদেস, ভুতান, মিদল ইস্ত, য়ু.কে অমসুং য়ুরোপনি।

মপান্দা থাদোকপগী মতাংদা লৌমীশিং ৱাখল তাহন্নবা হৌখিবা চহি অহুমদা অপেদানা ত্রেনিং প্রোগ্রাম ১৩৬ পাংথোকখ্রে। অৱাং-নোংপোক্তা ২০১৯-২০দা কেপাসিতি বিল্দিং প্রোগ্রাম ৬২ পাংথোকখি অমসুং ২০২০-২১দা ২১ অমসুং ২০২১-২২দা অসিগুম্বা থৌরম ৫৩ পাংথোকখি। হায়রিবা থৌরমশিং অসিগী মথক্তা হৌখিবা চহি অহুমদা অপেদানা মালেম থাক্কী অৱাং-নোংপোক্তা বয়র-সেল্লর মিতশিং অমসুং মেলা কয়া পাংথোকখি। অসাম অমসুং অতোপ্পা অৱাং-নোংপোক রাজ্যশিংদা লৈরিবা ওর্গানিক ওইবা লৌউ-শিংউগী পোৎথোকশিং মপান্দা য়োন্নবা জুন ২৪, ২০২২দা গুৱাহাতিদা অপেদানা শীন্দুনা নেচরেল, ওর্গানিক অমসুং জিওগ্রাফিকেল ইন্দিকেসন্স(জি আই)গী মতাংদা কনফরেন্স অমা পাংথোকখি।

লৌমীশিংদগী হকথেংন্না পোৎথোকশিং লৌনবা এক্সপোর্তরশিংগী মফম অমা মনিপুরদা শেমগৎনবা অপেদানা পান্দম থম্লি। প্লেতফোর্ম অদুগা অসামগী লৌমীশিং অমসুং প্রোসেসরশিংগা লৈবাক্কী মফম কয়াদা লৈরিবা এক্সপোর্তরশিংগা শম্নগনি অমসুং মসিনা মনিপুর য়াওনা লমদম অসিদগী মপান্দা য়োনবগী থবক হেনগৎহনগনি অমসুং রাজ্য অসিগী মীয়াম থবক ফংবা হেনগৎহনগনি।

মতম শাংনবা মপানগী কৈথেলশিংদা য়োনবা ঙম্নবা মগুন হেনগৎহল্লবা কিহোমগী পোৎথোকশিং নিংথিনা পুথোক্নবগী থবক য়োকখৎনবা থৌরম অদুদা অপেদাগী চিয়রমেন দোক্তর এম.অঙ্গামুতুনা ফোঙদোকখি।

দোক্তর এম.অঙ্গামুতুনা হায়খি লৌমীশিংদগী লৈরকপা কিহোম শেমদোক-শাদোক্লগা লুলু গ্রুপকী খুৎথাংদা গল্ফ লৈবাকশিংদা য়োন্নবা ঐখোয়না মীৎয়েং চঙবা দরকার ওইরি। মসিনা লৌমীশিংনা মখোয়গী পোৎথোকশিং মমল ৱাংনা য়োনবদা মতেং পাংগনি। থৌরম অদুদা মনিপুর সরকারগী এদিসেনল চীফ সেক্রেতরি শ্রী পি ৱাইফৈশু শরুক য়াখি।

*****

(Release ID: 1856705) Visitor Counter : 155