অকোয়বগী ফিবম শোকহন্দনা অমনবা বেত্তরিশিং মফম চানা লোইশিন্নবা ওগস্ত ২৪, ২০২২দা ভারত সরকারগী ইনভাইরোনমেন্ত, ফোরেস্ত অমসুং ক্লাইমেত চেঞ্জনা বেত্তরি ৱেস্ত মেনেজমেন্ত রুলস, ২০২২ লাউথোক্লে।

হায়রিবা কাংলোনশিং লাউথোকপা অসি প্রধান মন্ত্রী শ্রী নরেন্দ্র মোদীনা ওগস্ত ১৫, ২০২১দা নিংতম্বা নুমিৎ থৌরমদা সর্কুলার ইকোনোমি মপুংফানা চৎনহন্নবা মহাক্না লাউথোকখিবা অদু থবক ওইনা পাংথোক্নবা মাইকৈদা থাংলকপা অওনবা খোঙথাং অমনি। 

অনৌবা নিয়মশিং অসিনা বেত্তরিস(মেনেজমেন্ত এন্দ হেন্দলিং)রুলস, ২০২১গী মহুৎশীল্লগনি। নিয়মশিং অসিনা মখল খুদিংমক্কী বেত্তরিশিং হায়বদি ইলেকত্রিক গারিগী বেত্তরিশিং, পোর্তেবল বেত্তরিশিং, গারিগী বেত্তরিশিং অমসুং ইন্দস্ত্রিগী বেত্তরিশিং কোনশিল্লে। 

এক্সতেন্দেদ প্রদুসর রেসপোন্সিবিলিতি(ই পি আর) হায়বদি বেত্তরি পুথোক্লিবশিং(ইমপোর্ত্তরশিং য়াওনা)না অমনবা বেত্তরিশিং খোমজিনবা অমসুং রিসাইক্লিং তৌবা অমসুং মদুদগী ফংলকপা মচাকশিং অদু অনৌবা বেত্তরিশিং শাবদা শীজিন্নবা হায়বা ৱাখল্লোন্দা য়ুম্ফম ওইরগা অনৌবা নিয়মশিং অসি থবক ওইনা পাংথোকপনি।

ই.পি.আরগী মতুংইন্না অমনবা বেত্তরিশিং খোমজিনগদবনি অমসুং রিসাইক্লিং/অনৌবা শেমজিন্নবা থাগদবনি অমসুং অনৌবা রুলগী মতুংইন্না লৈবাক্তা ফুমজিনবা অমসুং মৈ থাবা অথিংবা থম্লে। ই.পি.আরগী কাংলোনশিং ঙাক্নবগীদমক, অমনবা বেত্তরিশিং খোমজিনবা, রিসাইক্লিং তৌবা নত্ত্রগা নৌনা শেমজিনবগী থবক অদু বেত্তরি শারিবা কম্পেনি মশা নত্ত্রগা অয়াবা পীরবা অতোপ্পা কাংবু অমনা পাংথোক্কদবনি।

প্রদুসরশিং অমসুং রিসাইক্লিং তৌরিবশিংগী মরক্তা ই.পি.আর সর্তিফিকেদশিং পীথোক-পীশিন তৌনবগীদমক কাংলোন অমা শেম্বা অমসুং অপুনবা ওনলাইন পোর্তেল অমা লিংখৎপা রুল অসিনা ঙমহল্লগনি। অমনবা বেত্তরিশিং খোমজিন্নবা অমসুং রিসাইক্লিং তৌনবা অনৌবা ইন্দস্ত্রিশিং অমসুং ওন্ত্রেপ্রেনিউয়রশিং লিংখৎপদা রুল অসিনা পুক্নিং থৌগৎলি। 

অমনবা বেত্তরিশিংদগী লৌথোক্কদবা খ্বাইদগী য়ামদবা মচাকশিংগী চাং(চাদা) রুল অসিগী মখাদা পীবদগী রিসাইক্লিং অমসুং অনৌবা শেমজিন্নবগী ইন্দস্ত্রিদা শেন থাদরগনি অমসুং অনৌবা তেক্নোলোজি কয়া থোরক্লগনি অমসুং অনৌবা ললোন-ইতিক্কী খুদোংচাবা কয়া ফংহল্লগনি। অনৌবা বেত্তরি পুথোকপদা তঙাইফদনা শীজিন্নগদবা রিসাইক্লিং তৌরবা মচাকশিং খঙহনবা অসিনা অনৌবা মচাকশিং শীজিন্নবা হন্থহল্লগনি অমসুং মহৌশাগী পোৎথোক কয়া কনবা ঙম্লগনি।

রুলশিং চৎনহন্নবা মোনিতরিং কম্মিতি, ওনলাইন রেজিস্ত্রেসন অমসুং রিপোর্তিং, ওদিতিং অমসুং খুদোংচাদবশিং কোকহন্নবা দরকার ওইবা থবকশিং পায়খৎপা অসি রুল অসিগী মরুওইবা শক্তম্নি। মোৎহল্লিবশিংনা শেন হেন্না তিংবা হায়বা ফিদম অসিদা, রুলশিং অসিদা পল্লিবা ই.পি.আরগী পান্দমশিং, থৌদাংশিং অমসুং তৌগদবশিং পাংথোকপা ঙম্বদবশিং অকোয়গী ফিবম শেমগৎনবা ফাইন থিহনগনি। ইনভাইরোনমেন্তেল কম্পেসেসনগী মখাদা খোমগৎলকপা শেনফমশিং খোজিন্দবা অমসুং রিসাইক্লিং তৌদবা অমনবা বেত্তরিং খোমজিনবা অমসুং রিসাইক্লিং তৌবদা শীজিন্নগনি।

*****

(Release ID: 1854483) Visitor Counter : 236