সোসিয়েল জস্তিস অমসুং ইম্পৱার্মেন্ত মন্ত্রালয়
সোসিএল জস্তিস অমসুং ইম্পৱারমেন্ত মন্ত্রালয়না নেস্নেল হেল্থ ওথোরিতীগী এম.ও.য়ু. অমা খুৎয়েক পীনখ্রে
অপুনবা থৌরাং অসিনা ত্রান্সজেন্দর মীওইশিংগী মফমদা খুন্নাইসিদা মখোয়গী হক অমসুং ইকায়খুম্নবা ফংহল্লগনি – দোক্তর বিরেন্দ্র কুমার
খুদোংচাদ্রবা ফুরুপশিংনা লৈঙাক অমসুং খুন্নাইগা খুৎশম্ননা চৎমিন্নদুনা ইকায়খম্নবা ঙাক্না অমদি মশানা মশাবু থাজজনা মাঙদা চঙশিনবা ঙম্লগনি – দোক্তর মনসুখ মন্দাবিয়া
অনৌবা এম.ও.য়ু. অসিগী মখাদা, ত্রান্সজেন্দর মীওইশিংনা অয়ুস্মান ভারত – পি.এম.জে.এ.ৱাই.গী মখাদা পুম্নমক কোনশিল্লবা হকশেলগী সর্ভিসশিং ফংলগনি
Posted On:
24 AUG 2022 4:33PM by PIB Imphal
সোসিএল জস্তিস অমসুং ইম্পৱারমেন্ত মন্ত্রালয়না নেস্নেল হেল্থ ওথোরিতী (এন.ঐচ.এ.)গা ঙসি নই দিল্লীগী দোক্তর অম্বেদকর ইন্তর্নেস্নেল সেন্তরদা ত্রান্সজেন্দর মীওইশিংদা অয়ুস্মান ভারত-পি.এম.জে.এ.ৱাই.গী মখাদা কম্প্রিহেন্সিব মেদিকেল পেকেজ পীননবা মেমোরেন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখ্রে। এম.ও.য়ু. অদু সোসিএল জস্তিস এন্দ ইম্পৱারমেন্তকী মখাদা লৈবা দিপার্তমেন্ত ওফ সোসিএল জস্তিস এন্দ ইম্পৱারমেন্তকী সেক্রেতরী শ্রী আর. সুব্রহমন্যম অমসুং হকশেল অমদি য়াইফ-য়ুম্বাল মন্ত্রালয়গী মখাদা লৈবা নেস্নেল হেল্থ ওথোরিতীগী চীফ একজেক্যুতিব ওফিসর দোক্তর আর.এস. শর্মনা সোসিএল জস্তিস এন্দ ইম্পৱারমেন্তকী কেন্দ্র মন্ত্রী দোক্তর বিরেন্দ্র কুমার অমসুং হকশেল অমদি য়াইফ-য়ুম্বালগী কেন্দ্র মন্ত্রী দোক্তর মনসুখ মন্দাবিয়া অনিগী মমাঙদা খুৎয়েক পীনখিবনি।
![](https://static.pib.gov.in/WriteReadData/userfiles/image/image001F58L.jpg)
থৌরম অদুদা, কেন্দ্র মন্ত্রী দোক্তর বিরেন্দ্র কুমারনা হকশেল অমসুং য়াইফ-য়ুম্বাল মন্ত্রালয় অমদি সোসিএল জস্তিস অমসুং ইম্পৱারমেন্ত মন্ত্রালয় অনিনা পুন্না পায়খৎমিন্নরিবা থৌরাং অসি লৈবাকসিগী অহানবা ওইবগা লোয়ননা ঐখোয়গী খুন্নাইবু অনৌবা মাইওন অমদা পুরকপদা নত্তনা খুন্নাইসিদা ত্রান্সজেন্দর মীওইশিংগী হক অমসুং ইকায়খুম্নবা মফম ফংহনবা ঙম্লগনি হায়না খোঙদোকখি।
![](https://static.pib.gov.in/WriteReadData/userfiles/image/image0024ARC.jpg)
মেদিকেল হেল্থ পেকেজ অসিগী মখাদা, অখন্নবা “অয়ুস্মান ভারত তি.জি. প্লস” কার্দ অমা ত্রান্সজেন্দর কাঙবুদা স্মাইল স্কিমগা হকশেল অমসুং য়াইফ-য়ুম্বাল মন্ত্রালয়গী “অয়ুস্মান ভারত স্কিম”কা পুনশিল্লগা পীরি, অমদি থৌরাংসিগী মখাদা হকশেলগী ফেসিলিতী ৫০ হেন্না ফংহল্লি। কান্নবশিং অসি লেম্না ফংহনগদবনি। বাইসেক্সুএল কাঙলুপকীদমক মখা তাবা খোঙথাঙ অমা ওইনা কার্দ অসিগী মখাদা কোস্মেতিক সর্জরী তৌবসু য়াহল্লে। লৈঙাক্কী স্কিমগী মখাদা ত্রান্সজেন্দর কাঙলুপ্তা কোস্মেতিক সর্জরীগুম্বা ফেসিলিতী লেম্না ফংহনবা মালেমগী মনুংদা ভারতনা অহানবা লৈবাক ওইরগনি। মসিগা ইরোয়ননা, স্তেত অমা হেক্তদগী, ভারতকী মফম অমা হেক্তদগী ত্রান্সজেন্দর কাঙলুপকী মীওই অমনা অয়ুস্মান ভারত্তা এফিলিএত তৌরবা লায়েংশম অমা হেক্তদা কান্নবা অসি লৌবা য়াগনি হায়না মন্ত্রীনা ফোঙদোকখি।
![](https://static.pib.gov.in/WriteReadData/userfiles/image/image003XGHU.jpg)
দোক্তর বিরেন্দ্র কুমারনা ফোঙদোকখিবদা, পন্দিত দীনদয়াল উপধ্যায় খুন্নাইগী ওৎপি নৈবিরবা অমদি তুহৎপিরবা কাঙবুবু মান্নবা পরিংদা পুরক্নবগী ‘অন্ত্যোদয়া’গী মঙলান মঙফাওনহন্নবা খোঙফম চেৎনা লেপখি, অমদি মায়কৈ অসিদা এম.ও.য়ু. অসি খুৎয়েক পীনখিবনি। মসি য়াম্না মরুওইবা খোঙথাঙ অমনি। হকশেল অমসুং য়াইফ-য়ুম্বাল মন্ত্রালয় অমদি সোসিএল জস্তিস অমসুং ইম্পৱারমেন্ত মন্ত্রালয় অনিনা পুন্না পায়খৎমিন্নরিবা থৌরাং অসিনা ঐখোয়গী খুন্নাইদা অনৌবা মাইওন অমা পীবতানত্তনা ত্রান্সজেন্দর কাঙবুদা মখোয়গী ফংফম থোকপা মফম অমা পীবা ঙম্লগনি। মহৈ মশিং, ইজৎ লৈবা পুন্সি, হকশেলগী তেংবাং, পুন্সি হিংনবগী তাঞ্জা অমসুং স্কিল হেনগৎহনবা হায়রিবা ৱাশক মঙাসিগী খোঙথাঙগা লোয়ননা খুন্নাইদা অহোংবা পুরক্নবগীদমক ভারত লৈঙাক্না খোঙফম চেৎনা লেপ্লি হায়না মহাক্না হায়খি।
থৌরম অদুদা হকশেল অমসুং য়াইফ-য়ুম্বালগী কেন্দ্র মন্ত্রী দোক্তর মনসুখ মন্দাবিয়ানা ত্রান্সজেন্দর কাঙবুগী হক শকখঙবতা নত্তনা মখোয়গী য়াইফনবগীদমক খোথাঙ কয়া লৌখৎননবা ফিরেপ নাইবা মওংদা লৈঙাক অসিনা থবক কয়া পায়খৎলি হায়না ফোঙদোকখি। “দি ত্রান্সজেন্দর পর্সন্স (প্রোতেক্সন ওফ রাইত্স( এক্ত, ২০১৯”, গরিমা গ্রিহ, পি.এম. দক্স প্রোগ্রাম নৎত্রগা হন্দক্তা নৌনা পায়খৎখিবা স্কিম/থৌরাংশিং ওইরবসু ত্রান্সজেন্দর কাঙলুপকী য়াম্লবা থৌরাং কয়া লৌখৎপগীদমক্তা সোসিএল জস্তিস এন্দ ইম্পৱারমেন্ত মন্ত্রালয়বু থাগৎখি।
![](https://static.pib.gov.in/WriteReadData/userfiles/image/image004QOXS.jpg)
নেস্নেল হেল্থ ওথোরিতী (এন.ঐচ.এ.) অমসুং সোসিএল জস্তিস অমদি ইম্পৱারমেন্ত (এম.ও.এস.জে.ই.) অনিগী মরক্তা ঙসি খুৎয়েক পীনরিবা এম.ও.য়ু. অসিনা লৈবাক শিনবা থুংবদা লৈরিবা ত্রান্সজেন্দর মীওইশিংদা (নেস্নেল পোর্তেল ফোর ত্রান্সজেন্দর পর্সন্সনা পীবা ত্রান্সজেন্দর সর্তিফিকেৎ পায়বা) হকশেলগী কান্নবা পুম্নমক পীগনি হায়না দোক্তর মন্দাবিয়ানা হায়খি। এম.ও.এস.জে.ই.না ত্রান্সজেন্দর বিনিফিসরী অমমমদা চহিদা লুপা লাখ ৫গী ইন্স্যুরেন্স কভর পীগনি। ত্রান্সজেন্দরশিংগীদমক্তা হান্না লৈরিবা এ.বি. পি.এম.-জে.এ.ৱাই. পেকেজ অমসুং অখন্নবা পেকেজ (সেক্স রিএসাইনমেন্ত সর্জরী (এস.আর.এস.) অমসুং লায়েং) য়াওরবা ত্রান্সজেন্দর কাঙলুপকী মপুং ফারবা পেকেজ মাস্তর অমা শেম্লি। মখোয়না অকক্নবা পেকেজ ফংবা, লৈবাকসিগী ইম্পেনেল তৌরবা লায়েংশঙ অমা হেক্তদা লায়েংবগী খুদোংচাবা লৌবা য়াগনি। স্কিম অসিনা অতৈ কেন্দ্র/স্তেতনা স্পোন্সর তৌবা স্কিমশিংগী কান্নবা ফংদ্রিবা ত্রান্সজেন্দর মীওই খুদিংমক কোনশিল্লি।
সোসিএল জস্তিস অমদি ইম্পৱারমেন্ত মন্ত্রালয়না কেন্দ্রগী থাক্তা রেজিস্তর তৌদুনা ত্রান্সজেন্দর কাঙলুপকী মীওইশিংদা শকখঙচে পীরি, স্কোলারসিপ পীরি, ত্রান্সজেন্দর প্রোতেক্সন সেলশিং হাংদোক্লি, স্কিল দেভেলপমেন্ত প্রোগ্রামশিং পায়খৎলি লোয়ননা বাইসেক্সুএল কাঙবুগী “কম্প্রিহেন্সিব মেদিকেল হেল্থ পেকেজ” অমা শেম্নবগী থৌরাং পায়খৎলি।
মন্ত্রালয় অনিমক্কী মকোক থোংবা ওফিসিএলশিং অমসুং ত্রান্সজেন্দর কাঙলুপকী মীওইশিংসু থৌরমদুদা শরুক য়াখি।
****
(Release ID: 1854207)
Visitor Counter : 179