پیٹرولیم اور قدرتی گیس کی وزارت
ایچ پی سی ایل نے گائے کے گوبر سے کمپریسڈ بائیو گیس کے اپنے پہلے پروجیکٹ کا آغاز کیا
اس پروجیکٹ کو گوبر دھن اسکیم کے تحت فروغ دیا جارہا ہے
Posted On:
23 AUG 2022 4:37PM by PIB Delhi
گرین انرجی کی طرف بڑھتے ہوئے قدم اور ماحولیاتی ذمہ داری کے تئیں عہدبستگی کے تحت ، ایچ پی سی ایل نے راجستھان کے سانچور میں گائے کے گوبر سے کمپریسڈ بائیو گیس کے اپنے پہلے پروجیکٹ کا آغاز کیا ۔ ویسٹ ٹو انرجی پورٹ فولیو کے تحت یہ ایچ پی سی ایل کا پہلا پروجیکٹ ہوگا۔ بائیو گیس بنانے کے لیے پلانٹ میں یومیہ 100 ٹن گوبر استعمال کرنے کی تجویز ہے، جس کا آٹوموبائل ایندھن کے طور پر استعمال کیا جا سکتا ہے۔ اس پروجیکٹ کو ایک سال کی مدت میں شروع کرنے کی تجویز ہے۔
اس پروجیکٹ کا سنگ بنیاد رکھے جانے کی تقریب راجستھان کے جالور ضلع میں واقع سانچور تحصیل کے پتھ میٹرا گاوں میں شری گودھام مہاتیرتھ پاتھمیڑا لوک پنیارتھ نیاس میں ہوئی۔ اس تقریب میں بائیو ایندھن اور قابل تجدید توانائی کے ای ڈی جناب شویندو گپتا اور ایچ پی سی ایل کے سینئر افسران موجود تھے۔
سوچھ بھارت مشن (گرامین) کے تحت حیاتیاتی اعتبار سے تحلیل ہونے والے فضلات کے بندوبست کے کمپونینٹ کے ایک حصے کے تحت اپریل 2018 میں شروع کی گئی بھارت سرکار کی گوبر-دھن اسکیم کے تحت اس پروجیکٹ کو فروغ دیا جارہا ہے، جس سے صفائی ستھرائی پر مثبت اثر پڑےاور گوبر وحیاتیاتی کچرے سے دولت اور توانائی پیدا کی جاسکے۔
************
ش ح ۔ ف ا ۔ م ص
(U: 9441)
(Release ID: 1853956)
Visitor Counter : 236