রক্সা মন্ত্রী, শ্রী রাজনাথ সিংনা সংঘাই কোওপরেশন ওর্গনাইজেশন (এস.সি.ও.)গী রক্সা মন্ত্রীশিংগী চহিগী ওইবা মীফমদা শরুক য়ানবা, ২০২২গী ওগস্ত ২৩দগী ২৫ ফাওবা উজবেকিস্তানগী তাশকেন্ততা চৎলগনি। চহিগী ওইবা মীফম অসিদা, মখোয়গী এস.সি.ও. মেম্বর স্তেতশিংগী মরক্তা লৈরিবা দিফেন্স কোওপরেশনগা মরী লৈনবা ৱাফমশিং খন্নরগনি অমসুং খন্নরবা মতুংদা অপুনবগী ওইবা জোইন্ত কম্যুনিকে অমা লাউথোক্লবা য়াই। মীফম অদুদা শ্রী রাজনাথ সিংনা ২০২২গী ওগস্ত ২৪দা ৱা ঙাংগনি।

তাশকেন্তকী খোংচৎ অসিদা, এক্সা মন্ত্রী অসিনা থৌবুসু ওইরিবা লৈবাক অসিগী মহাক্কী উজবেকিস্তান কাউন্তরপার্ত, রিপব্লিক ওফ উজবেকিস্তানগী রক্সা মন্ত্রী, লেফ্তনেন্ত জেনরেল বাখোদির কুর্বানোবকা উনরগনি। মসিগী মথক্তা, মীফম অসিগা ইরোইননা নাকলদা অমদা এস.সি.ও.গী মেম্বর ওইরিবা অতোপ্পা লৈবাক খরা অমগী  রক্সা মন্ত্রীগসু মীফম পাংথোক্লগনি, মসিদা মাইকৈ অনিমক্কী কান্নগদবা ইশুশিং অমসুং লৈবাক অনিগী মরক্তা লৈবা ইশুশিং অদু খন্নরগনি।

তাশকেন্ততা মহাক্না লৈরিঙৈ মনুং অদুদা, রক্সা মন্ত্রীনা লৈখিদ্রবা প্রধান মন্ত্রী, লাল বহাদুর শাস্ত্রিগী নিংশিং ফুরাদা ইকাইখুম্নবা উৎলগনি অমসুং উজবেকিস্তানদা লৈরিবা ইন্দিয়ন দাইসপোরাগা উনরগনি।

*****