پنچایتوں میں  پائدار ترقی کے مقاصد کو مقامی نوعیت کے بنانے پر ایک قومی ورکشاپ کا پنچایت راج کے مرکزی وزیر مملکت جناب کپل موریشور پاٹل اور جناب کلدیپ سنگھ ڈھالیوال، دیہی ترقی اور پنچایت کے وزیر نے موہالی، پنجاب میں افتتاح کیا۔ ملک بھر سے پنچایت راج اداروں کے منتخبہ 1300 نمائندے دو روزہ ورکشاپ میں حصہ لے رہے ہیں۔

جناب کپل موریشور پاٹل نے اپنی تقریر میں کہا کہ  گاؤں کی ترقی کے بغیر ملک ترقی نہیں کر سکتا۔

جناب  کپل موریشور پاٹل نے کہا کہ مرکزی حکومت ریاستوں میں  بنیادی ڈھانچے کی ترقی کے لئے خاطر خواہ مالی امداد فراہم کرتی ہے۔ انہوں نے خود کفیل گاؤوں کے خواب کو پورا کر نے کے لئے مرکز کی جانب سے پوری مدد کا یقین دلایا۔

مرکزی وزیر نے مندوبین پر زور دیا کہ وہ مختلف سطحوں پر ادارہ جاتی پائدار ترقی مقاصد کے لئے اپنے تجربات  اور اختراعی ماڈل اور حکمت عملی ایک دوسرے کے ساتھ شیئر کریں۔ اس موقع پر جناب پاٹل نے ایس ڈی جی کا ترانہ اور کتابچہ جاری کیا اور ایک پرائم ایپ اور پی ایس آر ایل ایم ویب سائٹ کو لانچ کیا۔

پنجاب کے وزراء جناب   کلدیپ سنگھ دھالیوال، ڈاکٹر بلجیت کور،   جناب ہر بھجن سنگھ، جناب لال چند کٹاروچک، جناب  برہم شنکر زمپا، جناب انمول گگن مان، اس موقع پر موجود تھے۔ اس کے علاوہ پنچایت راج  کی مرکزی وزارت میں سکریٹری جناب سنیل کمار اور پینےکے پانی اور صفائی ستھرائی  محکمے میں سکریٹری محترمہ وِنی مہاجن بھی اس موقع پر شریک جلسہ تھے۔

***

ش ح۔ ع س۔ ک ا