#Unite2FightCorona

#IndiaFightsCorona

नवी दिल्‍ली/मुंबई, 17 ऑगस्‍ट 2022

आरोग्य मंत्रालयाची कोविड-19 घडामोडींवरील माहिती

आज सकाळी 7 वाजेपर्यंत प्राप्त झालेल्या तात्पुरत्या अहवालानुसार, भारताच्या देशव्यापी कोविड-19 प्रतिबंधक लसीकरण मोहिमेने 208.57 (2,08,57,15,251) कोटींचा टप्पा पार केला आहे. 2,77,24,081 सत्रातून हे लसीकरण पार पडले आहे. देशातील 12 ते 14 वर्ष वयोगटातील मुलामुलींसाठी 16 मार्च 2022 रोजी कोविड प्रतिबंधक लसीकरण मोहीम सुरू झाली. आतापर्यंत 3.98  (3,98,04,269) कोटींपेक्षा अधिक किशोरवयीन बालकांना लसीची पहिली मात्रा देण्यात आली आहे. त्याचप्रमाणे 10 एप्रिल, 2022 पासून 18 ते 59 वयोगटातल्या नागरिकांसाठी कोविड-19 प्रतिबंधक क्षमता वृद्धी मात्रा देण्‍यास प्रारंभ झाला आहे.

भारतातील रुग्णसंख्या सध्या 1,05,058  इतकी आहे, ती देशाच्या एकूण रुग्णसंख्येच्या तुलनेत 0.24 टक्के इतकी आहे. परिणामी, भारतात रुग्ण बरे होण्याचा दर 98.57 टक्के  झाला आहे.

गेल्या 24 तासांत 15,220 कोरोना रुग्ण बरे झाल्यामुळे आतापर्यंत कोरोनामुक्त झालेल्या रुग्णांची संख्या (महामारीच्या आरंभापासून) वाढून 4,36,54,064. झाली आहे.

गेल्या 24 तासात 9,062  नव्या कोरोना रुग्णांची नोंद झाली.

गेल्या 24 तासात एकूण 3,64,038  चाचण्या करण्यात आल्या. भारताने आतापर्यंत एकूण 88.10  (88,10,56,541) कोटींहून अधिक चाचण्या केल्या आहेत. साप्ताहिक पॉझिटिव्हिटी दर सध्या 4.38 टक्के तर दैनंदिन पॉझिटिव्हिटी दर 2.49 टक्के आहे..

इतर अपडेट्स :

• राज्ये आणि केंद्रशासित प्रदेशांकडे 6.77 कोटी उपयोगी मात्रा शिल्लक आहेत.

* * *

S.Kakade/D.Rane