সিভিল এভিএসন অমসুং স্তীল মন্ত্রী শ্রী জ্যোতিরঅদিত্য এম. সিন্দিয়ানা মহারানি লক্সমি বাই কী ছত্রি অমসুং সেন্ত্রেল জেল, গ্বালিয়রদা অজাদি কা অমৃত মহোৎসব অমসুং পার্তিসন হোরর্স রিমেম্বরেন্স দেগী শরুক অমা ওইনা ফোতো একজিবিসন অমা হৌদোক্কনি অমসুং তোঙান-তোঙানবা থৌরম কয়া লুচিংগনি। অজাদি কা অমৃত মহোৎসব (একাম) অসি কেন্দ্র লৈঙাক অমসুং ভারত মীয়াম্না তিরঙ্গাবু য়ুমদা পুরক্তুনা অমসুং 'হর ঘর তিরঙ্গা' কেম্পেনগী শরুক অমা ওইনবা হরাও তয়াম্বগা লোইননা  লৈবাক অসিনা নীংখা তম্লকপগী ৭৫শুবা পালন পাঙথোক্লি। 'হর ঘর তিরঙ্গা' অসি অজাদি কা অমৃত মহোৎসবকী মখাদা মীয়াম্বু তিরঙ্গা য়ুমদা পুদুনা ভারতকী নীংখা তম্লকপগী ৭৫শুবা চহি পালন তৌবা ওইনা পাইহন্নবা হোৎনরিবা কেম্পেন অমনি।

হন্দক চহিগী নীংখা তম্বগী পালন অসিগী য়েংলগা, সিভিল এভিএসন মন্ত্রালয়না ওগস্ত ১৪দা মহারানি লক্সমি বাই কী ছত্রি, গ্বালিয়রদা ফোতো একজিবিসন অমা পাঙথোক্কনি। থৌরম অসি কেন্দ্রগী সিভিল এভিএসন অমসুং স্তীল মন্ত্রী শ্রী জ্যোতিরঅদিত্য এম. সিন্দিয়ানা লুচিংদুনা হৌদোক্কনি। থৌরম অসিগী মনুংদা, মহাক্না জাতিগী ফিরাল (তিরঙ্গা)বু মহারানি লক্সমি বাই সমরক্তা চিংখৎকনি, ঐখোয়গী নীংতম ঈহৌদা লৈখিদ্রবা অথৌবা/নীংতম লান্মীশিংদা ইকাই খুম্নবা উৎকনি অমসুং মখোয়গী ইমুং মনুংশিং উন্নগনি অমসুং তরাম্না ওক্কনি।

খোঙচৎ অসিগী মনুংদা, মন্ত্রীনা ফুলবাঘ রেলৱে হোক্কী স্তেদিয়ম, মীদিয়া সেন্তর হৌদোক্কনি অমসুং অপগ্রেদেসনগী থবকশিং মুরারগী দিস্ত্রিক্ত হোস্পিতাল অমদা চৎথগনি।

***************