হকশেল অমসুং য়াইফ-য়ুম্বালগী কেন্দ্রগী সেক্রেতরী শ্রী রাজেশ বুশন্না ঙসি নি দিল্লীদা লৈবা নেস্নেল মেদিকেল লাইব্রেসীদা দি.জি.ঐচ.এস, দা. (প্রোফেসর) অতুল গোএল য়াওবা থৌরম অমদা “ই.আর.এম.ই.দি. কনসোর্তিয়ম: দিজিতেল হেল্থ রেসোর্সেস: এ রিএলিতী” হায়বা অসিদা ৩শুবা নেস্নেল কনফরেন্স হৌদোকখ্রে।

নেস্নেল মেদিকেল লাইব্রেরী’স ইলেক্ত্রোনিক রিসোর্সেস ইন মেদিসিন (এন.এম.এল.-ই.আর.এম.ই.দি.) কনসোর্তিয়ম অসি দিরেক্তোরেৎ ওফ হেল্থ সর্ভিসেস (দি.জি.ঐচ.এস.) অমসুং কেন্দ্রগী হকশেল অমসুং য়াইফ-য়ুম্বাল মন্ত্রালয়গী ফ্লেগশিপ ইলেক্ত্রোনিক রিসোর্সশিংগী কনসোর্তিয়ম অমনি, মসিদা ওল ইন্দিয়া ইন্সতিত্যুত ওফ মেদিকেল সাইন্সেস (এমস) পুম্নমক য়াওনা রাজ্য অমদি কেন্দ্রনা শেন্থং পীথবা সরকারগী লোইশঙ ৭১দা পুং কুনমরি ইজর্নেল ২২৮ এক্সেস তৌবা ফংহল্লি।

শ্রী রাজেশ ভুশন্না এন.এম.এল.বু মখোয়গী পাকথোক-চাউথোক্নবগী খোঙথাংশিং পাইখৎপগীদমক থাগৎপা ফোঙদোকখি অমসুং লাইচৎ মতুংদা লাইব্রেরীগী অপুনবা শক্তমদা জাতি অমসুং মালেমগী থাক্তা অহোংবা লাকখি হায়না মহাক্না ফোঙদোকখি। মহাক্না হায়খি মদুদি প্রিন্ত অমসুং মেন্যুএল লর্নিং রিসোর্সশিংদগী ইলেক্ত্রোনিক ফোর্ম ফাওবদা খোঙজেল য়াংনা অহোংবশিং লাক্লি। “অদুবু হন্দক্তা মেদিকল ইন্সতিত্যুসনশিংদা চাউনা পাকথোক-চাউথোকপা উবা ফংলিবা মালেমগী লৈবাক খরগী মনুংদা ভারতসু অমনি হায়বা মরু ওইবা ৱাফম অসি ঐখোয়না নাথৈদুনা থমলোইদবনি। মরম অসিনা ঐখোয়না মালেমগী তেক্নোলোজিকেল প্রেক্তিসশিং পাইখৎপদা চেকশিনবা তাই অমসুং ঐখোয়গী লমদম অসিগী মথৌ তাবশিং অদু য়েংবা তাই”।

ভারত্তা চাউরবা রিসর্চ কম্ম্যুনিতী লৈ অমসুং ঐখোয়গী তেক্নোলোজীগী মতিক-ময়াই অসি পুক্নিং থৌগৎপা মথৌ তাই হায়না ফোঙদোক্লদুনা কেন্দ্রগী হেল্থ সেক্রেতরীনা ভেক্সিন দোজ বিলিয়ন ২ হেন্না দিজিতেল ওইনা রেকোর্দ তৌখিবগা লোয়ননা ঐখোয়গী প্রজাগী থৌগল তৌখিবা মপাঙ্গল কনবা কোৱিন প্লেৎফোর্ম অসি মালেমগী খ্বাইদগী ফবা প্রেক্তিস অমনি হায়নসু থাগৎনখি হায়না ফোঙদোকখি। মহাক্না স্তেকহোল্দরশিংদা মসিগা মান্নবা দিজিতেল প্লেৎদোর্মশিং পুথোক্নবা অমসুং লমদম অসিদা শেমজবা খ্বাইদগী ফবা প্রেক্তিস পুথোক্তুনা ভারতকী পাম্বৈ অমসুং ভারতকী সোল্যুসনশিংনা দিজিতেল স্পেসশিংবু খুদুম চন্নবা হোৎনরি হায়না হায়খি।

শ্রী রাজেশ ভুশন্না মেদিকেল তীচিং অমসুং মেদিকেল কিয়রদা লাইচৎনা পীখিবা শাফুশিংগী মতাংদা নৌহৌননা ফোঙদোকখি। হৌজিক মীয়াম্না শীজিন্নরিবা ইলেক্ত্রোনিক আই.সি.য়ু.শিং নত্ত্রগা তেলি-আই.সি.য়ু.শিং  অমসুং তেলিকম্ম্যুনিকেসনশিং অসিগুম্বা খুদমশিং অসি পল্লদুনা মহাক্না হায়খি মদুদি লাইচৎ অসিনা দিজিতেল মেদিকেল কিয়রগী ইকোসিস্তেমদা ইনোৎ হাপখি। মহাক্না মখা তারদুনা হায়খি ভারত সরকারনা লৈবাক অসিগী ইন্তর্নেৎ অমসুং মোবাইল তেক্নোলোজী পেনিত্রেসনগী তেক্নিকেলগী ওইবা খুদোংচাবশিং অসি লৌদুনা সর্ভিসশিং অসি পাকথোক চাউথোকহনখি। এভেন্যুশিং অসি এক্সেসিবিলিতী, এফোর্দেবিলিতী, ইক্বিতী লোয়ননা ক্বালিতী হেল্থকিয়র সর্বিসশিং ফংহন্নবগীদমক গ্রাউন্দ লেবেলদা মাংদা চংশিল্লি। মপাঙ্গল কনবা গ্রাউন্দ ৱার্ক অসিদা য়ুম্ফম ওইরগা লাইব্রেরীশিংদা ঐখোয়গী মেদিকেল প্রোফেস্নেলগী মথৌ তাবশিং থুংহনবদা মতেং পাংনবা ইনোভেতিব ওইবা খ্বাইদগী ফবা প্রেক্তিসশিং পাইখৎপা তাই হায়না মহাক্না ফোঙদোকখি।

ই.আর.এম.ই.দি.গী মপুং ওইবা মীৎয়েংদি এন.এম.সি.গী গাইদলাইনশিং, ক্লিনিসিয়ন পুম্নমক্তা স্তেন্দর্দাইজ কিয়র ঙাক্না চৎনবা, কিয়রদা ভেরাইএবিলিতী হেন্থহন্নবা, সেফ পেসেন্ত কিয়র ফংহন্নবা, হীদাক নিয়ম চুম্না শীজিন্ননবা অমসুং বিহেবিয়র প্রেস্ক্রাইব তৌনবা, মেদিকেল ইর্রশিং হন্থহন্নবা, মথৌ তাদবা দাইগনোস্তিক তেস্তিং তৌবা লেপহন্নবা, স্তেগী মতম হন্থহনবা, শীবগী চাং হন্থহনবা, খ্বাইদগী নৌবা রিসর্চকী এক্সপোজর হেনগৎহনবা, ইনফোর্মেসন দিবেলপমেন্ত তৌনবা, সাইন্তিফিক অমসুং তেক্নোলোজীগী ওইবা খুমাং চাউশিন্নবা হায়রিবশিং অসিদা মতেং পাংলি। ই.আর.এম.ই.দি. কনসোর্তিয়মনা রিসর্চ আউতপুৎ হেনগৎহনগনি অমসুং থৌওং অসিদা মেম্বর ইন্সতিত্যুসনশিংগী রেঙ্কিং হেনগৎহনগনি। ভারত সরকারনা এন.এম.এল.-ই.আর.এম.ই.দি. কনসোর্তিয়ম প্রোজেক্তকী মখাদা ইলেক্ত্রোনিক জর্নেলশিং এক্সেস তৌবগী মথৌ তাবগী ফাইনান্সিএল সপ্পোর্ত পীরি। ই.আর.এম.ই.দি. মেম্বরশিং অসিনা ফেকল্তী মেম্বরশিং অমসুং মহৈরোয়শিংগী কান্ননবা মমিং লৈবা পব্লিশরশিংনা ফোঙবা এদভান্স ক্লিনিকেল তুলশিং অমসুং রিসোর্সশিং এক্সেস তৌবা ফংহল্লি।

এন.এম.এল.-ই.আর.এম.ই.দি.গী ওফিসিএল ৱেবসাইৎ (http://www.ermed.in/) অমসুং বুকলেৎসু থৌরম অসিদা লোঞ্চ তৌখি।

থৌরম অসিদা দি.জি.ঐচ.এস., দা. (প্রোফেসর) অতুল গোএল, এ.এস. অমসুং এফ.এ. শ্রী অশিশ শ্রীবাস্তবা, জে.এস. কুমারী হেকালি জিমোমি, দিরেক্তর নেস্নেল মেদিকেল লাইব্রেরী, দা.(প্রোফেসর) বি. শ্রীনিবাস, দি.জি.ঐচ.এস., দি.দি.জি.(পি) দা. (প্রোফেসর) অনিল মনিকতালা, প্রোফএসর ওফ এক্সিলেন্স (পি.ও.ই.) দা. রাজিব গার্গ লোয়ননা অতোপ্পা এক্সপর্তশিং অমসুং মন্ত্রালয় অসিগী ওফিসিএলশিংনা শরুক য়াখি।

*****

(रिलीज़ आईडी: 1851427) आगंतुक पटल : 151